Jamiyat
Irkutskda qiyin vaziyatda qolgan ikki nafar fuqaro vatanga qaytarildi
Rossiyaning Irkutsk shahrida og‘ir hayotiy sinovlarga duch kelgan ikki nafar O‘zbekiston fuqarosining vatanga qaytishi ta’minlandi.
Ushbu insonparvarlik ko‘magi O‘zbekistonning Novosibirsk shahridagi Bosh konsulxonasi tomonidan Vazirlar Mahkamasi huzuridagi Tashqi mehnat migratsiyasi agentligining Rossiyadagi vakolatxonasi bilan birgalikda amalga oshirildi.
Yurtdoshlarning O‘zbekistonga qaytishi uchun Irkutsk–Toshkent yo‘nalishida samolyotga chipta xarid qilib berildi.
Ular 24 avgust kuni O‘zbekistonga uchib ketdi.