Mahalliy

Bitiruvchilar bandligi bo‘yicha eng yaxshi 20 ta OTMga 500 million so‘mdan beriladi

Published

on


Adliya vazirligi «Bitiruvchi sifati indeksi»ni hisoblash tartibini belgilovchi idoraviy hujjatni davlat ro‘yxatidan o‘tkazdi. Hujjat 2026 yil 31 oktyabrda 3964-raqam bilan ro‘yxatga olingan.

Yangi tartibga ko‘ra, oliy ta’lim tashkilotlari bitiruvchilarining sifati to‘rtta asosiy ko‘rsatkich asosida baholanadi:


bitiruvchilarning ish topish tezligi;
barqaror bandlik darajasi;
o‘rtacha oylik daromadi;
bandlik toifasi.

Indeks hisobot yili yakunlariga ko‘ra shakllantiriladi. Hisobot yili 1 iyuldan boshlanib, keyingi yilning 30 iyuniga qadar davom etadigan 12 oylik davrni qamrab oladi.

Shuningdek, Ijtimoiy reyestrga kiritilgan, ijtimoiy himoyaga muhtoj bitiruvchilar uchun alohida imtiyozlar belgilangan. Ularning ishga joylashish tezligi va bandlik toifasini baholashda eng yuqori koeffitsiyent qo‘llaniladi. Bundan tashqari, barqaror bandlik darajasini hisoblashda ular barqaror ish bilan ta’minlangan bitiruvchilar qatoriga kiritiladi.

Agar bitiruvchi bir vaqtning o‘zida bir nechta bandlik toifasiga mansub bo‘lsa, unga nisbatan belgilangan oshiruvchi koeffitsiyentlarning eng yuqorisi qo‘llaniladi.

Prezidentning tegishli farmoniga muvofiq, har yili «Bitiruvchi sifati indeksi» bo‘yicha eng yuqori natijaga erishgan 20 ta oliy ta’lim tashkilotining Karera markazlari 500 million so‘mdan moliyaviy rag‘batlantiriladi.



Source link

Leave a Reply

Your email address will not be published. Required fields are marked *

Trending

Exit mobile version