Jamiyat
Chilonzorda avtomobil yonib ketishi oqibatida 4 kishi kuyish jarohati oldi
Chilonzor tumanida avtomobilda sodir bo‘lgan yong‘in to‘g‘risida rasmiy ma’lumot taqdim etildi.
Joriy yilning 20 iyul kuni soat 22:57 da Toshkent shahar Chilonzor tumani Kichik halqa yo‘li ko‘chasida avtomobilda yong‘in sodir bo‘layotgani to‘g‘risida Toshkent shahar FVB xabar kelib tushdi.
Yong‘in-qutqaruv ekipajlari aytilgan manzilga soat 23:05 da yetib borib, yong‘in soat 23:07 da o‘chirildi.
Hodisa oqibatida 4 nafar fuqaro kuyish tan jarohati olib shifoxonaga yotqizilgan.