Jamiyat
Muzaffar Kamilov Prezident maslahatchisi etib tayinlandi
Prezidentning farmoni bilan Muzaffar Murotovich Kamilov O‘zbekiston Respublikasi Prezidentining diniy-ma’rifiy masalalar bo‘yicha maslahatchisi lavozimiga tayinlandi. Bu haqda Prezident matbuot xizmati xabar berdi.
Shu munosabat bilan u Prezident Administratsiyasi Diniy-ma’rifiy masalalar bo‘yicha departamentining boshlig‘i lavozimidan ozod etildi.
Kamilov ilgari O‘zbekiston xalqaro islom akademiyasi rektori, prezidentning jamoat va diniy tashkilotlar bilan hamkorlik masalalari bo‘yicha maslahatchisi, Din ishlari bo‘yicha qo‘mita raisining birinchi o‘rinbosari va boshqa lavozimlarda ishlagan.