Iqtisodiyot
O‘zbekiston asalni asosan ikki davlatga eksport qilmoqda
Foto: Veterinariya va chorvachilikni rivojlantirish davlat qo‘mitasi
Veterinariya va chorvachilikni rivojlantirish davlat qo‘mitasi qayd etishicha, 2024 yil va 2025 yilning to‘rt oyi davomida 206 ming dollar qiymatida 64 tonna asal eksport qildi.
Asalning 92 foizi AQSh va 7 foizi Afg‘onistonga eksport qilingan. Bu yil birinchi marta Xitoyga eksport qilish yo‘lga qo‘yildi.
2024 yil va 2025 yilning to‘rt oyi davomida 5 mln AQSh dollari miqdorida 260 ming dona asalari paketlari eksport qilingan.
Asalari paketlari asosan Rossiya, Qozog‘iston va Armanistonga eksport qilingan bo‘lsa, bu yil eksport geografiyasiga Tojikiston ham qo‘shilgan.
Asalari paketlari eksporti o‘tgan yilning mos davriga nisbatan 1,5 baravarga oshdi.