Dunyodan
90 yoshli o’qituvchi Ginnesning rekordlar kitobiga kirdi
AQShning Michigan shtatida yashovchi 90 yoshli ingliz tili o‘qituvchisi Beverli Xannet Prays uzoq va samarali faoliyati uchun Ginnesning rekordlar kitobiga kiritildi.
Ginnesning rasmiy veb-saytiga ko’ra, Xannet Prays 67 yilu 142 kun davomida o’qituvchilik qilgan.
Bu tajribali o‘qituvchi o‘z faoliyatini 1958-yilda boshlagan. Uning minglab shogirdlari orasida dunyoga mashhur insonlar, jumladan marhum aktyor Robin Uilyams va Microsoft kompaniyasining sobiq bosh direktori Stiv Balmer ham bor.
Beverli Xannett Prays Michigandagi Detroit Country Day maktabida dars berishda davom etmoqda, biroq nafaqaga chiqishni rejalashtirmayapti.