Sport
«Bashakshehir» safarda g‘alaba qozondi, Shomurodov 3-golga hissa qo‘shdi
Turkiya chempionatining 19-turida «Istanbul Bashakshehir» safarda «Kayserispor»ni yirik hisobda mag‘lubiyatga uchratib, turnir jadvalida 6-o‘ringa ko‘tarilib oldi.
Bu istanbulliklarning qatorasiga to‘rtinchi g‘alabasidir.
Eldor Shomurodov va Abbos Fayzullayev asosiy tarkibda maydonga tushirildi. Abbos 81-daqiqada almashtirildi, Eldor to‘liq o‘ynadi va jamoasining 3-goliga assistentlik qildi.
Turkiya Superligasi. 19-tur
Kayserispor — Bashakshehir 0:3
Gollar: Devi Zelke (35, penalti), Ramazan Jivelek (67, avtogol), Nunu da Koshta (83).