Jamiyat
81-sonli avtobus harakati qayta tiklandi
2025 yil 9 noyabrdan boshlab 81-sonli avtobus yo‘nalishi Shota Rustaveli ko‘chasidagi markaziy avtobus yo‘lagi (BRT) orqali harakatni qayta tikladi. BRT bo‘ylab harakatlanayotgan avtobuslarga ustuvorlik berilishi shart.
Toshkent shahar transport va yo‘l-transport infratuzilmasini rivojlantirish bosh boshqarmasi ma’lum qilishicha, Shota Rustaveli ko‘chasida joylashgan BRT yo‘lagi orqali qatnov 81-sonli yo‘nalish uchun qayta yo‘lga qo‘yildi. Ushbu tartib barcha yo‘l harakati ishtirokchilaridan hamkorlik, ehtiyotkorlik va madaniyatli harakatni talab qiladi.
BRT — poytaxt transport tizimini zamonaviylashtirish, avtobuslar tezligi va jadval intizomini yaxshilashga qaratilgan muhim infratuzilma yechimidir. Avtobuslar uchun ajratilgan yo‘lakda ustuvorlikni ta’minlash yo‘lovchi tashish samaradorligini oshiradi.