Sport
JCh tarixida ilk marta qizil kartochka o‘yindan keyin bekor qilindi
O‘tgan o‘yinda qizil kartochka olib maydondan chetlatilgan Folarin Balogun nimchorak finalda Belgiyaga qarshi o‘ynashi mumkin.
Oq uy FIFA prezidenti Janni Infantinodan AQSh milliy jamoasi hujumchisi Folarin Balogunga ko‘rsatilgan qizil kartochka bekor qilinishini so‘radi, deb xabar berdi Give Me Sport.
25 yoshli hujumchi jahon chempionati 1/16 finalida Bosniya va Gersegovinaga qarshi o‘yinda himoyachi Tariq Muharamovichga nisbatan qilgan qo‘polligi uchun qizil kartochka olgandi.
5 iyul kuni The Athletic nashri futbolchining diskvalifikatsiyasi to‘xtatilgani va u nimchorak finalda Belgiyaga qarshi o‘ynashi mumkinligi haqida xabar berdi.
Manbalarning so‘zlariga ko‘ra, FIFA vakillari bunday qaror chiqarilishiga Oq uyning aloqasi yo‘qligini aytishgan.
AQSh prezidenti Donald Tramp esa FIFAga minnatdorlik bildirdi.
«To‘g‘ri va adolatli ish qilgani uchun FIFAga rahmat!», — deb yozdi u Truth Social ijtimoiy tarmog‘ida.