Dunyodan
Eron rahbarlari AQSh va Isroildan tovon puli talab qilmoqda
Eron oliy rahbari AQSh va Isroildan tovon undirishni talab qildi.
Eron hukumati AQSh va Isroil hujumlari natijasida yetkazilgan zarar uchun tovon puli talab qilmoqda. Bu haqda oliy rahnamo Mojtabo Xomanaiyning mahalliy OAV tarqatgan bayonotida aytilgan.
Uning bayonotiga ko‘ra, Eron xalqi “mojaroda allaqachon g‘alaba qozongan”.
“Biz urushga bormaganmiz va urushga bormoqchi emasmiz, lekin hech qanday sharoitda qonuniy huquqlarimizdan voz kechmaymiz”, — deyiladi bayonotda.
Xamanaiy, shuningdek, Eron Hormuz bo‘g‘ozini boshqarishda “yangi bosqich”ga kirishini aytdi. Bu marshrutni nazorat qilish Eronning AQSh bilan muzokaralaridagi asosiy shartlardan biri bo‘lib qolmoqda.
Xamanaiy xalqni “bir-birini qo‘llab-quvvatlashga va dushman manbalarga ishonmaslikka” chaqirdi.
9 aprel kuni prezident Donald Tramp “Truth” ijtimoiy tarmog‘ida AQSh Eron kelishuv shartlariga rioya qilmasa, unga qarshi kuchli hujum uyushtirishga tayyorligini yana bir bor ta’kidladi.
Uning so‘zlariga ko‘ra, hujum “avvalgidan ham kengroq bo‘lishi mumkin”. U yadro qurolidan butunlay voz kechish va Hormuz bo‘g‘ozidan xavfsiz o‘tish zarurligini ta’kidladi. Uning qo‘shimcha qilishicha, AQSh qo‘shinlari va texnikasi bu talablar bajarilmaguncha mintaqada qoladi.
Amerika rahbari yaqinda “butun bir tsivilizatsiyani yo’q qilish” bilan tahdid qildi, ammo keyin tezda Eronga hujumlarni ikki haftaga to’xtatishga tayyorligini e’lon qildi.