Dunyodan
BAA Eronga qarshi yashirin hujumlarda ishtirok etmoqda
Birlashgan Arab Amirliklari AQSh va Isroilning Eronga qarshi urushi fonida Tehronga qarshi bir qator yashirin hujumlar uyushtirdi. Bu haqda The Wall Street Journal voqeaga aloqador shaxslarga tayanib xabar berdi.
Gazetaning yozishicha, BAA aprel oyi boshida Eronning Ravon orolidagi neftni qayta ishlash zavodiga hujum qilgan. Hujum AQSh prezidenti Donald Trampning Eron bilan tinchlik o‘rnatishni e’lon qilishi arafasida sodir bo‘lgani aytildi.
Manbalarning ta’kidlashicha, zarba natijasida katta yong‘in chiqqan va ob’ekt zarar ko‘rgan.
WSJ ma’lumotlariga ko’ra, Eron BAA va Quvaytga qarshi ballistik raketalar va dronlardan foydalangan holda javob qaytargan.
Jurnal manbalaridan biri Qo’shma Shtatlar BAAning urushga kirishini “so’zsiz ma’qullagan”ligini aytdi.
Xabar qilinishicha, Eron BAAga qarshi har qanday boshqa davlatga, hatto Isroilga qaraganda ko’proq hujum uyushtirgan. Nashrning qayd etishicha, Emirates Airlines aviakompaniyasiga qarshi 2800 dan ortiq raketa va dron hujumlari amalga oshirilgan.
Ushbu hujumlar mamlakat iqtisodiyotiga jiddiy ta’sir ko’rsatdi, ba’zi tarmoqlarda ishdan bo’shatish va majburiy ta’tilga sabab bo’ldi.
BAA Tashqi ishlar vazirligi ushbu nashrning savollariga to’g’ridan-to’g’ri izoh bermadi. Ammo vazirlik avvalgi bayonotida mamlakat “dushmanlik harakatlariga javob qaytarishga haqli” ekanini aytgan.