Dunyodan
Frantsiya va Britaniya Ukrainaga qo’shin yuborishga tayyor
Parijda boʻlib oʻtgan “Irodalar koalitsiyasi” sammitida Fransiya va Britaniya urush tugaganidan keyin Ukraina xavfsizligini taʼminlash uchun qoʻshin kiritishga tayyor ekanliklarini maʼlum qildi. Bu haqda prezident Emmanuel Makron, Buyuk Britaniya bosh vaziri Key Starmer va Ukraina prezidenti Vladimir Zelenskiy ishtirok etgan uch tomonlama deklaratsiyada aytildi.
Sammitda 30 ga yaqin davlat vakillari, jumladan, NATO Bosh kotibi Mark Rutte, Yevropa komissiyasi prezidenti Ursula fon der Leyen, AQSh prezidenti Donald Trampning maxsus vakillari Stiv Uitkoff va Jared Kushner ishtirok etdi.
Tomonlar Parij deklaratsiyasini qabul qildilar. Bu Ukraina xavfsizligini ta’minlaydi, AQShning kelajakdagi o’t ochishni to’xtatish rejimi ustidan muvofiqlashtirilgan nazoratini va Ukraina harbiylarini qo’llab-quvvatlaydi.
Deklaratsiyaga ko‘ra, ko‘p millatli kuchlar Ukrainaga urush to‘liq tugaganidan keyingina joylashtiriladi. Ularning vazifasi armiyani tiklash va Rossiyaning navbatdagi bosqinining oldini olishdir.
Key Starmerning aytishicha, Britaniya va Fransiya Ukrainada “harbiy markazlar” tashkil etish va qurollarini himoya qilish uchun infratuzilma yaratishni rejalashtirmoqda.
“Bu kuchlar Ukrainaning havo va dengiz xavfsizligini ta’minlaydi.
Vladimir Zelenskiy o‘z nutqida tinchlik rejasi haqida gapirib, uning 90 foizi kelishilgan bo‘lsa-da, asosiy to‘siq hududiy masalalar bo‘lib qolayotganini ta’kidladi.
“Eng katta kelishmovchilik – hududiy muammolar”, – dedi Ukraina prezidenti.
Rossiya tomoni bu kabi choralarni Ukraina xavfsizligiga tahdid deb hisoblab, Ukraina hududiga xorijiy kuchlarning kirib kelishiga keskin qarshi ekanligini yana bir bor ta’kidladi.
Sammit ishtirokchilari kelishuvni tinchlik yoʻlidagi muhim qadam deb atadi, biroq haligacha oʻt ochishni toʻxtatish kelishuviga erishilmaganini taʼkidladi.