Jamiyat
Hukumat 4 ta pedagogika oliygohiga yangi rektorlar tayinladi
Vazirlar Mahkamasining tegishli qarorlari bilan 4 ta pedagogika oliygohiga rektor tayinlandi.
Jumladan:
Yo‘ldoshev Maqsudjon Abdullayevich Jizzax davlat pedagogika universiteti rektori etib tayinlandi.
U bunga qadar Maktabgacha va maktab ta’limi vazirligi Pedagog kadrlarni tayyorlash va kasbiy rivojlantirish boshqarmasi boshlig‘i edi;
Toshkenboyev Ulug‘bek Nig‘matovich Toshkent shahridagi “A.I. Gersen nomidagi Rossiya davlat pedagogika universiteti” Federal davlat budjeti oliy ta’lim muassasasi filialining ijrochi direktori etib tayinlandi.
U bunga qadar Maktabgacha va maktab ta’limi vaziri maslahatchisi edi;
Saidov Mash’al Samadovich Shahrisabz davlat pedagogika instituti rektori etib tayinlandi.
U bunga qadar Alfraganus universitetida Menejment va marketing kafedrasi mudiri edi;
O‘roqov Sherzod Rahmonovich Kattaqo‘rg‘on davlat pedagogika instituti rektori etib tayinlandi.
U bunga qadar Samarqand davlat universitetining Kattaqo‘rg‘on filiali direktori edi.