Sport
«Челси» — Конференциялар лигаси ғолиби!
«Челси» Конференциялар лигаси чемпиони
Полшанинг Вроцлав шаҳрида 29 майга ўтар кечасида Европа Конференциялар лигаси финалида «Челси» (Англия) «Бетис» (Испания)ни 4:1 ҳисобида мағлубиятга учратди.
Ўйинда ҳисоб 9-дақиқада «Бетис» вингери Абде Эззалзули томонидан очилди.
66-дақиқада лондонликлар яримҳимоячиси Энцо мувозанатни тиклади. 70-дақиқада Жексон «Челси»ни ҳисобда олдинга олиб чиқди. Захирадан ўйинга қўшилган Жейдон Санчо 83-дақиқада орадаги фарқни янада оширди. 90+1-дақиқада Кайседо ўйинга нуқта қўйди — 4:1.
Энцо Мареска бошчилигидаги «Челси» Конференциялар лигаси ғолиби бўлиб, Европа миқёсидаги барча мусобақаларда зафар қучган илк клубга айланди.
Конференциялар лигаси. Финал
«Бетис» — «Челси» 1:4
Голлар: Эззалзули 9 — Энцо 66, Жексон 70, Санчо 83, Кайседо 90+1.
«Бетис»: Адриан, Сабали, Бартра, Натан, Родригес (Перро 46), Форналс, Кардозо, Антони, Иско, Эззалзули (Х.Родригес 53), Бакамбу (Руибал 72).
«Челси»: Йоргенсен, Гюсто (Жеймс 46), Чалоба, Бадиашил (Колвил 61), Кукурелия, Энцо, Кайседо, Нету (Санчо 61), Мадуэке, Палмер (Гуи 87), Жексон (Дюсбери-Ҳолл 80).