Dunyodan
Germaniya fuqarolik mudofaasini kuchaytirish uchun 10 milliard yevro ajratadi
Bild gazetasining yozishicha, Germaniya hukumati fuqarolik mudofaasini kuchaytirish uchun 2029-yilgacha 10 milliard yevro ajratishni rejalashtirgan.
Bu Germaniya ichki ishlar vaziri Aleksandr Dobrindt taklifi loyihasidan kelib chiqadi. Hukumat bu masalani 19 may kuni ko’rib chiqadi.
Vazirlik taklifida maxsus shtab tashkil etish ko‘zda tutilgan. U fuqarolik mudofaasini rejalashtirish va muvofiqlashtirish uchun javobgar bo’ladi. Bundan tashqari, ushbu investitsiyalar quyidagi tashabbuslar uchun ishlatiladi.
– 1000 dan ortiq maxsus transport vositalarini sotib olish.
– Federal Texnik yordam agentligining (Ichki ishlar vazirligi tarkibiga kiruvchi) binolar va inshootlarni qurish va ta’mirlash.
-Germaniya bo’ylab 50 dan ortiq favqulodda vaziyatlarga javob berish maxsus guruhlarini tashkil etish.
– 110 000 ta jamoaviy lagerlar sotib olindi.
Bundan tashqari, Germaniya Ichki ishlar vazirligi qutqaruvchilarni “kimyoviy, biologik, radiologik va yadroviy tahdidlarga” qarshi tayyorlash bo‘yicha yagona standartlarni joriy etishni rejalashtirmoqda. Maktablarda fuqaro muhofazasi darslarini joriy etish taklif etildi. Vazirlik shuningdek, favqulodda vaziyatlarda odamlar evakuatsiya qilinishi mumkin bo‘lgan eng yaqin evakuatsiya markazini ko‘rsatuvchi xaritani ham yaratdi. Xarita jamoatchilikni xabardor qilish dasturlariga integratsiya qilinadi.