Dunyodan
Kiyevda 6 mingdan ortiq uy issiqliksiz qolgan.
Rossiyaning Kiyevdagi yirik hujumi natijasida 6000 dan ortiq uy issiqliksiz qoldi. Bu haqda shahar meri Vitaliy Klichko ma’lum qildi.
Uning aytishicha, hujum poytaxtdagi muhim infratuzilmaga jiddiy zarar yetkazgan.
“Poytaxtda yana 6 mingga yaqin uy issiqliksiz qoldi, ularning aksariyati 9 va 20 yanvardagi hujumlardan keyin ikki marta ulangan yoki ulanishga urinilgan uylar”, — deb yozadi Klichko.
Ayniqsa, shaharning chap qirg‘oq hududlarida suv ta’minotida ham muammolar mavjud.
Ukraina prezidenti Vladimir Zelenskiy keng ko‘lamli hujumning asosiy nishonlaridan biri mamlakat energetika tizimi ekanligini aytdi.
“Kiyev va Kiyev viloyati, Sumi, Xarkov va Chernigov viloyatlariga hujum uyushtirildi. Xarkovda tug‘ruqxona, ko‘chirilganlar yotoqxonasi, tibbiyot universiteti va turar-joy binolari vayron bo‘ldi. Hozirgacha o‘nlab odamlar, jumladan, bolalar yaralangani ma’lum. Rossiyaliklarning asosiy maqsadi – poytaxtdagi va uning atrofidagi energetika ob’ektlari, deb yozdi Zelenskiyning Telegram kanalida.