Jamiyat
Namanganda 1,6 mlrd so‘mlik gaz o‘g‘irlandi: tafsilotlar
Uchqo‘rg‘on tumanida 1,6 mlrd so‘mlik tabiiy gazdan noqonuniy foydalangan umumiy ovqatlanish shoxobchasi aniqlandi.
Bosh prokuratura huzuridagi Departamentning Uchqo‘rg‘on tumani bo‘limi tomonidan o‘tkazilgan tergovga qadar tekshiruv o‘tkazilgan.
Unda “R.K.” MChJ rahbari B.M. (muqaddam sudlangan) umumiy ovqatlanish shoxobchasida tijorat maqsadida gaz tarmog‘iga o‘zboshimchalik bilan ulanib, 1,6 mlrd so‘mlik tabiiy gazdan noqonuniy foydalanganligi aniqlangan.
Mazkur holat yuzasidan Jinoyat kodeksining 169-moddasi (o‘g‘rilik) bilan jinoyat ishi qo‘zg‘atilib, tergov harakatlari o‘tkazilmoqda.