Jamiyat
Captiva avtomobilini boshqarib yurgan 7-sinf o‘quvchisi aniqlandi
Davlat yo‘l harakati xavfsizligi xizmati Qoraqalpog‘iston Respublikasining Chimboy tumanida reyd tadbirlari o‘tkazdi.
Ularning davomida maktabning 7-sinf o‘quvchisi Captiva rusumli transport vositasini boshqarib yurgani aniqlangan.
Holat yuzasidan hujjatlar rasmiylashtirilib, qonuniy chora ko‘rish uchun voyaga yetmaganlar komissiyasiga yuborilgan.
Shu bilan birga, maktab o‘quvchisining ota-onasi hamda mahalla fuqarolari o‘rtasida muhokama yig‘ilishi o‘tkazildi.
“Hurmatli ota-onalar! Farzandingizning vaqtinchalik xursandchiligi deb, ularning baxtsiz hodisa qurboni bo‘lishiga sababchi bo‘lib qolmang!” – deyiladi YHXX xabarida.