Sport
Jahon chempionati debyutantlari futbolkalariga maxsus nishon qadaladi
Jahon chempionatining final bosqichida ilk bor ishtirok etadigan futbolchilarning liboslariga maxsus nishon qadaladi. Bu haqda ESPN nashri xabar berdi.
Ushbu o‘ziga xos belgi debyutantlarni boshqa yulduzlardan ajratib turish va ularning faoliyatidagi tarixiy qadamni alohida e’tirof etish maqsadida joriy etilmoqda. Hatto allaqachon jahon yulduziga aylanib ulgurgan Lamin Yamal ham shunday nishon bilan maydonga tushadi.
O‘z tarixida ilk bor jahon chempionati yo‘llanmasini qo‘lga kiritgan O‘zbekiston terma jamoasining barcha a’zolari shunday liboslarda harakat qilishadi.