Dunyodan
Germaniyada Usmonovga qarshi ish yuritish sanksiyalarni buzgani uchun to‘xtatildi.
Germaniyaning Myunxen shahri prokuraturasi USM Holdings asoschisi, tadbirkor Alisher Usmonovga nisbatan sanksiyalarni buzganlikda gumon qilingan tergovni to‘xtatdi. Bu haqda tadbirkorning vakili ma’lum qildi.
Ushbu qaror Germaniya Jinoyat-protsessual kodeksining 153a-moddasiga muvofiq qabul qilingan. Ushbu kelishuvga ko’ra, Usmonov o’z ixtiyori bilan mablag’larni xayriya maqsadlariga o’tkazishga rozi bo’lgan.
“Tergov qayta boshlanmaydi va Alisher Usmonovning aybsizlik prezumpsiyasi to‘liqligicha qoladi”, — deyiladi uning advokatlari bayonotida.
Tekshiruv Germaniya qonunchiligining tashqi iqtisodiy faoliyatga oid mumkin bo’lgan buzilishi bilan bog’liq. Xususan, 2022-yilda Bavariyaning Rottax-Egern shahridagi ko‘chmas mulkni qo‘riqlash xizmatlari xorijiy kompaniya orqali to‘langani va bu mulklarning qiymati Germaniyaning Iqtisodiy eksportni boshqarish bo‘yicha federal idorasiga (BAFA) deklaratsiya qilinmagani gumon qilinmoqda.
Bundan tashqari, 2024 yilning noyabrida Frankfurt prokuraturasi ham Alisher Usmonovga nisbatan jinoiy ish qo‘zg‘atmasdan pul yuvishda gumon qilib, tergovni to‘xtatdi.