Mahalliy
Mirziyoyev amaliy tashrif bilan Ostona shahriga yetib bordi
Bugun Prezident Mirziyoyev Qozog‘iston prezidenti Qosim-Jomart To‘qayevning taklifiga binoan Ostonada bo‘lib turibdi. O‘zbekiston yetakchisi «Markaziy Osiyo – Italiya» sammiti tadbirlarida ishtirok etadi.
Tadbirda mintaqa mamlakatlari yetakchilari va Italiya Bosh vaziri ishtirok etishi ko‘zda tutilgan.
Kun tartibiga muvofiq, ko‘p qirrali hamkorlikni, eng avvalo «yashil» iqtisodiyot, investitsiyalar, innovatsiyalar, fan va ta’lim sohalarida yanada rivojlantirish masalalari ko‘rib chiqiladi.