Dunyodan
AQSh Eronga qarshi yangi “mudofaa hujumini” boshladi
AQSh Markaziy qo‘mondonligi (CENTCOM) Eron hududidagi bir qator harbiy ob’ektlarga yangi havo hujumlari uyushtirilgani haqida xabar berdi.
CENTCOM maʼlumotlariga koʻra, AQSh kuchlari Eronning Goruk mintaqasi va Keshm orolidagi radar tizimlari va dronlarni boshqarish punktlarini nishonga olgan. Amerikaliklar bu hujumlarni “mudofaaviy qarshi choralar” deb atagan.
AQSh hukumatiga ko‘ra, operatsiya Eron xalqaro suvlar ustida parvoz qilayotgan Amerikaning MQ-1 uchuvchisiz samolyotini urib tushirganidan keyin amalga oshirilgan. AQSh harbiylari hujumda Eronning havo hujumidan mudofaa inshootlari, dronlarni boshqarish markazi va ikkita harbiy dron yo‘q qilinganini ma’lum qildi.
Avvalroq Bloomberg agentligi Eron AQSh harbiy-havo kuchlari tomonidan foydalaniladigan Quvaytdagi Ali Al-Salem aviabazasiga raketa hujumi uyushtirgani haqida xabar bergan edi. Maʼlumotlarga koʻra, raketa havoda yoʻq qilingan, biroq qoldiqlar baza hududiga tushib ketgan va ikkita MQ-9 Reaper droniga zarar yetkazgan.
So’nggi haftalarda AQSh va Eron o’rtasida bir nechta o’zaro hujumlar kuzatildi. Biroq tomonlarning hech biri o‘t ochishni to‘xtatish rejimi buzilganini rasman tan olmaydi va diplomatik yo‘l bilan “tinchlik saqlanib qolmoqda” deb ta’kidlaydi.
Bunga javoban Eron Islom inqilobi qo‘riqchilari korpusi Eronning Qeshm orolidagi AQSh harbiy bazasiga qilingan hujum uchun javob qaytarishini ma’lum qildi.