Dunyodan
JCH-2026 stadioni yaqinida dahshatli kashfiyot amalga oshirildi.
Meksikada jahon chempionati o‘tkaziladigan stadion yaqinida 500 dan ortiq qop inson suyaklari topildi.
Daily Star nashrining xabar berishicha, Xalisko shtatidagi Estadio Akron stadioni yaqinida inson tanasi qismlari solingan sumka topilgan.
Ushbu stadion 2026 yilgi futbol bo’yicha jahon chempionatining rasmiy maydonlaridan biri hisoblanadi. Topilmalarga ko’ra, bu kashfiyotlar stadiondan taxminan 10 milya radiusda joylashgan kamida 22 ta yashirin ommaviy qabrlar bilan bog’liq.
Dastlab, Las-Agujas mahallasida turar-joy binosini qurish chog‘ida qurilish ishchilari tana qismlari bo‘lgan polietilen paketni topdilar.
Ispaniyaning El Pais nashriga ko‘ra, Xalisko Meksikada bedarak yo‘qolganlar soni bo‘yicha to‘rtinchi o‘rinda turadi. Birgina o‘tgan yilning yanvar-noyabr oylari orasida 2483 ta shunday holat qayd etilgan.
Mutaxassislar bu hodisalarni narkokartel faoliyati bilan bog‘lashdi. Xalisko shtati dunyodagi eng shafqatsiz jinoiy tashkilotlardan biri bo’lgan Xalisko Kartelining (CJNG) asosiy bazasi hisoblanadi.