2026 yil yanvar-mart oylarida Qirg‘iziston korxonalari O‘zbekistonga 277 ming tonnadan ortiq toshko‘mir, 124 ming tonnadan ortiq qo‘ng‘ir ko‘mir jo‘natgan.

Foto: Qirg‘iziston Energetika vazirligi

Qirg‘iziston import qilinadigan toshko‘mir xaridlarini 81,4 foizga qisqartirdi, biroq lignit eksportini 67,5 foizga oshirdi. O‘zbekiston mahalliy yoqilg‘ining asosiy xaridori bo‘lib qolmoqda, deyiladi Qirg‘iziston Milliy statistika qo‘mitasi ma’lumotlarida.

2026 yil yanvar-mart oylarida Qirg‘iziston xorijga 1 milliard 241,4 million qirg‘iz so‘mi qiymatida 294 ming 48,6 tonna toshko‘mir yetkazib berdi. Jo‘natmalar hajmi 1,2 foizga kamaydi, biroq daromadlar 4,7 foizga oshdi. Asosiy importchi O‘zbekiston bo‘lib, Qirg‘iziston korxonalari 277 ming 377 tonna ko‘mir jo‘natgan.

Shu bilan birga, qo‘ng‘ir ko‘mir (lignit) eksporti 67,5 foizga o‘sib, 166 ming 440,3 tonnaga yetdi. Yetkazib berishning umumiy qiymati 799 million 388 ming qirg‘iz so‘mini tashkil etdi.

Milliy statistika qo‘mitasi asosiy xaridorlar orasida quyidagilarni ajratib ko‘rsatdi:

O‘zbekiston – 124 ming 110,7 tonna;

Tojikiston – 31 ming 703,5 tonna;

Xitoy – 10 ming 187,7 tonna.

Ta’kidlanishicha, ayni paytda Qirg‘iziston chet el yoqilg‘isidan voz kechmoqda. Toshko‘mir importi 28 ming 908,9 tonnagacha kamaydi – bu 2025 yil darajasining atigi 18,6 foizini tashkil etdi. Xarid xarajatlari 94 million 435,4 ming qirg‘iz so‘migacha kamaydi. Qirg‘iziston deyarli barcha ko‘mirni Qozog‘istondan (28 ming 902,4 tonna) sotib olgan.

Source link

Jahon bozorida oltin narxi AQSh va Eron o‘rtasida Ho‘rmuz bo‘g‘ozini ochishga doir ehtimoliy kelishuv haqidagi xabarlar fonida o‘sdi.

25-may kuni oltinning spot narxi bir unsiya uchun 4 579 dollargacha ko‘tarilib, kunlik o‘sish 1,6 foizni tashkil etdi. Keyinchalik o‘sish sur’ati biroz sekinlashib, narx 4 564 dollar atrofida shakllandi.

Bloomberg nashrining qayd etishicha, bozorda AQSh va Eron o‘rtasidagi muzokaralar natijasida Ho‘rmuz bo‘g‘ozida kemalar harakati qayta tiklanishi mumkinligi haqidagi kutilmalar inflyasiya xavotirlarini biroz yumshatgan.

The Washington Post xabariga ko‘ra, Vashington va Tehron 60 kunlik o‘t ochishni to‘xtatish hamda Ho‘rmuz bo‘g‘ozini ochishni nazarda tutuvchi dastlabki kelishuv ustida ish olib bormoqda.

Shu bilan birga, tahlilchilar bozor hozircha ehtiyotkor pozitsiyada qolayotganini ta’kidlamoqda. Mutaxassislar fikricha, investorlar Eronning haqiqatan ham hamkorlikka tayyor ekaniga oid aniq dalillarni kutmoqda.

Bundan tashqari, AQSh Federal zaxira tizimi foiz stavkalarini oshirishi mumkinligi haqidagi xabarlar ham oltin bozoriga ta’sir ko‘rsatmoqda.  

Source link

O‘zbekistonda yengil avtomobil ishlab chiqarish so‘nggi o‘n yilda barqaror o‘sish bosqichiga chiqdi. Milliy statistika qo‘mitasi ma’lumotlariga ko‘ra, 2025-yilda mamlakatda 457,9 ming dona yengil avtomobil ishlab chiqarilgan. Bu 2015-yilga nisbatan 267,4 ming donaga yoki 2,4 barobarga ko‘pdir.

2026-yilning yanvar–mart oylarida esa turli rusumdagi 108 769 dona yengil avtomobil ishlab chiqarildi.

So‘nggi o‘n yillik dinamikada eng past ko‘rsatkich 2016-yilda qayd etilgan bo‘lib, o‘sha yili 92,7 ming dona avtomobil ishlab chiqarilgan. Keyingi yillarda tarmoq bosqichma-bosqich tiklanib, 2018-yildan boshlab yuqori o‘sish sur’atlari kuzatildi.

2018-yilda mamlakatda 225,8 ming dona yengil avtomobil ishlab chiqarilgan bo‘lsa, 2019-yilda bu ko‘rsatkich 278 mingtaga yetgan. Pandemiya davrida ham sohada keskin pasayish kuzatilmadi.

2021-yilda ishlab chiqarish 242,2 ming donaga tushganiga qaramasdan, 2022-yildan bozorda yangi faollashuv boshlandi. Xususan, 2022 yilda 341,2 ming, 2023 yilda esa 426,1 ming dona avtomobil ishlab chiqarildi.

2024-yilda ishlab chiqarish hajmi 435,2 mingtani tashkil etgan bo‘lsa, 2025-yilda bu raqam ilk bor 450 minglik chegaradan oshdi.

Source link

«ALSKOM SUG‘URTA KOMPANIYASI» Aksiyadorlik Jamiyati aksiyadorlarining yillik umumiy yig‘ilishini o‘tkazish to‘g‘risida xabar qiladi.

2026-yil 19-iyun kuni soat 10:00da Toshkent shahri, Tepamasjid ko‘chasi, 4-uy manzilida bo‘lib o‘tadigan «ALSKOM SUG‘URTA KOMPANIYASI» AJ aksiyadorlarining yillik umumiy yig‘ilishi bo‘lib o‘tadi. Yig‘ilish aksiyadorlarning masofadan turib elektron ovoz berish imkoniyatini ta’minlovchi evote.uz platformasi orqali ham o‘tkaziladi.

Yig‘ilish qatnashchilarini ro‘yxatga olish 2026-yil 19-iyun soat 9:00da boshlanib 10:00da to‘xtatiladi.

Aksiyadorlarning yillik umumiy yig‘ilishini o‘tkazish to‘g‘risida xabardor qilish sanasi — 2026-yil «25» may;
Aksiyadorlarning yillik umumiy yig‘ilishida qatnashish uchun aksiyadorlar reyestri sanasi — 2026-yil «15» iyun.

YIG‘ILISh KUN TARTIBIGA KIRITILGAN MASALALAR:

1. Aksiyadorlarning yillik umumiy yig‘ilishini o‘tkazish reglamentini va sanoq komissiyasini tasdiqlash.

2. 2025-yil faoliyat yakunlari bo‘yicha Kompaniya Kuzatuv kengashi Raisining hisobotini eshitish.

3. Kompaniyaning 2025-yil moliya-xo‘jalik faoliyati natijalari va 2026-yilga Kompaniya Biznes-rejasi parametrlari to‘g‘risida Bosh direktor hisobotini eshitish.

4. Kompaniyaning 2025-yil yakuni bo‘yicha buxgalteriya hisobotining milliy va xalqaro standartlarga asosan tuzilgan moliyaviy hisobotlarini auditorlik tekshiruvidan o‘tkazish natijalari haqida mustaqil auditor xulosasini ko‘rib chiqish.

5. Kompaniyaning 2025-yil yakuni bo‘yicha yillik hisobotini tasdiqlash.

6. 2025-yil faoliyat yakuni bo‘yicha Kompaniyadagi korporativ boshqaruv tizimini baholash natijalarini ko‘rib chiqish.

7. 2025 yil uchun Kompaniya sof foydasini taqsimlash.

8. Kompaniya Kuzatuv Kengashining yangi tarkibini saylash.

9. Kompaniyaning Tashkiliy tuzilmasini yangi tahrirda tasdiqlash.

10. Kompaniyaning 2026-yil moliya-xo‘jalik faoliyatini majburiy auditorlik tekshiruvidan o‘tkazish uchun auditorlik tashkilotini va uning xizmatlariga to‘lanadigan eng ko‘p haq miqdorini belgilash va u bilan shartnoma tuzish.

11. Kompaniyaning affillangan shaxslari bilan joriy xo‘jalik faoliyati doirasida tuzilishi mumkin bo‘lgan bitimlarni ma’qullash.

12. Kompaniyaning joriy xo‘jalik faoliyati doirasida tuziladigan yirik bitimlarni belgilangan limitlar doirasida ma’qullash.

13. Ijro organi tomonidan amalga oshiriladigan xayriya (homiylik) yoki beg‘araz yordamning chegaraviy miqdorlarini belgilash.

Aksiyadorlarning yillik umumiy yig‘ilishiga oid materiallar va kun tartibi masalalari bo‘yicha ma’lumotlar bilan Kompaniyaning www.alskom.uz korporativ veb-sayti hamda evote.uz platformasi orqali tanishish mumkin.

Qo‘shimcha ma’lumot olish uchun Toshkent shahri, Tepamasjid ko‘chasi, 4-uy manziliga yoki info@alskom.uz elektron pochta manziliga murojaat qilishingiz mumkin.

Ma’lumot uchun telefon: (71) 201-11-00.

«ALSKOM SUG‘URTA KOMPANIYASI» AJ
Kuzatuv Kengashi
25.05.2026 y.

Source link

«Tenge Bank» ATB 2026 yilning I chorak yakunlarini sarhisob qilib, asosiy moliyaviy ko‘rsatkichlar bo‘yicha barqaror o‘sishni namoyon etdi hamda O‘zbekistonning jadal rivojlanayotgan banklaridan biri sifatidagi maqomini saqlab qoldi. Bank 7 yil davomida bozordagi o‘z o‘rnini izchil mustahkamlab, barqarorlik, ishonchlilik va uzoq muddatli rivojlanishga e’tiborni saqlab kelmoqda.

Hisobot davri yakunlariga ko‘ra, bankning sof foydasi 34,0 mlrd so‘mni tashkil etib, o‘tgan yilning shu davriga nisbatan sezilarli darajada oshdi.

Tenge Bank aktivlari 8,9 trln so‘mga yetib, yillik hisobda 21,1 foizga o‘sdi. Bank kapitali 1,4 trln so‘mgacha (+6,6%) oshdi, jami daromadlar esa 393,3 mlrd so‘mni tashkil qilib, o‘tgan yilning mos davriga nisbatan 22,8 foizga ko‘paydi.

So‘nggi 12 oy natijalari ham bankning barqaror rivojlanishini tasdiqladi — foyda 87,9 mlrd so‘mga yetib, yillik ko‘rsatkichda deyarli ikki barobar oshdi.

O‘sishning asosiy omillaridan biri komission daromadlar bo‘lib, ular to‘rt barobardan ko‘proqqa oshib, 57,0 mlrd so‘mni tashkil etdi. Bankda qayd etilishicha, bunday natijaga raqamli servislarning faol rivojlanishi, mahsulotlar qatorining kengayishi, hamkorlik ekotizimining mustahkamlanishi va mijozlar faolligi ortishi sabab bo‘lgan.

Tenge Bank kredit portfeli 4,7 trln so‘mni tashkil etib, o‘tgan yilning mos davriga nisbatan 14,8 foizga o‘sdi. Bank aktivlar sifati, xatarlarni boshqarish va moliyaviy barqarorlikni ta’minlashga alohida e’tibor qaratishda davom etmoqda.

«Tenge Bank» ATB boshqaruv raisi Beybit Faleyev quyidagilarni ta’kidladi:

«7 yil davomida Tenge Bank O‘zbekiston bank bozorida izchil rivojlanib, o‘zining barqarorligi, ishonchliligi va bozor sharoitlaridagi o‘zgarishlarga samarali moslasha olish qobiliyatini namoyon etib kelmoqda. 2026 yilning birinchi choragi natijalari tanlangan strategiyaning samaradorligi, mijozlar va hamkorlarimiz ishonchi, shuningdek, keyingi o‘sish uchun yuqori salohiyatni aks ettiradi.

Bugungi kunda Tenge Bank — moliyaviy servislar, texnologik yechimlar va hamkorlik loyihalarini faol rivojlantirayotgan zamonaviy raqamli bankdir. Biz raqamli ekotizimni rivojlantirish, mijozlarga xizmat ko‘rsatish sifatini oshirish va qulay moliyaviy yechimlar ko‘lamini kengaytirishga investitsiyalarni davom ettiramiz hamda barqaror va uzoq muddatli rivojlanishga e’tiborni saqlab qolamiz».

Tenge Bank’da qayd etilishicha, erishilgan natijalar bank jamoasining tizimli ishlari, zamonaviy bank servislarini izchil rivojlantirish hamda mijozlar va hamkorlar bilan uzoq muddatli munosabatlarni mustahkamlash natijasidir.

«Tenge Bank» ATB moliyaviy xizmatlar ekotizimini kengaytirish, innovatsion yechimlarni joriy etish va O‘zbekiston bank bozoridagi holatlarini yanada mustahkamlashga qaratilgan barqaror rivojlanish strategiyasini amalga oshirishda davom etmoqda.

Tenge Bank — korporativ va xususiy mijozlarga to‘liq xizmat ko‘rsatuvchi universal bank. Bank Qozog‘istonning tizimni shakllantiruvchi moliyaviy instituti va Markaziy Osiyodagi eng yirik moliyaviy guruh bo‘lgan Halyk Group’ning asosiy qismi bo‘lgan «Qozog‘iston Xalq banki» AJ (Halyk Bank)ning shu’ba korxonasi hisoblanadi.

E-mail | Veb-sayt | Facebook | Instagram | Telegram

 Reklama huquqi asosida

Source link