Jamiyat
O‘zbekiston mahallalari 5 kunda 70 ming tonna chiqindidan tozalandi
Qurbon hayiti munosabati bilan 25 maydan 3 iyunga qadar respublika bo‘ylab «Dolzarb 10 kunlik» tozalik tadbirlari o‘tkazilmoqda.
Bu borada Chiqindilarni boshqarish va sirkulyar iqtisodiyotni rivojlantirish agentligida respublika ishchi shtabi tashkil etildi.
Tadbir davomida sanitar tozalash korxonalari tomonidan barcha mahalla va aholi yashash hududlarini ozoda saqlash, bayram kunlari chiqindilar to‘planib qolishining oldini olish maqsadida qattiq maishiy chiqindilardan tozalash ishlari amalga oshirildi.
Jumladan, dastlabki 5 kun davomida 14 494 ta mahalla hududi tozalandi. Ushbu ishlarga 33 024 nafar xodim hamda 12 484 ta maxsus texnika safarbar qilindi. Hududlardan 70 925 tonna qattiq maishiy chiqindi olib chiqilib, tegishli tartibda bartaraf etildi.