Siyosat
MDH Hukumat rahbarlari majlisida ilm-fan, iqtisodiyot va xavfsizlik kelishuvlari imzolandi
MDH ilm-fan, raqamli iqtisodiyot, innovatsiya, sog‘liqni saqlash, xavfsizlik va moliya sohalarida hamkorlikni kuchaytiradi.
Minsk shahrida Mustaqil Davlatlar Hamdo‘stligi (MDH) Hukumat rahbarlari kengashi majlisida muhim hujjatlar imzolandi.
Kecha bo‘lib o‘tgan mazkur majlisda qator hujjatlar imzolandi, jumladan, quyidagilar:
2026–2035 yillarga mo‘ljallangan strategiya va hamkorlik qarorlari:
MDH ilmiy-texnologik rivojlanish strategiyasi
O‘rmon xo‘jaligi va o‘rmon sanoati sohasida hamkorlik yo‘nalishlari
Asosiy multimodal transport yo‘laklarini raqamlashtirish strategiyasi
Axborot jamiyati va raqamli iqtisodiyotni rivojlantirish hamkorlik strategiyasi hamda Harakatlar rejasi.
Iqtisodiy va innovatsion hamkorlik:
2030 yilgacha Iqtisodiy taraqqiyot strategiyasining ikkinchi bosqichi (2026–2030);
Davlatlararo dasturi doirasida subkontraktatsiya, vakolatlar va ilg‘or tajriba markazlari to‘g‘risidagi nizomlar.
Ijtimoiy va sog‘liqni saqlash sohasi:
2026 yil — MDHda Sog‘liqni saqlash yiliga tayyorgarlik va o‘tkazish chora-tadbirlari;
Kasalliklarning oldini olish va unga qarshi kurashish, yashur profilaktikasi, parranda grippi va Nyukasl kasalligiga qarshi qo‘shma harakatlar majmui;
2026–2030 yillarda mahalliy mojarolarda ishtirok etgan urush faxriylari va oila a’zolarining turmush sifatini oshirish dasturi;
Afg‘oniston urushida bedarak yo‘qolgan harbiy xizmatchilarni qidirish va qayta ko‘mish tadbirlari (2025–2029).
Xavfsizlik va mudofaa sohasi:
MDH davlatlarining havodan muhofaza qilish birlashgan tizimini yaratish va rivojlantirishga oid moliyalashtirish qarorlari.
Energetika va sanoat hamkorligi:
Atom energiyasidan tinch maqsadlarda foydalanish doimiy dasturining ikkinchi bosqichi (2026–2030);
Qurilish faoliyatida narxlarni shakllantirish konsepsiyasi va chora-tadbirlar rejasi;
Chigirtka zarar yetkazuvchilar rivojlanishining oldini olish bo‘yicha hamkorlik to‘g‘risida bitim.
Moliya va tashkiliy masalalar:
2024 yil budjeti ijrosi, 2025–2026 yillarga moliyaviy ta’minlash masalalari;
2026 yil uchun yagona budjet hamda ulush badallari miqdorlarini o‘zgartirish.
Bugun, 25-sentyabr kuni O‘zbekiston Prezidenti Shavkat Mirziyoyev Xitoy Xalqaro madaniy kommunikatsiya markazi raisi Long Yuysyan va Gonkongning «JDB Group» kompaniyasi asoschisi Chan Xuntoni qabul qildi. Bu haqda Prezident matbuot xizmati xabar berdi.
Qayd etilishicha, O‘zbekiston bilan Xitoy o‘rtasidagi barcha sharoitlarda har tomonlama strategik sheriklik munosabatlarini yanada chuqurlashtirish va madaniy-gumanitar aloqalarni mustahkamlash masalalari ko‘rib chiqildi.
Markaz O‘zbekistonning Xitoy bilan ko‘p qirrali hamkorligini mustahkamlashga katta hissa qo‘shib kelayotgani qayd etildi. Birgalikda infratuzilmani rivojlantirish, investitsiyalar va «yashil» sanoat sohalarida qator loyihalar amalga oshirildi.
«JDB Group» kompaniyasining O‘zbekistondagi faoliyatining ustuvor yo‘nalishlari sifatida zamonaviy shahar, transport va sanoat infratuzilmasini rivojlantirish hamda geologiya sohasi belgilandi.
Uchrashuv yakunida mazkur kompaniya ishtirokida amalga oshirilayotgan va yangi loyihalarni jadallashtirish yuzasidan kelishuvga erishildi.
Siyosat
Saida Mirziyoyeva Diyene Keyta bilan demografik barqarorlik va inson kapitali bo‘yicha hamkorlikni muhokama qildi
O‘zbekiston Respublikasi Prezidenti Administratsiyasi rahbari Saida Mirziyoyeva BMT Bosh kotibi o‘rinbosari, BMT Aholishunoslik jamg‘armasi (UNFPA) ijrochi direktori Diyene Keyta bilan uchrashdi.
Muloqotda demografik barqarorlik, inson kapitali va aholi farovonligini ta’minlash bo‘yicha hamkorlikni yanada rivojlantirish masalalari muhokama qilindi.
Saida Mirziyoyeva O‘zbekistonning asosiy kapitali yosh avlod ekanini ta’kidladi. U demografik salohiyatni kelgusida dividend manbaiga aylantirish uchun inson, ayniqsa, ayollar va bolalarning salomatligi, ta’limi hamda xavfsizligiga investitsiya kiritish zarurligini bildirdi.
Saida Mirziyoyeva o‘zining Telegram kanalida demografik prognozlash tizimini yo‘lga qo‘yilayotganini ma’lum qildi. Shuningdek, «Demografik dividend — 2050» strategiyasini ishlab chiqish rejalashtirilayotganini aytdi.
Tomonlar demografik barqarorlikni faqat aholi soni bilan bog‘liq masala sifatida emas, balki ta’lim, sog‘liqni saqlash, bandlik, ijtimoiy himoya va oilalarni qo‘llab-quvvatlashni qamrab oladigan uzoq muddatli taraqqiyot masalasi sifatida ko‘rish zarurligini ta’kidladi.
Shuningdek, demografik ma’lumotlar va tahliliy prognozlar asosida qarorlar qabul qilish hamda inson kapitali va ijtimoiy xizmatlarga investitsiyalarni kuchaytirish bo‘yicha xalqaro hamkorlikni rivojlantirish masalalari muhokama qilindi.
Muloqotda aholining farovonligini oshirish va demografik jarayonlarni samarali boshqarishda ma’lumotlar hamda prognozlarning ahamiyatiga e’tibor qaratildi.
Prezident administratsiyasi rahbari Saida Mirziyoyeva Nyu-Yorkda «BlackRock» rahbariyati bilan uchrashdi.
Unda kompaniya prezidenti Robert Kapito, vitse-rais Tomas Donilon, «Global Infrastructure Partners» raisi va bosh ijrochi direktori Adebayo Ogunlesi, Moliyaviy va strategik investorlar guruhi global rahbari hamda kompaniyaning Yaqin Sharq mintaqasi bo‘yicha rahbari Charlz Hatami qatnashdi.
Muloqot davomida 2027-yilda Toshkent xalqaro moliya markazi faoliyatini yo‘lga qo‘yish masalasini muhokama qilindi. «BlackRock» ushbu Markaz konsepsiyasi va tuzilmasini ishlab chiqishda ko‘maklashmoqda.
AQSh ishbilarmon doiralari vakillari ishtirokidagi qo‘shma davra suhbatida O‘zbekiston hamda mintaqamizning yaqin o‘n yilliklarga mo‘ljallangan rivojlanish istiqbollari yuzasidan fikr almashildi.
O‘zbekiston yirik, samarali, sifatli sarmoyalar uchun yangi imkoniyatlar maydoniga aylanmoqda, dedi Saida Mirziyoyeva.
Mudofaa vaziriga ikki o‘rinbosar tayinlandi. Bu haqda vazirlik matbuot xizmati xabar berdi.
Jumladan, Prezidentning tegishli qaroriga muvofiq, polkovnik Zoidov Qahramonjon Obidjonovich O‘zbekiston mudofaa vazirining qurollanish va qurollantirish bo‘yicha o‘rinbosari lavozimiga tayinlandi.
Adliya polkovnigi Muratov Jahongir Dilshatovich vazirning komplayens va korrupsiyaga qarshi ichki nazorat bo‘yicha o‘rinbosari lavozimiga tayinlandi.
Prezident Shavkat Mirziyoyev Andijon viloyatiga tashrif buyuradi.
Ikki kunlik safar dasturidan hududning sanoat va investitsiya salohiyati, energetika, qishloq xo‘jaligi, transport, turizm va boshqa sohalardagi loyihalar bilan tanishish o‘rin olgan. Davlatimiz rahbari mahallalardagi bunyodkorlik ishlarini ham ko‘zdan kechiradi. Qator yangi quvvatlarni ishga tushirish va istiqbolli loyihalar qurilishini boshlash ko‘zda tutilgan.
Shuningdek, Andijon viloyatini yanada rivojlantirishning ustuvor yo‘nalishlari muhokamasiga bag‘ishlangan yig‘ilish bo‘lib o‘tadi.
O‘zbekiston do‘konlarida 73 turdagi mahsulot sifatsiz deb topildi
Tadbirkorlar jarimaning 50 foizini to‘lab, qolgan qismidan ozod etilishi mumkin
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Iqtisodiyot4 days ago
Saida Mirziyoyeva Gonkongning Henderson Land Group xoldingi boshqaruvi raisi bilan uchrashdi
-
Jamiyat4 days ago
Toshkentda xalqaro moda akademiyasi tashkil etiladi
-
Iqtisodiyot1 day ago
O‘zbekiston «Wabtec» kompaniyasi bilan lokomotivlar parkini yangilashni muhokama qildi
-
Jamiyat23 hours ago
Tadbirkorlar jarimaning 50 foizini to‘lab, qolgan qismidan ozod etilishi mumkin
-
Jamiyat22 hours ago
O‘zbekiston do‘konlarida 73 turdagi mahsulot sifatsiz deb topildi