Iqtisodiyot
Toshkentda BAA kompaniyasi bilan hamkorlikda xalqaro logistika terminali quriladi
Toshkent shahri hokimligi huzuridagi «Tashkent Invest» kompaniyasi Dubayning DP World kompaniyasi bilan zamonaviy multimodal logistika terminalini ishlab chiqish va boshqarish uchun DP World Tashkent qo‘shma korxonasini tashkil etdi.
Xabar qilinishicha, Yangihayot tumanidagi «Yangi avlod» maxsus sanoat zonasi hududida transport bog‘lanishini yaxshilash, samaradorlikni oshirish va savdo tartib-qoidalarini soddalashtirishga qaratilgan terminal qurilishi rejalashtirilgan.
Yangi kompaniya ustav kapitalida «Tashkent Invest» 15 foiz, DP World esa 85 foiz ulushga ega bo‘ladi. Uch bosqichda ishlab chiqiladigan loyihaga jami investitsiya 288 mln dollardan oshadi.
Maydoni taxminan 82 gektar bo‘lgan xalqaro transport-logistika markazi tarkibiga konteynerlar va yopiq yuklar uchun temiryo‘l quruq porti, bojxona rasmiylashtiruvi zonalari, transport vositalari saqlanadigan maydonchalar, yuk mashinalari uchun avtoturargoh, shuningdek, A toifali omborlar va kross-doking majmualari kiradi.
Birinchi bosqich doirasida yiliga 150 ming TEU (20 futli standart konteyner hajmiga teng) quvvatga ega temiryo‘l terminali hamda 63 ming kvadrat metr maydonli ombor majmuasi qurilishi ko‘zda tutilgan. Loyihaning keyingi bosqichlarida talabga qarab umumiy maydoni 163 ming kvadrat metr bo‘lgan qo‘shimcha ombor binolarini ishga tushirish rejalashtirilgan.
Terminalga qarashli maxsus yuk temiryo‘l stansiyasi yuklarni qayta ishlash va yetkazib berish jarayonlarini tezlashtiradi, shu bilan birga logistika xarajatlarini qisqartirishga yordam beradi. Xabarda ta’kidlanishicha, xab O‘zbekistonning milliy temiryo‘l tarmog‘i, asosiy avtomobil yo‘llari va Toshkent xalqaro aeroportiga to‘g‘ridan-to‘g‘ri chiqish imkoniga ega bo‘ladi. Bu esa yuklarni avtomobil, temiryo‘l va havo transporti orqali samarali tarzda multimodal tashishni ta’minlaydi.
«Bu kelishuv transport-logistika xabini rivojlantirishning boshlanishini anglatadi. Loyiha poytaxtning ishlab chiqarish va eksport salohiyatini sezilarli darajada oshiradi. Logistika va portlar boshqaruvi sohasida jahonda tan olingan ekspert — DP World kompaniyasi bilan hamkorlik Toshkentda zamonaviy texnologiyalarni joriy etish va yirik investorlarni jalb etish imkonini beradi. Jahon darajasidagi infratuzilma tufayli Toshkent mahalliy hamda xalqaro biznes uchun yanada qulay shaharga aylanadi», — dedi poytaxt hokimi Shavkat Umurzoqov kelishuvni imzolash marosimida.
«Toshkent multimodal logistika terminali Markaziy Osiyo mintaqasiga jahon darajasidagi infratuzilma va ilg‘or logistika imkoniyatlarini taqdim etadi. Bu ta’minot zanjirlari samaradorligini oshirishga va turli sohalardagi biznesni qo‘llab-quvvatlashga xizmat qiladi», — dedi DP World guruhi rahbari va bosh direktori Sulton Ahmad bin Sulayim.
Prezident Shavkat Mirziyoyev G‘uzor tumanida «Qashqadaryo Jingu» korxonasi tomonidan Shinjon usulida paxta yetishtirilayotgan dalada bo‘ldi.
Davlatimiz rahbariga chigit ekish, g‘o‘zani sug‘orish va parvarishlashda qo‘llanayotgan texnologiyalar haqida ma’lumot berildi. Bu yerda 2,2 ming gektar maydonga chigit plyonka ostiga qo‘sh qatorlab ekilgan, tomchilatib sug‘orish to‘liq joriy qilingan.
Plyonka tuproqdagi namlik va haroratni saqlab, chigitning erta hamda bir tekis unib chiqishiga yordam beradi. Suv va o‘g‘it esa tomchilatib sug‘orish tizimi orqali bevosita g‘o‘za ildiziga yetkaziladi. Natijada suv sarfi 30-40 foizga, o‘g‘it sarfi qariyb 30 foizga kamayadi. Hosil an’anaviy maydonlarga nisbatan 10-15 kun oldin pishib yetiladi.
Prezidentimiz paxtazorda yetishtirilgan hosil va agrotexnik tadbirlarni tashkil etish jarayoni bilan tanishdi. An’anaviy usulda gektaridan 30-35 sentner paxta olinsa, Shinjon texnologiyasida bu ko‘rsatkich 60-70 sentnergacha yetishi mumkin. Korxona dalalarida hosildorlik gektariga 55 sentnerni, yalpi hosil esa 12,3 ming tonnani tashkil etmoqda.
Dala ishlarida agrodronlardan ham foydalanilmoqda. Bu ayrim agrotexnik tadbirlarni tezroq bajarish, yonilg‘i sarfini kamaytirish imkonini bermoqda.
Xitoy sarmoyasi ishtirokida tashkil etilgan «Qashqadaryo Jingu» agroklasteri Koson, Nishon, G‘uzor, Ko‘kdala va Mirishkor tumanlarida jami 18,3 ming gektar maydonda faoliyat yuritadi. Ushbu yerlarning katta qismi ilgari foydalanilmagan cho‘l va qarovsiz maydonlar bo‘lgan. Loyihaga 128 million dollar investitsiya kiritilib, 50 ta ish o‘rni yaratilgan. Eksport hajmi esa 8,5 million dollarni tashkil etadi.
Shu yerda davlatimiz rahbariga viloyat qishloq xo‘jaligida amalga oshirilayotgan ishlar haqida ham axborot berildi.
O‘zbekiston Prezidenti Shavkat Mirziyoyev «Wabtec» kompaniyasi direktorlar kengashi raisi va bosh ijrochi direktori Rafael Santanani qabul qildi. Bu haqda Prezident matbuot xizmati xabar berdi.
Uchrashuvda mamlakatda temir yo‘l infratuzilmasi va tranzit salohiyati rivojlanayotganini hisobga olib, lokomotivlar parkini yangilash va kengaytirish masalalari ko‘rib chiqildi.
AQSh moliya institutlari ishtirokida lokomotivlarni uzoq muddatli servis xizmati bilan birga yetkazib berish imkoniyatlari muhokama qilindi.
Shuningdek, O‘zbekistonda texnik xizmat ko‘rsatishni yo‘lga qo‘yish, butlovchi qismlar ishlab chiqarish va mutaxassislar tayyorlash masalalari ko‘rib chiqildi.
Tog‘-kon korxonalari karer texnikasiga xizmat ko‘rsatuvchi servis markazini tashkil etish hamda dizel-generator qurilmalari bo‘yicha hamkorlik qilishga ham e’tibor qaratildi.
«Wabtec» lokomotivlar, temir yo‘l texnikasi, raqamli va servis yechimlarini ishlab chiqarish bo‘yicha jahondagi yetakchi kompaniyalardan biri hisoblanadi. Kompaniya Markaziy Osiyo mamlakatlarida ham loyihalarni amalga oshirmoqda.
Iqtisodiyot
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
Prezident Administratsiyasi rahbari Saida Mirziyoyeva XXRning Gonkong maxsus ma’muriy hududidagi eng yirik xoldinglardan biri — Henderson Land Group boshqaruvi raisi Piter Li bilan uchrashuv o‘tkazdi.
Tomonlar qayta tiklanuvchi energetika, Yangi Toshkent infratuzilmasini rivojlantirish va ta’lim sohalaridagi istiqbolli qo‘shma loyihalarni muhokama qildi.
«Mamlakatimiz investitsiyalar uchun ochiq va biz Gonkongning yetakchi biznes doiralari bilan hamkorlikdan manfaatdormiz. Sheriklikdagi tashabbuslarni, jumladan, yangi tashkil etilayotgan Toshkent xalqaro moliya markazi orqali ham qo‘llab-quvvatlashga tayyormiz», — deb yozdi Saida Mirziyoyeva.
Administratsiya rahbari O‘zbekiston va Gonkong o‘rtasida uzoq muddatli iqtisodiy hamkorlikni rivojlantirish uchun katta imkoniyatlar borligiga ishonch bildirdi.
Markaziy bank 2026-yil 9-oktyabrdan valyutalarning yangi kursini belgiladi.
AQSh dollari 37,38 so‘mga oshib, 11 846,57 so‘m etib belgilandi.
Yevro kursi 34,69 so‘mga oshdi va 13 240,91 so‘m bo‘ldi. Funt-sterling 15 631,55 so‘mni tashkil qildi (29,25).
Rossiya rubli 138,95 so‘m etib belgilandi (+0,8).
Markaziy bank 2026-yil 6-oktyabrdan valyutalarning yangi kursini belgiladi.
AQSh dollari 5,5 so‘mga oshib, 11 778,45 so‘m etib belgilandi.
Yevro kursi 25,62 so‘mga tushdi va 13 198,93 so‘m bo‘ldi. Funt-sterling 15 580,53 so‘mni tashkil qildi (+31,99).
Rossiya rubli 138,35 so‘m etib belgilandi (-2,79).
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot5 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Iqtisodiyot2 days ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot7 hours ago
Shavkat Mirziyoyev Shinjon usulida yetishtirilgan paxta dalasini ko‘zdan kechirdi
-
Jamiyat2 days ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat2 days ago
O‘zbekiston do‘konlarida 73 turdagi mahsulot sifatsiz deb topildi