Dunyodan
BAA o‘z fuqarolariga uch davlatga sayohat qilishni taqiqladi
Mintaqada keskinlik kuchaygan bir paytda BAA Tashqi ishlar vazirligi o‘z fuqarolariga Eron, Livan va Iroqqa borishni taqiqladi.
Bu haqda vazirlik matbuot xizmati xabar berdi. Vazirlikning X ijtimoiy tarmog‘iga bergan bayonotida aytilishicha, hozirda ushbu mamlakatlarda bo‘lgan odamlarga zudlik bilan uylariga qaytishlari tavsiya etiladi.
Vazirlik jamoatchilikni ushbu ko’rsatmalarga qat’iy rioya qilishga va rasmiy yangiliklardan xabardor bo’lishga chaqirdi.
Birlashgan Arab Amirliklari rasmiylari avvalroq Eron fuqarolarining mamlakat aeroportlariga kirishi va tranzit o‘tishini cheklagan edi.
Eslatib o‘tamiz, AQSh va Isroil va Eron o‘rtasidagi mojarolar fonida Tehron arab davlatlari hududida joylashgan Amerika harbiy bazalariga hujum qilgan edi.