Jamiyat
Qurilishda to‘liq ichki infratuzilma – “Besh Bola Building’s”ning muvaffaqiyat siri
Farg‘onada 300 xonadonni foydalanishga topshirgan “Besh Bola Building’s” qurilish jarayonini butunlay o‘z tizimi orqali amalga oshiradi: xomashyodan to tayyor uygacha — barchasi nazoratda. Kompaniya bu tizim orqali sifat va tezkorlikni ta’minlamoqda.
Farg‘ona shahrida sifat va qulay narx timsoliga aylangan “Besh Bola Group” yana bir muhim bosqichni bosib o‘tdi. Kompaniya bir vaqtning o‘zida “Komfort”, “Sakinat” va “Yangi O‘zbekiston” turar joy majmualaridagi 300 dan ortiq xonadonni o‘z egalariga topshirdi.
Kompaniya tomonidan taqdim etilgan har bir loyiha o‘ziga xos qulay infratuzilma va zamonaviy dizayni bilan ajralib turadi. “Besh Bola Building’s” bunyod etgan majmualarda yashash uchun barcha sharoitlar — bolalar maydonchalaridan tortib, yashil hudud va avtoturargohlargacha — to‘liq yaratilgan.
Tadbir doirasida yangi xonadon egalari uchun ramziy kalitlar topshirildi. Mehmonlar esa qurilish jarayoni hamda majmualarning ichki imkoniyatlari bilan yaqindan tanishish imkoniga ega bo‘lishdi.
“Bugun 3 ta loyihaning kalitlarini o‘z egalariga topshiryapmiz. Hozir umumiy 4000 dan ziyod xonadonlar qurilishini boshlaganmiz. Kelajakda Andijon, Quva, Toshkentda ham qurishni rejalashtiryapmiz”, deydi loyiha asoschilaridan biri.
“Besh Bola Building’s” tomonidan tashkil etilgan ushbu tadbir faqatgina yangi xonadon egalari uchun ramziy kalitlarni topshirish marosimi bilangina cheklanib qolmadi.
Kompaniya tomonidan tashkil etilgan shou-dasturlar, mijozlarga taqdim etilgan qimmatbaho sovg‘alar, shuningdek, Ustoz va murabbiylar kuniga atab topshirilgan 20 million so‘mlik vaucherlar ham mehmonlar uchun kutilmagan, ammo yoqimli tuhfa bo‘ldi.
Tadbirda “Besh Bola Building’s”ning boshqa loyihalaridan xonadon xarid qilgan mijozlar ham mehmon sifatida ishtirok etishdi. Ular kompaniya bilan hamkorlik tajribasi, xizmat sifati va qurilish jarayonidan olgan taassurotlari haqida o‘z fikrlarini bildirishdi.
“Besh Bola Building’s” qurilish jarayonida o‘zining ichki infratuzilmasidan samarali foydalanadi. Xomashyo “Besh Bola Drobilka”da tayyorlanadi, beton “Besh Bola Beton”da ishlab chiqariladi, yetkazib berish esa “Besh Bola Transport” orqali amalga oshiriladi. Bu tizim qurilish jarayonida vaqt va sifatni nazorat qilishda muhim ahamiyat kasb etadi.
Ish jarayoni, eng avvalo, “Besh Bola Drobilka”da boshlanadi — bu yerda turli xomashyolar, tosh va qum mahsulotlari qayta ishlanib, beton ishlab chiqarish uchun asosiy komponentlar tayyorlanadi. Tayyorlangan materiallar “Besh Bola Transport” kompaniyasiga tegishli zamonaviy yuk mashinalari orqali “Besh Bola Beton” zavodiga yetkaziladi. “Besh Bola Beton”da 6-7 turdagi beton mahsulotlari ishlab chiqariladi va 200 ga yaqin ish o‘rinlari yaratilgan.
Farg‘onadagi eng yirik beton ishlab chiqarish korxonalaridan biri bo‘lgan “Besh Bola Beton” zavodi bir sutkada 2 500 kub metrgacha beton ishlab chiqarish quvvatiga ega. Bu esa o‘rtacha 250 ta beton mikserini to‘ldirishga teng hajm demakdir.
Zavod o‘zining xususiy laboratoriyasiga ega bo‘lib, unga qariyb 50 ming dollarlik investitsiya yo‘naltirilgan. Laboratoriyada ham xomashyo, ham tayyor beton mahsulotlari bosqichma-bosqich tekshiriladi. Ya’ni har bir partiya qurilish maydoniga jo‘natilishidan oldin sifat nazoratidan o‘tadi. Bu esa qurilishdagi barqarorlik va sifatni ta’minlaydi.
Kompaniyaning samarali faoliyatida “Besh Bola Transport” ham muhim o‘rin tutadi. Unda 60 dan ortiq maxsus texnika — yuk mashinalari, beton mikserlar, ekskavatorlar va yengil transport vositalari mavjud. Mazkur texnikalar qurilish materiallarini tez, xavfsiz va sifatli yetkazib berishga xizmat qiladi. Ushbu tizim kompaniyaga qurilish jarayonining barcha bosqichlarini nazorat ostida ushlab, vaqtni tejash va sifatni kafolatlash imkonini beradi.
Sifat, ishonch va tezkorlik — “Besh Bola Building’s” faoliyatining asosiy tamoyillaridir. Kompaniya bugun Farg‘onada qurilish sohasida o‘z o‘rnini mustahkamlab, yaqin yillarda mamlakatning boshqa hududlarida ham zamonaviy turar joy loyihalarini amalga oshirishni rejalashtirmoqda.
Telegram|Instagram
Murojaat uchun:+998 78 5559090
Reklama huquqi asosida
Prezident Shavkat Mirziyoyev Namanganga tashrifi asnosida an’anaviy gullar festivaliga tashrif buyurdi.
Festival muddati 2018-yildagi 3 kundan 2025-yilda 40 kunga uzaytirilgani natijasida xorijlik sayyohlar soni 25 mingdan 800 ming nafarga, mahalliy turistlar esa 6,4 million nafarga yetdi.
Navbatdagi maqsad – 50 dan ortiq davlatdan 1 million nafar xorijiy va 7 million nafar mahalliy turistni jalb etish, 150 dan ziyod tadbir o‘tkazish hamda xizmatlar hajmini 8 trillion so‘mga yetkazish.
Joriy yil 24-maydan 12-iyulga qadar davom etadigan 65-xalqaro gullar festivali ham o‘zgacha shukuh bilan o‘tmoqda
Festival «Ginnessning rekordlar kitobi»ga rasman kiritildi. Uning doirasida kitob vakillari bir oy davomida Namangan shahri aholisi tomonidan 29 milliondan ziyod gul ko‘chati qo‘lda ekilishi jarayonini kuzatdi. Natijada jahon rekordi qayd etildi.
Namangan shahrining 45 ta mahallasi gulchilikka ixtisoslashtirilib, 16 ming xonadon qamrab olindi, 21 ming nafar aholining bandligi ta’minlandi. Ushbu xonadon tomorqalarida mart-aprel oylarida 4 ming 683 ta issiqxona tashkil etilib, 120 million dona gul ko‘chati yetishtirildi. Odamlar qo‘shimcha 300 milliard so‘m daromadga ega bo‘ldi.
Davlatimiz rahbari festival doirasida barpo etilgan gul kompozitsiyalari, mavzuli maydonlar va ko‘rgazmalarni ko‘zdan kechirdi. Gulchilik bilan shug‘ullanayotgan aholi, tadbirkorlar, festival ishtirokchilari va mehmonlarni qutladi.
Koreya davlatiga ishga yuborish bilan bog‘liq firibgarlik holatlari aniqlandi.
Bosh prokuratura huzuridagi Departamentning Toshkent viloyati boshqarmasi tomonidan o‘tkazilgan tergovga qadar tekshiruvda fuqaro T.T. 12 nafar fuqaroning ishonchiga kirib, ularni Koreya davlatiga ishga yuborishini aytib, 38 000 AQSh dollarini firibgarlik yo‘li bilan qo‘lga kiritib, ushbu pullarni muqaddam Migratsiya Agentligida ishlagan A.A.ga (muqaddam JKning 168 va 211-moddalari bilan sudlangan) berganligi aniqlangan.
Departamentning Marg‘ilon shahri bo‘limi tomonidan o‘tkazilgan tergovga qadar tekshiruvda fuqaro I.R. (muqaddam sudlangan) 2 nafar fuqaroni Koreya davlatiga ishga yuborishini va’da qilib, ulardan jami 3 500 AQSh dollarini firibgarlik yo‘li bilan qo‘lga kiritganligi aniqlanib, ushbu pullar hisobidan 3 mln so‘mning qaytarilishi protsessual tartibda rasmiylashtirilgan.
Departamentning Dehqonobod tumani bo‘limi tomonidan o‘tkazilgan tergovga qadar tekshiruvda fuqarolar I.X. (muqaddam JKning 168-moddasi bilan sudlangan) va A.K. migratsiya agentligida ishlovchi tanishlari orqali fuqaro B.T.ni Koreya davlatiga ishga yuborishlarini aytib, 2 000 AQSh dollari va 36 mln so‘mni firibgarlik yo‘li bilan qo‘lga kiritganliklari aniqlangan.
Departamentning Xonobod shahri bo‘limi tomonidan o‘tkazilgan tergovga qadar tekshiruvda fuqaro A.A. (muqaddam JKning 168-moddasi bilan sudlangan) 3 nafar fuqaroni Koreya davlatiga ishga yuborishi uchun viza olib berishini aytib, 2 500 AQSh dollari va 11 mln so‘mni firibgarlik yo‘li bilan qo‘lga kiritganligi aniqlanib, ushbu pullar hisobidan 1 000 AQSh dollarining qaytarilishi protsessual tartibda rasmiylashtirilgan.
Departamentning Do‘stlik tumani bo‘limi tomonidan o‘tkazilgan tergovga qadar tekshiruvda fuqaro Yu.L. (muqaddam sudlangan) 11 000 AQSh dollari evaziga fuqaro U.F.ni migratsiya agentligida ishlovchi tanishlari orqali Koreya davlatiga ishga yuborishini va’da qilib, shundan 2 300 AQSh dollarini firibgarlik bilan qo‘lga kiritganligi aniqlangan.
Departamentning Bog‘ot tumani bo‘limi tomonidan o‘tkazilgan tergovga qadar tekshiruvda fuqaro X.K. 3 500 AQSh dollari evaziga fuqaro A.A.ni Koreya davlatiga ishga ketishi uchun o‘tkaziladigan imtihonlaridan ijobiy natijalar bilan o‘tkazib berishini aytib, kelishilgan puldan 1 000 AQSh dollarini firibgarlik yo‘li bilan qo‘lga kiritganligi aniqlangan.
Mazkur holatlar yuzasidan Jinoyat kodeksining tegishli moddalari bilan jinoyat ishlari qo‘zg‘atilib, tergov harakatlari o‘tkazilmoqda.
O‘zbekiston prezidenti matbuot va OAV xodimlarini kasb bayrami bilan tabrikladi.
Foto: Prezident matbuot xizmati
Prezident Shavkat Mirziyoyev 27 iyun – Matbuot va ommaviy axborot vositalari xodimlari kuni munosabati bilan soha vakillariga bayram tabrigini yo‘lladi.
Davlat rahbari tabrigida mamlakatning bosma va internet nashrlari, teleradiokanallar, axborot va media xizmatlari, nashriyot hamda matbaa korxonalarida faoliyat yuritayotgan ijodiy va texnik xodimlar, jurnalistlar hamda soha faxriylarini samimiy qutladi.
Prezident jurnalistlarni o‘zining doimiy maslakdoshi va jonkuyar do‘sti deb bilishini ta’kidladi.
Qayd etilishicha, bu yilgi kasb bayrami milliy matbuot tarixidagi muhim sanalar – jadidlar tomonidan «Taraqqiy» gazetasi tashkil etilganining 120 yilligi hamda O‘zbekistonda ilk radioeshittirishlar boshlanganining 100 yilligi arafasida nishonlanmoqda.
Tabrikda so‘nggi yillarda mamlakatda so‘z erkinligini ta’minlash, ommaviy axborot vositalarini qo‘llab-quvvatlash, davlat organlari faoliyatining ochiqligini kengaytirish, axborot sohasini raqamlashtirish va zamonaviy mediamakonni shakllantirish bo‘yicha amalga oshirilgan ishlar qayd etildi.
Prezidentning ma’lum qilishicha, bugungi kunda mamlakatdagi qariyb 2 ming 700 ta ommaviy axborot vositasining 67 foizi, noshirlik sub’yektlarining 90 foizdan ortig‘i va matbaa korxonalarining 83 foizi nodavlat sektor hissasiga to‘g‘ri keladi. Shuningdek, joriy yilda nashriyotlarning ishlab chiqarish quvvati o‘tgan yilga nisbatan ikki barobar oshib, 15 ming nomdagi 60 milliondan ortiq nusxada kitob nashr etilgan.
Davlat rahbari axborot oqimi ortib, dipfeyk texnologiyalari keng tarqalayotgan sharoitda ishonchli manbalarga tayanish muhim ahamiyat kasb etayotganini ta’kidladi. Shu bilan birga, qisqa vaqt ichida 10 ming nafar yoshni qamrab oladigan zamonaviy media-ta’lim tizimi shakllantirilgani qayd etildi.
Shavkat Mirziyoyev erkin va mas’uliyatli, xalqchil jurnalistikani davlat va jamiyat taraqqiyotining muhim sharti deb atab, jurnalistlarning huquq va manfaatlarini himoya qilish, ijtimoiy qo‘llab-quvvatlash, malakasini oshirish hamda mehnatini rag‘batlantirishga qaratilgan yangi chora-tadbirlar amalga oshirilishini bildirdi.
Shuningdek, prezident O‘zbekiston Jurnalistlar uyushmasi faoliyatini takomillashtirish, uning nufuzini oshirish va jurnalistlarni huquqiy hamda axborot-texnologik jihatdan qo‘llab-quvvatlash muhim vazifalardan biri ekanini ta’kidladi.
Tabrik so‘zi yakunida davlat rahbari kasb bayrami munosabati bilan davlat mukofotlariga sazovor bo‘lgan soha xodimlarini qutlab, barcha jurnalistlarga mustahkam sog‘liq, oilaviy baxt va ijodiy muvaffaqiyat tiladi.
Xorazm viloyatida jamoat transporti uchun to‘lovlar to‘liq elektron shaklga o‘tkaziladi. Bu haqda Transport vazirligi axborot xizmati xabar berdi.
Yangi tartib jamoat transportida ko‘rsatilayotgan xizmatlarning sifatini oshirish, to‘lovlar shaffofligini ta’minlash, sohaga raqamli texnologiyalarni keng joriy etish orqali yashirin iqtisodiyotni bartaraf etish, yo‘lkira haqini to‘lashda elektron to‘lov tizimlaridan foydalanishni rag‘batlantirish maqsadida joriy etilmoqda.
Elektron to‘lovga o‘tish ikki bosqichda amalga oshiriladi. Birinchi bosqich 2026 yil 1 iyuldan ShI-4, ShI-5, ShI-7, ShI-13, ShI-18, ShI-19 va ShI-28-sonli avtobus yo‘nalishlari hamda T1-sonli «Urganch shahri – Xiva shahri» trolleybus yo‘nalishini qamrab oladi.
Ikkinchi bosqichda qolgan avtobus hamda trolleybus yo‘nalishlarida belgilangan tartibda brutto-shartnomasi rasmiylashtirilgandan keyin yo‘lkira haqini to‘lashda naqd pulsiz to‘lov tizimi amaliyoti joriy etiladi va to‘lovlar faqat elektron tarzda qabul qilinishi yo‘lga qo‘yiladi.
2026-yil 1-aprel holatiga ko‘ra, O‘zbekistonda doimiy aholisi eng kam bo‘lgan hudud Navoiy viloyatidagi G‘ozg‘on shahri bo‘ldi. Milliy statistika qo‘mitasiga ko‘ra, bu yerda 9,5 ming nafar aholi istiqomat qiladi.
Top-10 talikdan Navoiy, Buxoro, Sirdaryo va Qoraqalpog‘iston Respublikasi hududlari o‘rin olgan.
Reytingning ikkinchi pog‘onasidan Navoiy viloyatining Tomdi tumani joy olgan. Bu yerda 15,3 ming nafar aholi yashaydi. Keyingi o‘rinda esa Sirdaryo viloyatidagi Shirin shahri qayd etilgan bo‘lib, uning aholisi 19,4 ming nafarni tashkil qiladi.
Shuningdek, Buxoro viloyatining Qorovulbozor tumanida 20,7 ming nafar, Qoraqalpog‘iston Respublikasining Bo‘zatov tumanida 21,8 ming nafar aholi istiqomat qiladi.
Ro‘yxatdan Jizzax viloyatidagi Yangiobod tumani ham o‘rin olgan. U yerda 30,6 ming nafar aholi yashaydi. Qoraqalpog‘istondagi Mo‘ynoq tumani aholisi esa 34,1 ming nafarni tashkil etgan.
Navoiy viloyatining Konimex tumanida 36,8 ming nafar, Qoraqalpog‘iston Respublikasining Taxtako‘pir tumanida 38,9 ming nafar aholi yashaydi. Reytingni Navoiy viloyatining Uchquduq tumani yakunlab, u yerda 39,9 ming nafar doimiy aholi qayd etilgan.
O‘zbekistonda ikki yilda 34 ta yirik turizm obyekti va 200 ta mehmonxona quriladi
Shavkat Mirziyoyev Gullar festivaliga tashrif buyurdi
Endi avtobus kutayotganda ham sport bilan shug‘ullanishingiz mumkin
-
Sport4 days ago🔴 LIVE: AQSh-Eron muzokaralari va Starmer iste’fosi
-
Siyosat5 days agoPrezident Mirziyoyev Ozarbayjon elchisini oʻz nihoyasiga yetgan “Mehnat Shufrati” ordeni bilan taqdirladi
-
Iqtisodiyot5 days agoMurojaatlar bo‘yicha eng salbiy ko‘rsatkichga ega bo‘lgan banklar ro‘yxati e’lon qilindi
-
Siyosat4 days ago
O‘zbekiston uchun nimalar muhim? (video)
-
Dunyodan5 days ago
Eron Hurmuz bo‘g‘ozini yopishni rad etadi
-
Iqtisodiyot4 days ago
Octobank xalqaro hamkorlikni va global kapital bozorlariga kirishni kengaytirmoqda: TXIF-2026 natijalari
-
Jamiyat2 days ago«Andijon polkasi» tadbiriga ketayotgan o‘quvchilar YTHga uchradi
-
Jamiyat5 days agoO‘zbekistonda aholiga tegishli avtomobillar soni qariyb 5 millionga yetdi