Jamiyat
Ftiziatriya dispanserida 1,5 mlrd so‘mlik gazdan noqonuniy foydalanilgani aniqlandi
Jizzax viloyatida 1,5 mlrd so‘mlik tabiiy gazdan noqonuniy foydalanish holati aniqlandi.
Foto: O‘zenergoinspeksiya
O‘zenergoinspeksiya Jizzax viloyat hududiy boshqarmasi tomonidan o‘tkazilgan nazorat tadbirida G‘allaorol tumani joylashgan Ftiziatriya dispanserida mavjud elektron gaz hisoblash uskunasiga tashqi ta’sir ko‘rsatilib, tabiiy gazdan noqonuniy foydalanib kelingani aniqlandi.
Ushbu qoidabuzarlik natijasida, dastlabki hisob-kitoblarga ko‘ra, gaz ta’minoti korxonasiga 1 milliard 535 million so‘mlik zarar yetkazilgani ma’lum bo‘ldi.
Hozirda huquqni muhofaza qilish organlari tomonidan tergovga qadar tekshiruv ishlari olib borilmoqda.