Mahalliy
30 ta «begona» so‘zning o‘zbekcha muqobillari taklif qilinyapti (ro‘yxat)
Xorijiy atamalarni o‘zbekcha muqobillariga almashtirish bo‘yicha jamoatchilik yuborgan takliflar O‘zbekiston Respublikasi Atamalar komissiyasining ishchi kengashi – O‘zbekiston Fanlar akademiyasi O‘zbek tili, adabiyoti va folklori instituti olimlari tomonidan ko‘rib chiqildi.
Ular hozircha 30 ta atamaning o‘zbekcha muqobilini taklif etmoqda:
Aysberg — Muztog‘
Bruschatka — Yo‘lg‘isht
Diskussiya — Bahs, munozara
Zona — Hudud
Instrument — Ish quroli
Intensiv — Jadal
Kamera — Bo‘lma
Konstruksiya — Tuzilma
Koordinator — Muvofiqlashtiruvchi
Koridor — Yo‘lak
Lider — Yo‘lboshchi, yetakchi
Marshrut — Yo‘nalish
Progress, progressiv — Ilg‘or, rivojlanish
Dostavka — Yetkazish
Probeg — Yurim
Set (ovqatlar seti bo‘yicha) — To‘plam
Oprava — Ko‘zoynak bandi
Polik — To‘shama
Balansirovka — Muvozanatlashtirish
Vnedorojnik — Yo‘ltanlamas
Chelenj — Chorlov
Navigator — Yo‘llagich
Selfi — O‘zchekim
Svetofor — Yo‘lchiroq
Ekspluatatsiya — Foydalanish
Aksiya — Yalpi harakat
Kuler — Suvlik
Keshbek — Hadya-qaytim
Poverbank — Kuchlantirgich
Karving — Meva bezakchiligi
Ta’kidlanishicha, bu yakuniy variant emas, ishchi organ taqdim etilayotgan atamalarning milliy muqobillari bo‘yicha boshqa fikr va mulohazalarni ham eshitishga tayyor.