Jamiyat
Markaziy Osiyo bo‘ylab uzilishlar ro‘y berdi
Qo‘shni mamlakat energetika tizimida yuz bergan avariya Markaziy Osiyo energetika tizimiga ta’sir ko‘rsatdi.
Natijada Surxondaryo va boshqa ayrim viloyatlarning elektr ta’minotida uzilish kuzatildi. Bu haqda O‘zbekiston Energetika vazirligi xabar berdi. Holat Tojikiston, Qirg‘iziston va Qozog‘istonga ham ta’sir qilgan.
Xabarlarga ko‘ra, Bishkek, Olmaota va Dushanbe shaharlarida elektr ta’minotida ommaviy uzilishlar kuzatilmoqda.
Xususan, Olmaota va Olmaota viloyatida 500 kV havo elektr uzatish liniyalarining favqulodda uzilishi natijasida elektr uzilishlari yuz berdi. Qozoq OAVlariga ko‘ra, boshqa hududlar, masalan Chimkentda ham elektr uzilishlari yuz bergan.