Siyosat
O‘zbekiston Rossiyadan Rossiyada mehnat qilayotgan fuqarolarning huquqlarini himoya qilishni talab qilmoqda
Toshkentda boʻlib oʻtgan oliy darajadagi diplomatik muzokaralar yakunlari boʻyicha Oʻzbekiston Rossiyani Rossiya hududida mehnat qilayotgan oʻz fuqarolarining huquq va qonuniy manfaatlari himoyasini taʼminlashga chaqirdi.
TIV axborot agentligi xabariga ko‘ra, 26 yanvar kuni O‘zbekiston tashqi ishlar vaziri o‘rinbosari Olimjon Abdullaev va Rossiyadagi elchi Aleksey Yerxov o‘rtasida uchrashuv bo‘lib o‘tdi. Muhokama chogʻida Rossiya Federatsiyasida mehnat faoliyati bilan shugʻullanayotgan Oʻzbekiston fuqarolarining ahvoli muhokama qilindi.
Muloqot chog‘ida tomonlar Rossiyada O‘zbekiston fuqarolarining huquqlari va inson qadr-qimmatini himoya qilish bilan bog‘liq dolzarb masalalarni atroflicha ko‘rib chiqdilar. Immigratsiya tekshiruvlari va majburiyatlarni ta’minlash jarayonida kamsitish va huquqlar buzilishining barcha shakllarining oldini olish zarurligiga alohida e’tibor qaratildi.
O‘zbekiston qonunga bo‘ysunuvchi mehnat migrantlari va immigratsiya qoidalarini buzgan bo‘lishi mumkin bo‘lgan barcha fuqarolar uchun inson qadr-qimmatiga hurmat ta’minlanishi kerakligini ta’kidladi. O‘zbekiston tomoni immigratsiya nazorati choralari inson qadr-qimmatini kamsitmasdan, qonuniy va insonparvarlik asosida amalga oshirilishi kerakligini ta’kidladi.
Vazirlikning bildirishicha, ushbu uchrashuvda O‘zbekiston va Rossiya migratsiya jarayonlarini tartibga solish va O‘zbekiston fuqarolarining Rossiyada qonuniy ishga joylashishi uchun qulay shart-sharoit yaratishga qaratilgan pragmatik va hurmatli muloqotni davom ettirish tarafdori ekanini yana bir bor tasdiqladi.
Tomonlar, shuningdek, amaliy hamkorlikni doimiy ravishda takomillashtirish va migratsiya bilan bog‘liq masalalar bo‘yicha muvofiqlashtirishni kuchaytirish uchun muntazam konsullik maslahatlashuvlari va ikki tomonlama uchrashuvlar o‘tkazish muhimligini tasdiqladilar.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
