O‘zbekistonda talon-toroj va firibgarlik jinoyatlari uchun hukm qilingan shaxslarga nisbatan jazodan muddatidan ilgari shartli ravishda ozod qilish tartibi qat’iylashtirildi. Endi ular yetkazilgan zararni to‘liq qoplamagan taqdirda mazkur imtiyozdan foydalana olmaydi.

Prezident tomonidan imzolangan qonun bilan Jinoyat kodeksi va boshqa qonun hujjatlariga qo‘shimcha hamda o‘zgartirishlar kiritildi.

Qonunga muvofiq, o‘zlashtirish yoki rastrata qilish yo‘li bilan talon-toroj qilish, shuningdek firibgarlik jinoyatlari uchun hukm qilingan shaxslarga jazodan muddatidan ilgari shartli ravishda ozod qilish tartibi qayta ko‘rib chiqildi.

Unga ko‘ra, sodir etilgan jinoyat oqibatida yetkazilgan moddiy zararning o‘rni to‘liq qoplanmagan bo‘lsa, mahkum shartli ozodlikka chiqarilmaydi.

Shu bilan birga, qonun bilan korrupsiyaga oid jinoyatlarning aniq ro‘yxati ham belgilandi. Shuningdek, davlat organlari va tashkilotlarida komplayens hamda korrupsiyaga qarshi ichki nazorat tuzilmalarini tashkil etish, hududlarda korrupsiyaga qarshi kurashish kengashlarini shakllantirish nazarda tutilgan.

Mazkur qonun rasmiy e’lon qilingan kundan boshlab kuchga kirdi.

Source link

O‘zbekistonda insonlar hayoti va sog‘lig‘iga xavf tug‘dirayotgan, shuningdek xavfsizlik va shaharsozlik talablariga javob bermaydigan yonilg‘i quyish shoxobchalari hamda gaz to‘ldirish inshootlari bosqichma-bosqich xavfsiz hududlarga ko‘chiriladi.

Vazirlar Mahkamasining tegishli qarori bilan yonilg‘i quyish shoxobchalari va gaz to‘ldirish inshootlarida avariya hamda noxush hodisalarning oldini olishga qaratilgan qo‘shimcha chora-tadbirlar belgilandi.

Qarorga muvofiq, Qoraqalpog‘iston Respublikasi Vazirlar Kengashi, viloyatlar va Toshkent shahar hokimliklari 2026 yil 1 sentabrga qadar xavfsizlik, sanoat va yong‘in xavfsizligi, ekologik hamda shaharsozlik normalariga javob bermaydigan yonilg‘i quyish shoxobchalari va gaz to‘ldirish inshootlari reyestrini shakllantiradi.

Shundan so‘ng mazkur obektlarni bosqichma-bosqich xavfsiz hududlarga ko‘chirish bo‘yicha chora-tadbirlar ishlab chiqiladi. Qarorda ko‘chirilgan obektlar joylashgan yer uchastkalariga bo‘lgan huquqlar tadbirkorlar ixtiyorida saqlanib qolishi belgilangan.

Hujjatda, shuningdek, xavfsiz hududlarga ko‘chirilgan avtomobillarga gaz to‘ldirish kompressor shoxobchalariga istisno tariqasida gaz tarmoqlariga ulanish uchun texnik shartlar rasmiylashtirib berilishi nazarda tutilgan.

Mazkur choralar yonilg‘i quyish shoxobchalari va gaz to‘ldirish inshootlarida xavfsizlik talablarini kuchaytirish, avariyalar xavfini kamaytirish hamda aholi xavfsizligini ta’minlashga qaratilgan.

Source link

Toshkentda odamlarning milliardlab so‘m pulini qo‘lga kiritgan soxta prokuratura xodimi ushlandi. 

Bosh prokuratura Shaxsiy xavfsizlik boshqarmasi tomonidan olib borilgan tezkor tadbirlar natijasida fuqaro A.A. o‘zini Bosh prokuratura xodimi sifatida tanishtirib, bir nechta fuqarolarning mol-mulkini firibgarlik yo‘li bilan qo‘lga kiritganligi aniqlangan.

Jumladan, tergov ma’lumotlariga ko‘ra, A.A. jabrlanuvchilar B.M. va S.Sh.ga arzon narxda bug‘doy mahsulotini sotib olib, uni qayta ishlash orqali katta miqdorda daromad olish mumkinligini aytib, ularning ishonchiga kirgan hamda 1,7 mlrd so‘m pul mablag‘ini firibgarlik yo‘li bilan qo‘lga kiritgan.

Bundan tashqari, A.A. jabrlanuvchi M.T.ga tegishli MChJga Yakkasaroy tumani, Yunus Rajabiy mahallasi hududida joylashgan 50 sotix yer maydoni ajratish to‘g‘risidagi Toshkent shahar hokimining qarori Oliy sudning hal qiluv qarori bilan bekor qilinganidan xabar topib, mazkur qarorni qayta tiklab berish evaziga M.T.dan 95 ming AQSh dollarini firibgarlik yo‘li bilan qo‘lga kiritgan.

Shuningdek, A.A. fuqaro I.N. bilan «Facebook» ijtimoiy tarmog‘i orqali tanishib, unga Bosh prokuraturada ishlashini ma’lum qilgan holda uning ishonchiga kirgan. Keyinchalik u I.N.ga bahosi 8 500 AQSh dollari bo‘lgan, 2014 yilda ishlab chiqarilgan «Cobalt» rusumli avtomashinasini yangi «Gentra» rusumli avtomashinasiga almashtirib berishini va’da qilib, avtomashinani firibgarlik yo‘li bilan qo‘lga kiritgan hamda uni boshqa shaxsga sotib yuborib, bergan va’dasini bajarmasdan, tushgan mablag‘ni shaxsiy ehtiyojlari uchun sarflab yuborgan.

Xuddi shunday, A.A. fuqaro A.K. bilan tanishib, unga Bosh prokuraturada ishlashini ma’lum qilgan holda uning ishonchiga kirgan. Tergov ma’lumotlariga ko‘ra, ma’lum vaqt davomida yaqin munosabatda bo‘lgan mazkur shaxs A.K.ga tegishli Yunusobod tumani 9-mavze, 2-uy, 23-xonadon kalitining nusxasini qo‘lga kiritib, uning sayohatga ketganligidan foydalangan. Shundan so‘ng xonadonga noqonuniy ravishda kirib, A.K.ga tegishli juda ko‘p miqdordagi tilla taqinchoqlarni yashirin ravishda o‘g‘irlab, voqea joyidan yashiringan.

2026 yil 18 iyun kuni A.A.ga nisbatan Jinoyat kodeksining 168-moddasi 4-qismi «a» bandi, 169-moddasi 4-qismi «a» bandi hamda boshqa moddalari bilan ayblov e’lon qilinib, unga nisbatan qamoq ehtiyot chorasi qo‘llanildi, deyiladi mahkama xabarida.

«Agarda shunga o‘xshash holatlar yuzasidan, ya’ni A.A. o‘zini prokuratura xodimi sifatida tanishtirib, pul mablag‘larini o‘zlashtirganligi haqida ma’lumotga ega bo‘lsangiz yoki ushbu shaxsning xatti-harakatlaridan jabr ko‘rgan bo‘lsangiz, zudlik bilan Bosh prokuraturaning «1161» raqamli Ishonch telefoniga qo‘ng‘iroq qilib, xabar berishingizni so‘raymiz», deyiladi Bosh prokuratura xabarida.

Murojaat qiluvchilarning shaxsi sir saqlanishi kafolatlanadi.

Source link

12 iyun kuni Urganch shahrida Cobalt qahvaxonaga “bostirib” kirgandi. Oqibatda 2 kishi jabrlangan. YHXX ular “yengil shilinish” jarohati olganini bildirdi. Ammo tibbiy ma’lumotnomadan ma’lum bo‘lishicha, kafe ichidagi yigitlardan birining jag‘i va ensa suyagi sinib ketgan. U 11 kundan buyon kasalxonada qolmoqda.

Urganch shahridagi YTHda ikki kishi jiddiy jarohatlandi. Kun.uz jabrlanganlarga oid tibbiy ma’lumotnomalar bilan tanishdi. 

Nima bo‘lgandi?

12 iyun kuni kechga yaqin Urganch shahrida katta tezlikda harakatlangan Cobalt mashinasi chorrahada boshqaruvni yo‘qotib, yo‘l chetiga chiqib ketgan va “Coffelito coffee” qahvaxonasiga buzib kirgan edi.

Transport vositasi 20 yoshli I.I. boshqaruvida bo‘lgan. U chorrahada tezlikni oshirgan va boshqa bir mashinani urib yubormaslik uchun rulni burib, boshqaruvni yo‘qotgan. Ijtimoiy tarmoqlarda tarqalgan videolarda ko‘rinishicha, Cobalt chorrahaning o‘ng tomonida joylashgan qahvaxona eshigini buzib o‘tgan holda ichkariga “bostirib” kirgan. Oqibatda, qahvaxonada o‘tirgan 20 va 21 yoshli yigitlar jarohatlangan.

“Yengil shilinish”mi yoki og‘ir jarohat?

YHXXning Kun.uz so‘roviga javoban bergan ma’lumotnomasida keltirilishicha, jabrlanuvchilardan biri “chap qo‘l shilinishi”, ikkinchisi esa “o‘ng yuz shilinishi” bilan bog‘liq yengil tan jarohati olgan. Ularga shifoxonada birinchi tez tibbiy yordam ko‘rsatilgani hamda uyiga ruxsat berilgan.

Biroq, tahririyatga kelib tushgan tibbiy xulosalarga ko‘ra, vaziyat ancha jiddiy: jabrlanuvchilar yengil emas, jiddiy tan jarohati olgan bo‘lishi mumkin.

Xususan, Kun.uz tanishgan ma’lumotnomalarda yigitlardan biri chap pastki jag‘ suyagining vertikal sinishi, chap ensa suyagi sinishi, bosh qismida travmatik o‘zgarishlar hamda bo‘yin umurtqa pog‘onasi segmentlari shikastlanishi, ikkinchisi esa fibroz halqaning yirtilishi, dural qop deformatsiyasi, umurtqa kanali stenozi va boshqa turdagi jarohatlar olgani qayd etilgan. Yigitlardan biri hozirgacha kasalxonada qolmoqda.

Kun.uz manbasi Cobalt haydovchisining otasi IIB tizimiga aloqador shaxs ekanini va u surishtiruvga ta’sir o‘tkazishga urinayotganini aytmoqda.

Source link

09:30

Toshkentda bo‘yoq hididan zaharlangan uch fuqaro qutqarildi



Source link