Iqtisodiyot
O‘zbekiston mahsulotlarini eng ko‘p xarid qilayotgan davlatlar aytildi
Milliy statistika qo‘mitasi ma’lumotlariga ko‘ra, 2026 yil yanvar oyida O‘zbekistonning eksport hajmi 1,7 mlrd AQSh dollarini tashkil etdi. Bu ko‘rsatkich o‘tgan yilning mos davriga nisbatan 26,7 foizga oshgan.
Ma’lum qilinishicha, mazkur davrda O‘zbekiston mahsulotlarini eng ko‘p xarid qilgan davlatlar orasida Rossiya yetakchilik qilmoqda. Bu mamlakatga eksport hajmi 325,8 mln AQSh dollarini tashkil etgan.
Shuningdek, Xitoyga 178,1 mln dollar, Afg‘onistonga 136,7 mln dollar va Fransiyaga 103,6 mln dollarlik mahsulot eksport qilingan.
Top-10 davlatlar qatoriga, shuningdek, Turkiya (84,3 mln dollar), Qozog‘iston (81,6 mln dollar), Qirg‘iziston (46,5 mln dollar), Tojikiston (45,7 mln dollar), Birlashgan Arab Amirliklari (41,4 mln dollar) hamda AQSh (32,1 mln dollar) kirgan.