Siyosat
O‘zbekiston prezidenti Ostona shahrida kutib olindi
O‘zbekiston Respublikasi Prezidenti Shavkat Mirziyoyev amaliy tashrif bilan Ostona shahriga keldi.
Qozog‘iston poytaxti aeroportida davlatimiz rahbarini ushbu mamlakat bosh vaziri Oljas Bektenov va boshqa rasmiylar kutib oldi.
Tashrif dasturiga muvofiq, O‘zbekiston yetakchisi kuzatuvchi davlat rahbari maqomida Oliy Yevroosiyo iqtisodiy kengashining navbatdagi yig‘ilishida ishtirok etadi.