Sport
Dunyoning yangi eng yaxshi bokschisi nomi ma’lum bo‘ldi
Amerikalik yengilmas bokschi Terens Krouford vazn toifalaridan qat’i nazar dunyoda eng yaxshi bo‘ldi.
37 yoshli amerikalik bokschi Terens Krouford 14 sentabr kuni uchinchi marta mutlaq jahon chempioni unvonini qo‘lga kiritdi. Shundan so‘ng, uning professional rekordi 42-0 (42 g‘alaba, shundan 31 tasi nokaut bilan, 0 mag‘lubiyat) bo‘ldi.
Bu natijasi uchun nufuzli ESPN sport portali uni vazn toifalaridan qat’i nazar bokschilar reytingida birinchi o‘ringa qo‘ydi.
Endi eng yaxshi bokschilar ro‘yxati quyidagicha ko‘rinish oldi:
– Terens Krouford (42-0, 31 KO);
– Oleksandr Usik (24-0, 15 KO);
– Naoya Inoue (31-0, 27 KO);
– Dmitriy Bivol (24-1, 12 KO);
– Jyessi Rodriges (22-0, 15 KO);
– Artur Beterbiyev (21-1, 20 KO);
– Shukur Stivenson (24-0, 11 KO);
– David Benavidez (30-0, 24 KO);
– Dzunto Nakatani (31-0, 24 KO);
– Kanelo Alvares (63-3-2, 39 KO).
Eslatib o‘tamiz, Krouford 14 sentabrga o‘tar kechasi Las-Vegasdagi Allegiant Stadium arenada Saul Kanelo Alvaresni mag‘lub etdi. Jang to‘liq 12 raund davom etdi va hakamlarning yakdil qarori bilan Krouford foydasiga hal bo‘ldi (116-112, 115-113 va 115-113).