Dunyodan
Frantsiyada 15 yoshdan kichiklar uchun ham ijtimoiy tarmoqlardan foydalanish taqiqlanadi
2026-yil sentabr oyidan boshlab Fransiya hukumati 15 yoshgacha bo‘lgan bolalarga ijtimoiy tarmoqlardan foydalanish va o‘rta maktablarga o‘qish uchun mobil telefonlardan foydalanishni taqiqlashni rejalashtirmoqda.
Le Monde va France Info gazetalarining yozishicha, hukumat tegishli qonun hujjatlarini yanvar oyi boshida ko‘rib chiqish uchun taqdim etishni rejalashtirmoqda.
Prezident Emmanuel Makron bir necha bor ijtimoiy tarmoqlarni yoshlar zo‘ravonligining sababi sifatida tilga oldi va o‘tgan dekabr oyida 16 yoshgacha bo‘lganlar uchun ijtimoiy tarmoqlardan foydalanishni taqiqlagan dunyodagi birinchi davlat bo‘lgan Avstraliyadan o‘rnak olishga va’da berdi.
Fransiya rahbari o‘zining yangi yil nutqida taklif etilayotgan qonunchilikni tilga olmay, “yosh avlodni ijtimoiy tarmoqlar va gadjetlardan himoya qilishga” va’da berdi.
Reuters xabariga ko‘ra, 2018-yildan boshlab Fransiyaning boshlang‘ich va o‘rta maktablarida mobil telefonlardan foydalanish taqiqlangan va yangi chora-tadbirlar ushbu taqiqni o‘rta maktab o‘quvchilariga ham kengaytiradi. Bundan tashqari, Fransiya 2023-yilda 15 yoshgacha bo‘lgan bolalarni ijtimoiy tarmoq platformalarida ro‘yxatdan o‘tkazish uchun ota-onalarning roziligini talab qiluvchi qonunni qabul qildi, biroq texnik muammolar uni amalga oshirishga to‘sqinlik qildi.