Dunyodan
Eron yaqin kelajakda “halokatli javob zarbalari”ni va’da qilmoqda
Qo’shma Shtatlar va Isroil tomonidan Eronga qarshi keng ko’lamli harbiy operatsiyaning ehtimoliy maqsadi Eron hukumatiga uning harbiy va yadroviy salohiyatini izdan chiqarish uchun bosim o’tkazishdir.
Razvedka maʼlumotlariga koʻra, Isroil va AQSh kuchlari ertalabdan beri Eron hududiga raketa hujumlarini amalga oshirmoqda. Hujumlar oliy rahnamo qarorgohi, prezident saroyi, razvedka va mudofaa vazirligi binolari, yadroviy inshootlar, Islom gvardiyasining harbiy bazalariga qaratilgan.
“Yahudiy qalqoni” deb nomlangan operatsiya to’rt kun davom etishi kutilmoqda, deydi Isroil rasmiylari.
AQSh prezidenti Donald Trampning aytishicha, operatsiyadan maqsad amerikaliklarni Eron hukumati “tahdidlari”dan himoya qilishdir.
New York Times gazetasining yozishicha, bu qaror Eron yadro dasturi bo‘yicha muzokaralar muvaffaqiyatsiz yakunlanganidan keyin qabul qilingan. AQSh rasmiylarining aytishicha, hujum o’tgan iyun oyida yadroviy inshootlarga qilingan hujumdan ancha kuchliroq bo’ladi.
Eron fuqarolari ijtimoiy tarmoqlarda namoz vaqtlarini aks ettiruvchi Bad Saba ilovasi buzilgani haqida yozishmoqda. Ularning taʼkidlashicha, dasturda namoz vaqtlari oʻrniga Eron hukumatini agʻdarishga chaqiruvchi xabarlar koʻrsatilgan.
Eron rasmiylari yaqin kelajakda “halokatli javob hujumi” boshlanishini e’lon qildi. Mamlakat rahbariyati har qanday tashqi bosimga qat’iy javob berishini ta’kidlamoqda.
Ayni paytda bu mintaqada vaziyat nihoyatda keskinligicha qolmoqda. Xalqaro hamjamiyat manfaatdor tomonlarni mojaroni kuchaytirmaslikka va diplomatik yo‘l bilan hal qilishga chaqiradi.