Jamiyat
Mirzo Ulug‘bek tumanida avtomobil yonib ketdi
Mirzo Ulug‘bek tumanida avtomobilda sodir bo‘lgan yong‘in to‘g‘risida ma’lumot taqdim etildi.
16 iyul kuni soat 00:08 da Toshkent shahar Mirzo Ulug‘bek tumani Mirzo Ulug‘bek shohko‘chasida avtomobil yonayotgani to‘g‘risida Toshkent shahar FVBga xabar tushgan.
Shunga ko‘ra, yong‘in-qutqaruv texnikalari aytilgan manzilga soat 00:11 da yetib borib, yong‘in soat 00:16 da o‘chirildi.
Yong‘in oqibatida jabrlanganlar yo‘q. Hozirda yong‘in sababi aniqlanmoqda.