Mahalliy
AQShdan deport bo‘lgan yana 10 nafar o‘zbekistonlik Toshkentga qaytadi
AQSh hukumati tomonidan deport qilinib, Lotin Amerikasi davlatiga yuborilishi rejalashtirilgan 10 nafar o‘zbekistonlik to‘g‘ridan-to‘g‘ri Toshkentga olib kelinadi.
Bu haqda O‘zbekiston TIV matbuot xizmati rahbari Ahror Burhanov ma’lum qildi.
«10 nafar fuqaromiz mazkur hafta davomida Nyu-York – Toshkent yo‘nalishi bo‘yicha O‘zbekistonga yetib keladi», – deb yozadi Burhanov.
Eslatib o‘tamiz, 24-fevral kuni ham AQSh tomoni bilan olib borilgan muzokaralar natijasida Kosta Rikaga yuborilishi rejalashtirilgan, lekin Vatanga qaytish niyatida bo‘lgan 7 nafar O‘zbekiston fuqarolari Nyu-York – Toshkent yo‘nalishida olib kelingan edi.