Siyosat
Toshkentda Prezident huzuridagi Xorijiy investorlar kengashining 3-yalpi majlisi bo‘lib o‘tdi
11-iyun kuni Xalqaro kongress markazida O‘zbekiston Respublikasi Prezidenti huzuridagi Xorijiy investorlar kengashining uchinchi yalpi majlisi bo‘lib o‘tdi.
Prezident Mirziyoyev raisligida o‘tgan tadbirda Yevropa tiklanish va taraqqiyot banki prezidenti Odil Reno-Basso, dunyoning bir qator yetakchi kompaniya va banklari rahbarlari, shuningdek, xalqaro tashkilotlar va moliya institutlari – Iqtisodiy hamkorlik va taraqqiyot tashkiloti, Xalqaro moliya korporatsiyasi, Osiyo taraqqiyot banki, Islom taraqqiyot banki va Xalqaro islom savdo-moliya korporatsiyasi vakillari ishtirok etdi.
Kengashning asosiy vazifalari muvaffaqiyatli tajriba va jahon amaliyotidan kelib chiqqan holda mamlakatni investitsiyaviy, sanoat-texnologik va innovatsion rivojlantirishning eng muhim yo‘nalishlari bo‘yicha maslahat berish hamda O‘zbekiston Hukumati bilan xorijiy investorlar o‘rtasida ochiq muloqotni ta’minlashdan iborat.
Davlat rahbari majlisni ochar ekan, kuni kecha o‘tgan to‘rtinchi Toshkent investitsiya forumining samarali natijalarini qayd etdi hamda kengash a’zolariga Yangi O‘zbekiston taraqqiyotiga qo‘shayotgan hissasi va ko‘magi uchun minnatdorlik bildirdi.
Kengashning avvalgi yig‘ilishlari natijador bo‘lgani mamnuniyat bilan qayd etildi. Xususan, xalqaro moliya tashkilotlari bilan ishlashning mutlaqo yangi formatiga o‘tildi, samarali hamkorlik tizimi joriy etildi, o‘zaro manfaatli sheriklik tarmoqlari kengaydi.
Jumladan, Yevropa tiklanish va taraqqiyot banki o‘tgan yili O‘zbekistonga rekord miqdorda – qariyb 1 milliard dollar investitsiya kiritdi. Mamlakatimiz bankning mintaqadagi eng yirik hamkoriga aylandi.
Shuningdek, xalqaro moliya tashkilotlarining xususiy sektor bilan hamkorligi sezilarli darajada kuchaydi. Xususiy kompaniya va banklar bilan qo‘shma loyihalar hajmi 1 milliard dollardan oshdi.
Bu galgi majlisda ishtirok etayotgan kompaniyalar «yashil» energetika, chiqindilarni qayta ishlash, elektr energiyasini saqlash, «yashil» vodorod ishlab chiqarish va boshqa sohalarda yangi loyihalarni boshladi.
Xususan, «ACWA Power», «Masdar», «Linde», «Shanghai Renewable Energy» va «Total Energies» kompaniyalari 8 milliard dollardan ziyod investitsiya kiritib, «yashil» iqtisodiyot rivojiga katta hissa qo‘shmoqda.
O‘zbekistonning raqamli texnologiyalar sohasiga jahonga mashhur nufuzli kompaniyalar ham faol kirib kelmoqda. «DataVolt» kompaniyasi mintaqadagi eng yirik «yashil» ma’lumotlar markazini barpo etish, «Veon» esa sun’iy intellektga asoslangan mobil superilovani yaratish bo‘yicha loyihalarni amalga oshirmoqda.
– Buni xorijiy investorlarning islohotlarimiz va ochiqlik siyosatimizga bo‘lgan yuksak ishonchi ifodasi, deb bilaman, – dedi Prezident.
Kengashga a’zo Xalqaro moliya korporatsiyasi, «Ernst&Young», «Dentons», «Knauf» va «TBC» kompaniyalari tomonidan milliy qonunchilikni xalqaro standartlar asosida yanada takomillashtirish bo‘yicha qator takliflar bildirildi. Ularning yangi tashabbus va g‘oyalari 10 dan ortiq qonun, farmon va qarorlarda o‘z ifodasini topdi.
Davlat rahbari biznes uchun bazaviy soliq stavkalari 2028 yilgacha o‘zgarmasligini ma’lum qildi.
Umuman, investitsiya muhiti yaxshilangani natijasida so‘nggi 2 yilda yurtimizda xorijiy kapital ishtirokida 5,5 mingta yangi korxona tashkil etilib, ularning soni 16 mingtaga yetdi.
Qayd etilganidek, bugungi uchrashuvga tayyorgarlik doirasida xorijiy hamkorlarning 40 dan ortiq tashabbuslari saralab olindi. Xususan, investorlar tomonidan soliq qonunchiligi barqarorligini ta’minlash, to‘g‘ridan-to‘g‘ri amal qiluvchi qonunlar sonini ko‘paytirish, infratuzilma loyihalarida xususiy sektor ishtirokini kengaytirish bo‘yicha takliflar bildirildi.
Joriy yilda yo‘l qurilishi, transport, energetika, suv ta’minoti, irrigatsiya va boshqa sohalarda qariyb 4,5 milliard dollarlik davlat-xususiy sheriklik loyihalari boshlangan. Moliyaviy hisobotning, shuningdek, ekologik, ijtimoiy va korporativ boshqaruvning xalqaro standartlariga o‘tish bo‘yicha me’yoriy-huquqiy hujjatlar ishlab chiqilmoqda.
Kelib tushgan takliflar asosida garov to‘g‘risidagi qonunchilikni takomillashtirish, xorijiy kompaniyalar uchun professional kadrlar tayyorlash, mahalliy kompaniyalarda korporativ boshqaruvni yaxshilash, soliq ma’murchiligi bo‘yicha qo‘shimcha ishchi guruhlar tashkil etiladi.
Kengash Kotibiyatining mustaqilligini oshirish va uni alohida yuridik shaxs sifatida qayta tashkil etish taklif etildi.
So‘zga chiqqan kengash a’zolari Yangi O‘zbekistondagi keng ko‘lamli islohotlar dasturi natijalarini yuqori baholadi. Davlat rahbariga investitsiyaviy faoliyatni har tomonlama qo‘llab-quvvatlayotgani va o‘zaro manfaatli hamkorlikni davom ettirishga qat’iy intilishi uchun minnatdorlik bildirildi.
Joriy yil 19-20-dekabr kunlari Tokio shahrida Yaponiya hamda Markaziy Osiyoning beshta davlati rahbarlari ishtirokida «C5+1» formatidagi sammit o‘tkazilishi rejalashtirilmoqda.
Nippon nashri xabariga ko‘ra, Yaponiya bosh vaziri Sanae Takaitining mintaqa davlatlari rahbarlari bilan ikki tomonlama uchrashuvlarini o‘tkazish imkoniyati ham ko‘rib chiqilmoqda.
«So‘nggi olti oy ichida Rossiya, Xitoy, AQSh va boshqa davlatlar Markaziy Osiyo davlatlari bilan sammitlar o‘tkazdi. Diplomatik nuqtai nazardan Yaponiya ham bunday sammitni muvaffaqiyatli o‘tkazishi juda ham muhim», — degan Yaponiyaning iqtidordagi Liberal-demokratik partiyasi vitse-prezidenti Taro Aso.
Ma’lumot o‘rnida: Yaponiyaning o‘sha paytdagi bosh vaziri Fumio Kishida 2024-yilning 9-12-avgust kunlari Qozog‘iston, O‘zbekiston va Mo‘g‘ulistonga rejalashtirilgan safari hamda «Markaziy Osiyo + Yaponiya» sammitini Kunchiqar o‘lkada sodir bo‘lishi aytilgan kuchli zilzila tufayli bekor qilgan edi.
2024-yilning 9-avgust kuni O‘zbekiston prezidenti Shavkat Mirziyoyev hamda Yaponiya bosh vaziri Fumio Kishida o‘rtasidagi telefon muloqotida oliy darajadagi uchrashuvni tashkil etishning yangi muddatini diplomatik kanallar orqali kelishishga ahdlashilgandi.
Avval xabar berganimizdek, joriy yil avgust oyida Yaponiya tashqi ishlar vazirining matbuot kotibi Kitamura Tosixiro «Markaziy Osiyo + Yaponiya» muloqotining birinchi sammitini imkon qadar tez muddat o‘tkazish bo‘yicha muzokaralar olib borilayotganini ma’lum qilgandi.
O‘zbekiston prezidenti Shavkat Mirziyoyev 27-avgust kuni Toshkentda Yaponiya tashqi ishlar vaziri Takesi Ivaya boshchiligidagi delegatsiyani qabul qilgan edi. Ushbu uchrashuvda ham siyosiy muloqotni chuqurlashtirish, savdo-iqtisodiy, investitsiyaviy, moliyaviy-texnik va madaniy-gumanitar hamkorlikka doir aniq loyihalarni ilgari surishga alohida e’tibor qaratilgan. Shuningdek, «Markaziy Osiyo + Yaponiya» formatidagi bo‘lajak sammit yuzasidan ham fikr almashilgandi.
Ushbu muloqot formati ta’sis etilganiga 21 yil bo‘ldi. Yaponiya sobiq tashqi ishlar vaziri Yoriko Kavaguchining 2004-yil 26-avgustda Toshkentga tashrifi chog‘ida tashkil etilgan ushbu noyob format Kunchiqar o‘lka va Markaziy Osiyoning beshta davlati (O‘zbekiston, Qozog‘iston, Qirg‘iziston, Tojikiston va Turkmaniston) o‘rtasidagi aloqalarni rivojlantirishda samarador platformaga aylandi.
Hozirga qadar «Markaziy Osiyo + Yaponiya» muloqotining tashqi ishlar vazirlari darajasida to‘qqizta uchrashuvi o‘tkazilgan.
Yaponiya tashqi ishlar vaziri Takesi Ivayaga ko‘ra, rasmiy Tokio «Markaziy Osiyo + Yaponiya» muloqoti doirasida mintaqa bilan munosabatlarni yanada mustahkamlash va birgalikda qonun ustuvorligiga asoslangan erkin va ochiq xalqaro tartibni qat’iy qo‘llab-quvvatlash niyatida.
Siyosat
Saida Mirziyoyeva Al-Azhar bosh imom bilan uchrashdi va diniy va ta’lim sohasidagi hamkorlik masalalarini muhokama qiladi
O’zbekiston Respublikasi Prezidenti ma’muriyati rahbari Saida Mirziyoyeva Qohirada Shayx Ahmad Muhammad Al-Tayeb, Misr va Azhar majmuasi direktori va Azhar majmuasi direktori va Ma’naviyat, ta’lim va fan sohalarida hamkorlikni kuchaytirdi.
Surat: Saea Mirziyoeva / Telegram
Uchrashuv davomida Saida Mirziyoyev O’zbekiston Prezidenti Shavkat Mirziyoyevning Azhar rahbariga samimiy tabrik va tabriklarini olib bordi. Uning so’zlariga ko’ra, muzokaralar O’zbekiston-Misrning ta’lim, diniy ma’rifat va akademik almashuvlardagi munosabatlarini rivojlantirishga qaratilgan.
Rahaqlangan islomiy qadriyatlarni targ’ib qilish va yoshlarni radikallashuvdan himoya qilish uchun hamkorlikni kengaytirish muhim ahamiyatga ega bo’ldi. Ikkala tomon ham ushbu sohadagi global xavfsizlik va mafkuraviy muammolar orasida qo’shma sa’y-harakatlar muhimligini ta’kidladilar.
Uchrashuv, shuningdek, qo’shma o’quv dasturlarini ishlab chiqishda, akademik almashinuv harakatlarini kengaytirish va tarixiy qo’lyozma tadqiqotlarida hamkorlikni kuchaytirishga bo’lgan o’zaro qiziqish bildirdi. Keyinchalik Saida Mirziyoyeva rasmiy platformalar bo’yicha uchrashuv tafsilotlarini o’rtoqlashdi va ikki mamlakat o’rtasidagi barqaror muloqot muhimligini ta’kidladi.
Dunyoning eng nufuzli islomiy ta’lim markazlaridan biri, Al-Azhar majmuasi Islom dunyosi bo’ylab mo”tadil diniy ta’lim va jo’shqin muloqotni rivojlantirishda muhim rol o’ynaydi.
Otabek Mavlonberdiyev Sirdaryo viloyati hokimining yoshlar siyosati, ijtimoiy rivojlantirish va ma’naviy-ma’rifiy ishlar bo‘yicha o‘rinbosari lavozimiga tayinlandi.
Bungacha u prezident huzuridagi Boshqaruv samaradorligi agentligining Sirdaryo viloyati filiali rahbari bo‘lgan.
Qirg‘iziston energetika vaziri uch mamlakat Jahon banki dasturi ko‘magida chegara hududlaridagi elektr uzatish liniyalarining o‘tkazuvchanlik qobiliyatini oshirish bilan shug‘ullayotganini ma’lum qildi.
O‘zbekiston, Qirg‘iziston va Tojikiston chegaraoldi elektr uzatish tarmoqlarining o‘tkazuvchanlik qobiliyatini oshiradi. Bu haqda Qirg‘iziston energetika vaziri Taalaybek Ibrayev “O‘zbekiston 24” telekanaliga bergan intervyusida ma’lum qildi.
Ibrayevning ma’lum qilishicha, O‘zbekiston, Qirg‘iziston va Tojikiston Jahon banki dasturi ko‘magida chegara hududlaridagi elektr uzatish liniyalarining o‘tkazuvchanlik qobiliyatini oshirish bilan shug‘ullanmoqda.
Uning so‘zlariga ko‘ra, Qambarota GES-1 loyihasining amalga oshirilishi sanoat korxonalarini qo‘shimcha elektr energiyasi bilan ta’minlash va oziq-ovqat dasturlarini bajarish imkonini beradi.
O‘zbekiston Respublikasi Prezidenti Shavkat Mirziyoyev bugun, 6-dekabr kuni bo‘lib o‘tgan telefon orqali muloqotda Qirg‘iz Respublikasi Prezidenti Sadir Japarovni tavallud kuni bilan samimiy tabriklab, unga mustahkam sog‘liq, farovonlik va qardosh Qirg‘iziston xalqiga bardavom ravnaq tiladi.
O‘zbekiston bilan Qirg‘iziston o‘rtasidagi strategik sheriklik, do‘stlik va yaxshi qo‘shnichilik munosabatlarini yanada mustahkamlashning amaliy jihatlari muhokama qilindi.
Keyingi yillarda ikki tomonlama hamkorlikda erishilgan yutuqlar alohida mamnuniyat bilan qayd etildi. Barcha darajadagi aloqalar davom etmoqda. Tovar ayirboshlash va yuk tashish hajmi barqaror o‘sib bormoqda. Iqtisodiyotning ustuvor tarmoqlarida qo‘shma loyihalar amalga oshirilmoqda. Faol madaniy-gumanitar va hududlararo almashinuvlar olib borilmoqda.
Yirik strategik loyihalar, jumladan, «O‘zbekiston – Qirg‘iziston – Xitoy» temir yo‘li va Qambarota GES-1 qurilishi doirasidagi ishlar davom etmoqda.
Yetakchilar mintaqaviy ahamiyatga molik dolzarb masalalarni ham ko‘rib chiqdilar.
Ma’lumot uchun: Sadir Japarov 1968-yilning 6-dekabrida Qirg‘izistonning Issiqko‘l viloyatidagi Kengsuv qishlog‘ida tavallud topgan.
Barcha ekipaj a’zolari vafot etdi
Tanqiddan so‘ng: Romitandagi «domlar» ta’mirlandi
Otasini ta’minlashdan bo‘yin tovlagan o‘g‘il 15 sutkaga qamaldi
-
Iqtisodiyot5 days agoO‘zbekiston oktyabrda oltinning eng yirik xaridorlaridan biri bo‘ldi
-
Jamiyat5 days agoSirdaryoda 100 million kub metrlik yangi suv ombori quriladi
-
Iqtisodiyot5 days agoSirdaryodagi 9 ta tuman-shahar hokimlari Xitoyga yo‘l oladi
-
Jamiyat5 days agoPrezident Gulistonga keltirilgan zamonaviy avtobuslarni borib ko‘rdi
-
Sport3 days agoТуркия Суперлигаси. «Башакшеҳир» – «Фенербаҳче». Шомуродов ва Файзуллаев — асосий таркибда
-
Turk dunyosi4 days agoTurkiya qimor o’yini-onaviy tergovning bir qismi sifatida futbolchilar va sheriklar hibsga olingan
-
Turk dunyosi4 days agoTurkiya Rossiya quvur liniyali gaz ta’minotini bir yil davomida kengaytirmoqda
-
Hayot tarzi4 days agoDemi Xestemanning Jessi Gatikaulaning “Me’blari” ga qanday munosabatda bo’ldi