Dunyodan
Kim Chen In Maduro o‘g‘irlab ketilganidan keyin ham favqulodda choralar ko‘rgan
Shimoliy Koreya yetakchisi Kim Chen In shaxsiy xavfsizligiga mas’ul bo‘lgan uch nafar yuqori lavozimli amaldorni ishdan bo‘shatdi. Bu haqda Janubiy Koreya hukumati vakiliga tayanib Euronews xabar berdi.
SS rahbariyatidagi o‘zgarish Kim Chen Inga qarshi ehtimoliy suiqasd haqidagi xavotirlar bilan izohlanadi.
Qo’shma Shtatlar bilan munosabatlar sovuqlashgan bir paytda, Shimoliy Koreya Ukrainaga qarshi urushda Rossiyani qo’llab-quvvatlash uchun minglab askarlarini yubordi. Rossiya prezidenti Vladimir Putin ham Shimoliy Koreyaning Kurskdagi g‘alabaga qo‘shgan hissasini tan oldi.
Janubiy Koreya Milliy razvedka xizmati (NIS) maʼlumotlariga koʻra, Shimoliy Koreyaning 10 mingga yaqin askari Rossiya-Ukraina chegarasi yaqinida joylashgan. 2025-yil noyabr oyida Shimoliy Koreya Rossiyaga qo‘shimcha 5000 askar yubordi.
Kim Chen Inning o‘zi esa Kreml tomonidan “Ukrainadagi vaziyatni hal qilish” bo‘yicha ko‘rilayotgan har qanday chora-tadbirlarni so‘zsiz qo‘llab-quvvatlashini aytdi.
Koreya Milliy birlashish milliy instituti tahlilchisi Xong Minning fikricha, Kim Chen In o‘zining shaxsiy xavfsizlik tizimi rahbariyatini aynan Ukraina urushida Rossiya tomonidan qo‘llab-quvvatlanganidan keyin unga tahdid kuchaygani uchun o‘zgartirgan.
Tahlilchi Xong Min shunday dedi: “Shimoliy Koreyaning harbiy jo‘nati (Rossiyaga) xalqaro e’tiborni jalb qilgan holda, Kim Chen In, ehtimol, ukrainaliklarni jalb qilish orqali unga qarshi suiqasd uyushtirilishini taxmin qilmoqda”.
Avval xabar qilinganidek, 3-yanvarga o‘tar kechasi AQSh Venesuela poytaxti Karakas va mamlakatning boshqa hududlariga qarshi harbiy hujum boshladi.
Harbiy operatsiya vaqtida Venesuela prezidenti Nikolas Maduro va uning rafiqasi Cilia Flores Karakasdagi saroyidan o‘g‘irlab ketilib, AQShga olib ketilgan. AQSh rasmiylari Maduroni narkotik terrorizm, giyohvand moddalar kontrabandasi va noqonuniy qurol savdosida ayblamoqda.
Shimoliy Koreyaning xavfsizlik choralarini kuchaytirishi Maduroning kuni Kim Chen Inning boshiga tushishidan qo‘rqish bilan ham izohlanadi. Shimoliy Koreya hukumati uzoq vaqtdan beri Qo‘shma Shtatlarni Kim Chen Inni hokimiyatdan chetlatmoqchi bo‘lganlikda ayblab keladi.
Ma’lumotlarga ko‘ra, Kim Chen In yaqinda xavfsizlik choralarini kuchaytirish uchun yangi texnika va texnologiya sotib olgan.
Darvoqe, so‘nggi paytlarda Shimoliy Koreya rahbarlarining qizi Kim Ju Ayni rasmiy tadbirlarda va xorij safarlarida hamrohlik qilish odat tusiga kirgan.
12 yoshdan 13 yoshgacha bo‘lgan qiz yadro quroliga ega davlatning Kim Chen Indan keyingi yetakchisi sifatida ko‘rilmoqda.