Sport
«Fenerbahche» Joze Mourinioni ishdan bo‘shatdi
Turkiyaning «Fenerbahche» klubi matbuot xizmati jamoa bosh murabbiyi lavozimini egallab turgan Joze Mourinio bilan xayrlashganini ma’lum qildi.
27 avgust, chorshanba kuni «Fenerbahche» Chempionlar ligasi pley-off bosqichida «Benfika»ga imkoniyatni boy berib, turnirdagi ishtirokini yakunladi.
«2024-2025 yilgi mavsumdan buyon bosh murabbiyimiz bo‘lib kelayotgan Joze Mourinio bilan xayrlashishga qaror qildik. Klub unga jamoamiz rivojiga qo‘shgan hissasi uchun minnatdorchilik bildiradi va kelajakdagi faoliyatida muvaffaqiyatlar tilaydi», — deyiladi “Fenerbahche” matbuot xizmati X ijtimoiy tarmog‘ida e’lon qilingan bayonotda.
Mourinio avvalroq «Real», «Chelsi», «Inter», «Tottenhem», «Roma» kabi klublarda ishlagan.