Sport
«Real» «Barsa»ga yetib oldi, «Roma»da g‘alabali seriya. Kun o‘yinlari
Yakshanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: Palmer endi ideal emas
«Chelsi» — «Lester» 1:0
Gol: Kukurelya (60).
Aniq ijro etilmagan penalti: Palmer (22).
«Chelsi» — Sanches, Fofana (Chaloba, 73), Adarabioyo, Koluill, Kukurelya, Kaysedo, Fernandes, Netu, Palmer (Jorj, 77), Sancho, Nkunku (Achimpong, 89).
«Lester» — Hermansen, Jastin (Pereyra, 84), Fas, Koudi, Kristiansen (Rid, 83), Al Hannus (Buonanotte, 78), Ndidi, Sumare (Uinks, 66), Tomas, Vardi, Daka (Mavididi, 84).
Har qanday ish qachondir ilk bor sodir bo‘ladi. Ba’zida hammasi shunchalik mos keladiki, ashaddiy skeptiklar ham raqamlar sehriga ishonib yuborishi mumkin. «Chelsi» yulduzi Palmer yakshanba oqshomigacha APLda aniq ijro etilgan penaltilar bo‘yicha eng yaxshi seriyani qayd etib turgandi. Ushbu havbek qatorasiga 12 urinishdan benuqson foydalangandi, ammo 13-urinishda xato qilib, Hermansenga duelni boy berdi. Natijada ko‘klar jamoasi bu oqshom o‘z safidan boshqa qahramonni izlashiga to‘g‘ri keldi va bu Kukurelya bo‘lib chiqdi. Ispaniyalik himoyachi o‘yinning bir soati ortda qolayotganida raqib jarima maydoni yaqinida to‘pni qabul qilib olib, uzoq burchakka yerlatib ideal zarba yo‘lladi va «Chelsi»ni kuchli to‘rtlikka olib chiqdi, londonliklar «Manchester Siti»ni quvib o‘tdi.
«Manchester Yunayted» — «Arsenal» 1:1
Gollar: Fernandesh (45+2) — Rays (74).
«Manchester Yunayted» — Onana, Mazraui, De Ligt, Lindelyof, Yoro (Heven, 46), Dalot, Kazemiro, Eriksen (Kolliyer, 76), Fernandesh, Garnacho, Zirkze (Hoylund, 76).
«Arsenal» — Rayya, Saliba, Gabriel, Timber, Kalafiori (Lyuis-Skelli, 59), Rays, Parti (Tirni, 76), Merino, Edegor, Trossar, Nvaneri (Martinelli, 59).
Ogohlantirish: Trossar (45+1).
APLda «MYu»ning «Arsenal»ga qarshi o‘yini doimo turning markaziy o‘yini, shuningdek, ingliz futboli klassikasi. Mezbonlar inqiroz holatida ekaniga qaramay, bu mavsumda kuchli raqiblarga qarshi butunlay boshqacha o‘ynamoqda, bu safar ham istisno qilinmadi.
O‘yinning dastlabki qismi mankunianlar uchun oson kechmadi. «Arsenal» tashabbusni qo‘liga oldi va «MYu»ni jarima maydoniga qamab qo‘ya boshladi va markaziy hujumchi Zirkzeye ham o‘z jamoasi jarima maydoni ichida ham himoyalanishga majbur bo‘ldi.
Faqat mehmonlarning hujumlari samarasiz yakunlandi, uzoq masofadan berilgan zarbalar xavfsiz chiqdi, «Arsenal»ning burchak zarbalari esa umuman ishlamayapti. Jamoa hujum chizig‘idagi jarohatlar bilinmoqda va birinchi bo‘lim davomida kameralar bir necha marta endigina jarohatdan tuzalgan Martinelliga qaratildi. Bo‘limga qo‘shib berilgan daqiqalarda esa mezbonlardagi ilk xavfli vaziyat gol bilan yakunlandi.
Garnacho jarima zarbasi ishladi, Bruno darvozani aniq nishonga oldi. To‘p to‘qqizlikka borgani yo‘q, biroq Rayya baribir unga yetib borolmadi. U jonli devordagilarga ishonib, narigi burchakka juda yaqin turib oldi va juda kech reaksiya ko‘rsatdi. Translatsiyada hakam jonli devorni to‘p turgan nuqtadan 11,2 yard masofaga o‘rnatgani aks etgan grafik ko‘rsatildi, qoidaga ko‘ra masofa 10 yard (9,15 metr) bo‘lishi kerak edi.
Tanaffusda «MYu» majburiy o‘zgarish qildi. 19 yoshli Yoro jarohat tufayli ikkinchi bo‘limga qaytmadi, uning o‘rniga himoya markazida 18 yoshli Heven paydo bo‘ldi. Bunday vaziyatda «Arsenal»da gol urish uchun imkoniyat ortadigandek tuyulgandi, ammo «MYu» ikkinchi bo‘limda hujumkorlikni oshirdi va ketma-ket vaziyatlarga ega bo‘ldi. Avvaliga Mazraviy taxminan yetti metr masofadan, keyin esa Zirkze darvozabon hududidan zarba berdi. Har ikki holatda ham Rayya aybini yuvib, jamoasini gollardan saqlab qoldi.
«Arsenal» qiyin daqiqalardan o‘tib oldi va ikkinchi bo‘lim o‘rtalarida hisobi tenglashtirdi. Timber o‘ng qanotdan reyd uyushtirib, Raysni to‘p bilan ta’minladi. Angliyalik yarimhimoyachi esa jarima maydoniga kirish qismidan kuchli zarba yo‘llab, Onanaga imkoniyat qoldirmadi.
Oxirgi daqiqalar ham shiddatli kechdi. Jarohat tufayli ikki oy o‘ynay olmagan Martinelli maydonga tushishi mehmonlar o‘yinini jonlantirdi, lekin braziliyalik vinger yakkama-yakka vaziyatdan gol ura olmadi. Shundan so‘ng Hoylund kamida ikkita qulay imkoniyatni ko‘kka sovurdi. Ikkinchi vaziyatda daniyalik hujumchi zarba berishni kechiktirib yubordi va Rays to‘pni uning oyoqlari orasidan olib qo‘ydi.
90+3-daqiqada esa Rayya yana o‘zini ko‘rsatib, bir hujumda ikkita seyv amalga oshirdi va jamoasini mag‘lubiyatdan qutqarib qoldi.
1:1 hisobidagi durangdan keyin «Arsenal»da «Liverpul»ni quvib yetish imkoniyatini nolga yaqinlashishda davom etdi — endi oradagi farq 15 ochkoni tashkil etmoqda (bitta zaxira o‘yini bor). «MYu» esa hech bo‘lmaganda turnir jadvalining birinchi yarmiga qaytishga urinmoqda.
Ispaniya: «Atletiko»ni o‘z quroli bilan urishdi
«Xetafe» — «Atletiko» 2:1
Gollar: Arambarri (88, 90+2) — Syorlot (75, penalti).
«Xetafe» — Soria, Jyene, Duarte, Alderete, Riko, Terrats, Milya (Xuanmi, 88), Arambarri, Gomes (Bernat, 68), Uche, Rodriges (Mayoral, 62).
«Atletiko» — Oblak, Molina (Lemar, 58), Le Norman, Langle, Galan, Simeone, Lorente, De Paul (Barrios, 46), Lino (Korrea, 46), Grizmann (Gallaher, 68), Alvares (Syorlot, 58).
Ogohlantirishlar: Alderete (40), Duarte (40), Le Norman (40), Rodriges (57), Riko (74), Jyene (74), Syorlot (90+8), Xuanmi (90+11).
Chetlatish: Korrea (88).
«Xetafe» eng yulduzli hujum chizig‘iga ham o‘yin bermasligi mumkin. «Real» va «Barselona» futbolchilari buni o‘z tanalarida his qilishgan. Ammo Xose Bordalas jamoasini Supermen bilan taqqoslasak, uning o‘z kriptoniti bor. Uning nomi — «Atletiko». «Matraschilar» la ligada ushbu jamoaga qarshi 24 ta mag‘lubiyatsiz o‘yin (+20=4) o‘tkazgan, barcha turnirlar qo‘shib hisoblanganda esa bunday seriya 27 o‘yinga yetadi — bu Simeone jamoasining bir raqibga qarshi rekord seriyalari. Biroq yakshanba kuni «Xetafe» muxlislari o‘n to‘rt yil davomida ko‘rmagan voqea sodir bo‘ldi va Bordalas o‘n beshinchi urinishda — uchta durang va o‘n bitta mag‘lubiyatdan so‘ng — birinchi marta Diyego Simeoneni mag‘lub etdi. Ustiga-ustak, argentinalik mutaxassisning o‘ziga xos uslubida!
O‘yinning 75 daqiqasigacha muxlislar Ispaniya chempionatiga xos zerikarli o‘yinni tomosha qilishdi. Keyin esa haqiqiy drama ro‘y berdi. Mezbonlar darvozasiga penalti qo‘yilishi zerikarli o‘yinni turning eng hissiyotli o‘yiniga aylantirdi. Avvaliga VAR darvozabon Soriyaning Le Norman bilan to‘qnashuv paytidagi ehtimoliy qoidabuzarligini o‘rganayotgandek tuyulgandi. Keyin esa bu to‘qnashuvning hech qanday ahamiyati yo‘qligi, chunki darvoza tomon uchib kelayotgan to‘p Alderetaning qo‘liga tekkani ma’lum bo‘ldi. «Xetafe» uchun alamli va achinarli bo‘lgan 11 metrli jarima zarbasini Yevropada mavsumning eng yaxshi jokeri amalga oshirdi — Serlot zaxiradan tushgan o‘yinlarida yettinchi golini urdi.
Odatda bunday o‘yinlarda «Atletiko» uch ochkoni qo‘ldan chiqarmaydi, ammo yana VAR barchasini 180 darajaga o‘zgartirib yubordi, asosiy vaqt yakunlanishiga ikki daqiqa qolganida monitorga yaqinlashgan arbitr Korreani maydondan chetlatdi. Argentinalik vinger to‘pga intilib, butsasining ostki qismi bilan raqibning oyog‘iga zarba bergandi, bu ochiqchasiga qo‘pollik bo‘lib ko‘rinmagan bo‘lsa-da, hakam o‘yin taqdirini o‘zgartirib yuboradigan qarorni qabul qilishdi. Mehmonlar maydonda nimalar bo‘layotganini anglashga ulgurmasdan Arambarri hisobni tenglashtirdi. Qo‘shimcha daqiqalarda esa aynan u Rikoning uzoq masofadan yo‘llagan zarbasi yo‘nalishini o‘zgartirdi. 29 yoshli urugvaylik aqlbovar qilmas mavsum o‘tkazmoqda — u bungacha Ispaniya chempionatidagi yetti yilda jami 6 gol urgandi, joriy mavsum tugamasidan esa sakkiz gol urishga ulgurdi. Tayanch yarimhimoyachisi uchun bu haqiqiy anomaliya. «Atletiko» uchun — alamli yakun, jamoa bu turdagi o‘yini qoldirilgan «Barselona»ni quvib o‘tib, birinchi o‘ringa ko‘tarilish imkoniyatidan foydalana olmadi.
«Real» — «Rayo Valekano» 2:1
Gollar: Mbappe (30), Vinisius (34) — Dias (45+2).
«Real» — Lunin, Vaskes, Asensio, Alaba, Garsiya, Modrich, Chuameni, Rodrigo (Valverde, 68), Bellinghem (Dias, 86), Vinisius, Mbappe (Kamavinga, 79).
«Rayo Valekano» — Batalya, Ratsiu, Lejyen, Ernandes, Pacha (Gvardiola, 84), Dias (Balliu, 70), Siss (Lopes, 85), Embarba (Valentin, 70), Gumbau (Trexo, 70), Chavarriya, Garsiya.
Ogohlantirishlar: Gumbau (63), Vinisius (79), Chuameni (85), Modrich (90+3).
«Real» ham bu turda statistik jihatdan qulay raqib bilan to‘qnash keldi, madridliklar bu raqibga qarshi «Santyago Bernabeu»da qatorasiga o‘n besh o‘yinda yutqazmagan. Qaymoqranglilarga ham oson bo‘lmadi, ammo «Atletiko»dan farqli o‘laroq, Karlo Anchelotti jamoasi kerakli natijaga erishdi. Holbuki jamoa o‘z uyida juda yomon statistika qayd etib, umumiy zarbalar soni bo‘yicha ham (10-20), darvoza sohasiga to‘g‘ri borgan zarbalar soni bo‘yicha ham (5-6) va to‘p nazorati bo‘yicha ham (46 ga 54) ortda qolgandi. Ammo mehmonlar o‘z imkoniyatlaridan faqat bitta gol urishdi, Pedro Dias birinchi bo‘limga qo‘shib berilgan daqiqalarda yo‘llagan kuchli zarbadan keyin to‘p avval to‘singa bordi, keyin esa darvoza chizig‘ini kesib o‘tib, yana tashqariga qaytib chiqdi, gol VAR orqali inobatga olindi.
Lekin bungacha «Qirollik klubi» hujum chizig‘i yulduzlari bir martadan o‘z nomini tabloga yozdirib qo‘yishgandi. Mbappe qanotda Vinisius Juniordan pas qabul qilib olib, katta tezlikda jarima maydoniga kirib bordi va himoyachini ortda qoldirib, to‘pni olis burchakka aniq yo‘lladi. Bir necha daqiqa o‘tib esa braziliyalik vingerning o‘zi shu qanotda raqiblarni yosh bolalarcha dog‘da qoldirdi. U avvaliga to‘pni jarima maydoniga olib kirib, keyin yana qanotga olib ketdi, keyin yana ikki himoyachi orasidan o‘tib jarima maydoniga kirdi va finti bilan himoyachining boshini aylantirib tashlab, to‘pni burchakka yo‘naltirdi. Ikkinchi bo‘limda «Real» g‘alabali hisobni ushlab qoldi va ochkolar soni bo‘yicha «Barselona»ga yetib oldi. Keyingi turda esa «Atletiko» va «Barsa»ning o‘zaro o‘yini natijasiga ko‘ra yaqqol peshqadamga aylanib olishi ham mumkin.
Italiya: «Napoli» «Inter»ni uzoqlashtirmayapti
«Napoli» — «Fiorentina» 2:1
Gollar: Lukaku (26), Raspadori (60) — Gudmundsson (66)
«Napoli» — Meret, Di Lorenso, Rrahmani, Buonjorno, Politano (Olivera 82), Lobotka, Gilmor, Maktominey (Billing 86), Spinatssola (Jyezus 90+1), Lukaku, Raspadori (Simeone 87) «Fiorentina» — De Xea, Komutsso (Moreno 74), Mari, Raniyeri (Pongrachich 59), Dodo, Kataldi (Beltran 82), Fajoli, Ndur, Parizi (Gozens 58), Gudmundsson, Ken
Ogohlantirishlar: Buonjorno (48), Gudmundsson (64), Pongrachich (88).
Besh turdan beri g‘alaba qozona olmayotgan «Napoli» (=4-1) 25-yanvardan beri ilk g‘alabasini qo‘lga kiritdi va «Inter»ning oldinga chiqib ketishiga yo‘l qo‘ymadi. Neapolliklar skudetto uchun kurashda davom etmoqda va amaldagi chempiondan atigi 1 ochko ortda qolmoqda. Antonio Kontening baxtiga Lukaku o‘z vaqtida uyg‘ondi va mavsumdagi o‘ninchi golini urdi, u o‘n ikkinchi marta kuchli beshlik ligalarida ikki xonali ko‘rsatkichga erishmoqda. Bu birinchi bo‘lim o‘rtalarida markazga siljigan Maktominay uzoq masofadan yo‘llagan zarbadan keyin De Xea to‘pni belgiyalik forvardning oyog‘iga tashlab berishidan keyin ro‘y berdi. Ikkinchi bo‘limda esa Lukaku o‘z uslubida to‘pni gavdasi bilan to‘sgan holda jarima maydoniga golli uzatma amalga oshirdi. «Fiorentina» tezda Moyze Kin va Gudmundssonning kombinatsiyasi bilan hisobni qisqartirdi, ammo mehmonlarning bundan ortig‘iga kuchi yetmadi.
«Empoli» — «Roma» 0:1
Gol: Soule (1).
«Empoli» — Silvestri, Goglichidze (Kampaniyello, 87), Marianuchchi, De Shilio (Sambiya, 46), Gyasi, Grassi, Henderson (Kovalenko, 67), Pesselya, Espozito (Konate, 67), Kakache, Kolombo (Kuame, 46).
«Roma» — Svilar, Nelsson, Hummels, Ndika, Abdulhamid (Rench, 65), Kone, Paredes (Kristante, 65), Saloh-Eddin (Anxelino, 65), Soule (Baldanzi, 81), Pellegrini, Shomurodov (Dovbik, 72).
Mavsumning birinchi qismida ikki bosh murabbiyni ishdan bo‘shatgan «Roma» turnir jadvalining ikkinchi qismidan chiqa olmay qolgandi, keyin esa Klaudio Raniyeri keldi va barchasini joy-joyiga qo‘ya boshladi. 73 yoshli mutaxassis qadrdon jamoasi chorlovidan keyin pensiyaga chiqish haqida unutdi, uni «bo‘rilar» o‘n ikkinchi o‘ringa mixlangani ham, o‘n ikki turda atigi o‘n uch ochko jamg‘arilgani ham to‘xtata olmadi. Noyabrdan buyon Raniyeri boshqaruvida rimliklar 33 ochko jamg‘arishdi.
Aynan ushbu mutaxassis davrida o‘zbekistonlik hujumchi Eldor Shomurodov ham asosiy tarkibga qaytdi va jamoasi g‘alabalariga hissa qo‘shib kelmoqda. Yakshanba kuni «Empoli»ga qarshi o‘yinda Shomurodov boshlab bergan hujumda Soulening 22-soniyadayoq urgan goli g‘alaba uchun yetarli bo‘ldi. Opta kompaniyasi A seriya statistikasini yuritishni boshlaganidan beri (2004/05 yillar mavsumi) bu «Roma»ning eng tezkor goli bo‘ldi. Bundan oldingi rekord 30-soniyada hisobni ochgan Franchesko Tottiga tegishli edi.
Qatorasiga besh g‘alabadan keyin (12 mag‘lubiyatsiz seriya) jamoa yevrokuboklarga yo‘llanma beruvchi oltinchi o‘rin bilan oradagi farqni to‘rt ochkoga qisqartirgan, «Fiorentina» va «Milan» esa ortda qoldirilgan.
«Yuventus» — «Atalanta» 0:4
Gollar: Retegi (29, penalti), De Ron (46), Dzappakosta (66), Lukman (77).
«Yuventus» — Di Gregorio, Vea (Kosta, 53), Gatti (Kalulu, 54), Kelli, Kambiyazo, Tyuram, Lokatelli, Yildiz (Kopmeyners, 46), Makkenni, Gonsales (Mbangula, 53), Kolo-Muani (Vlahovich, 75).
«Atalanta«» — Karnezekki, Jimsiti, Hin, Kolashinats (Toloy, 84), Bellanova, De Ron, Ederson (Pashalich, 80), Zappakosta, Kuadrado (Breshianini, 46), Retegi (de Ketelare, 61), Lukman (Samarjich, 80).
Ogohlantirishlar: Hin (41), Yildiz (44).
«Inter» (1:0) ustidan g‘alabani ham o‘z ichiga oluvchi besh o‘yinlik seriya «Yuventus»ning «Atalanta»ga qarshi o‘yini oldidan kutilmalarni haddan tashqari oshirib yuborgandi. Birinchi bo‘limda turinliklar munosib o‘yin ko‘rsatishdi, ammo juda alamli gol o‘tkazib yuborishdi. To‘p jarima maydoni ichida qo‘lga tegishi (Makkennining omadi kelmadi) – doim alamli. Shundan keyin mezbonlar tashabbusni to‘liq boy berishdi va tanaffusgacha yana bir necha gol o‘tkazib yuborishi mumkin edi. Faqat darvoza ustunlari yoki to‘sini va Di Gregorioning seyvlari jamoani o‘yinda saqlab turdi.
Faqat tanaffusda Tiagu Motta jamoasini o‘ziga keltira olmadi va «Atalanta» tezkorlik bilan ustunlikni ikki barobarga oshirdi. Darvozabonning navbatdagi seyvidan so‘ng de Ron darvozani ishg‘ol qildi. Dzappakosta ham o‘z nomini
tabloga yozdirib qo‘ygach, o‘yinda intriga qolmadi. Keyin esa Lukman hisobni sharmandali ko‘rinishga keltirdi. «Yuve» 1967 yil 22 oktyabrda «Torino» bilan derbidan beri o‘z uyida to‘rtta to‘p farqi bilan mag‘lub bo‘lmagandi. Endi dushanba kuni «Latsio» «Udineze» ustidan g‘alaba qozonsa, «keksa sinioralar» kuchli to‘rtlikni tark etishi mumkin.
Germaniya: «Ayntraxt» to‘xtamoqda
«Ayntraxt» — «Union» Berlin 1:2
Gollar: Batshuayi 13 – Kverfeld 62, Chjon Vu Yen 78
Aniq ijro etilmagan penalti: Ekitik 90+5
«Ayntraxt» — Trapp, Braun, Tuta, Kollinz, Kristensen, Xeylund, Larsson (Dina-Ebimbe, 79), Shaibi (Vai, 71), Uzun (Knauff, 79), Baoyya (Getse, 60), Batshuayi (Ekitik, 60)
«Union» Berlin — Rennov, Diogu Leyte, Kverfeld, Duki, Yuranovich, Tuzar (Shefer, 55), Hedira, Haberer (Chjon Vu Yen, 71), Trimmel (Rote, 71), Ilich (Lyubichich, 84), Skarke (Hollerbah, 55),
Bir kun oldin uchinchi o‘rindan ayrilgan «Ayntraxt» trenddan qolishmaslikka qaror qilgandek edi. Shanba kuni Chempionlar Ligasining barcha ishtirokchilari («Bavariya», «Bayyer» va «Borussiya» Dortmund) o‘z o‘yinlarida yutqazgandi, bir kun o‘tib esa ularni Germaniyaning Yevropa Ligasidagi so‘nggi vakili «qo‘llab-quvvatladi». Hatto Batshuayining Bundesligadagi birinchi gol ham yordam bermadi, chunki «burgutlar»ning qishda sotib olingan yangi futbolchisining goliga berlinliklar tanaffusdan keyin ikkita gol bilan javob berishdi. Frankfurtliklar bundesligada ketma-ket uchinchi marta mag‘lub bo‘lishdi: yaqindagina uchinchi o‘rinni egallab turgan jamoa mo‘jiza tufayli kuchli to‘rtlikda qolmoqda. Bunga bir kun avval ikki raqobatchi – «Frayburg» va «Leypsig» o‘zaro o‘yinni golsiz durang bilan yakunlagani yordam berdi.
«Siti» «Arsenal»ga yetib olmoqda, «Liverpul» ikki gol ustunligini saqlab qololmadi. Shanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: «Arsenal» yana «Villa»ga yutqazdi
«Aston Villa» – «Arsenal» 2:1
Gollar: Kesh, 36 (1:0). Trossar, 52 (1:1). Buendiya, 90+5 (2:1)
«Aston Villa»: Martines, Konsa, Pau Torres (Lindelef, 87), Matsen, Kesh (Buendiya, 87), Onana (Bogard, 75), Kamara, Tilemans, Rodjyers, Makginn (Sancho, 75), Uotkins (Malen, 66)
«Arsenal»: Rayya, Inkapiye, Timber, Kalafiori (Lyuis-Skelli, 86), Uayt, Subimendi, Rays, Edegor, Eze (Yokeresh, 46), Saka (Madueke, 79), Merino (Trossar, 46, Martinelli, 86)
Ogohlantirishlar: Kalafiori, 72. Saka, 74
«Arsenal» yozdan beri yutqazmay kelayotgandi, ammo bu turda jamoani Birminghemga qiyin safar kutatgandi. «Aston Villa» hozirda yuqori sport formasida, jamoa bosh murabbiyi Unai Emerining esa sobiq jamoasi «kanonirlar» bilan o‘z hisob-kitobi bor. Mehmonlar o‘yinni birinchi raqamda boshladi va xavfli vaziyatlar yaratdi, epizodlardan birida Emiliano Martines bor mahoratini ishga solishiga to‘g‘ri keldi, yana bir vaziyatda esa londonliklarning goli ofsayd tufayli bekor qildi. Ammo bu vaziyatlardan chiqib olgan mezbonlar hisobni ochishdi. Chap qanot himoyachisi qarama-qarshi qanotga uzatma berdi, o‘ng qanotda bo‘sh qoldirilgan himoyachi Kesh to‘pni Rayyaning oyoqlari orasidan o‘tkazdi.
Ikkinchi bo‘lim «Arsenal»dagi o‘zgarishlar bilan boshlandi. Merino va Eze o‘rniga Yokeresh hamda Trossar maydonga tushishdi. Bu mehmonlar hujumiga impuls qo‘shdi. Ikki futbolchida ham ketma-ket vaziyatlar yuzaga keldi va aynan belgiyalik vinger 59-daqiqada hisobni tenglashtirdi. Bu Trossar uchun APLdagi 50-golga aylandi, u joriy mavsumda «gol+pas» bo‘yicha 6+5 ko‘rsatkichini qayd etmoqda – bu esa rotatsiya futbolchisi uchun yomon natija emas.
«Arsenal» yana tashabbusni qo‘lga oldi va raqibni uzil-kesil taslim qilishga harakat qildi, ammo «Villa» yana raqib bosimidan chiqib keta oldi. Avvaliga Malen qulay vaziyatda aniq zarba bera olmadi, o‘yinga qo‘shib berilgan daqiqalar tugayotganida esa mehmonlar himoyachilari to‘pni jarima maydonidan uzoqlashtira olmadi va zaxiradan tushganiga ko‘p bo‘lmagan Buendiya g‘alaba golini urib ketdi – 2:1.
Bu «kanonirlar» uchun Mikel Arteta davrida «Villa»dan oltinchi mag‘lubiyat bo‘ldi. Jamoa uchun APLda bundan qiyinroq raqib faqat «Manchester Siti» (7 mag‘lubiyat). Shunday ekan, shanba kungi o‘yin natijasini sensatsiya deb bo‘lmaydi. Mavsum startidagi muvaffaqiyatsizlikdan keyin (g‘alabasiz to‘rt o‘yin) «Villa» o‘z o‘yinini topib oldi va kuchli uchlikka mustahkam o‘rnashib oldi (birinchi o‘rin bilan farq atigi 3 ochko).
«Manchester Siti» – «Sanderlend» 3:0
Gollar: Ruben Diash, 31 (1:0). Gvardiol, 35 (2:0). Foden, 65 (3:0)
«Manchester Siti»: Donnarumma, Ruben Diash, Gvardiol (Ake, 70), O`Rayli, Mateus Nunes, Gonsales, Foden (Reynders, 69), Bernardu Silva (Lyuis, 82), Doku, Sherki (Savio, 82), Holand (Marmush, 69)
«Sanderlend»: Rufs, Ballard, Gertreyda, Alderete, Hyum (O`Nayyen, 88), Mukiyele, Sadiki (Mandl, 72), Jaka (Adingra, 72), Le Fe, Traore (Talbi, 56), Izidor (Brobbi, 56)
Ogohlantirish: Gvardiol, 37
Chetlatish: O`Nayyen, 90
«Arsenal»ning mag‘lubiyati esa «Siti»ga qo‘l keldi. «Etihad»da mehmon bo‘lgan «Sanderlend» o‘z darvozasiga to‘g‘ri borgan dastlabki ikki zarbadan ikki gol o‘tkazib yubordi. Avvaliga Ruben Diash jarima maydoni tashqarisidan olis burchakni aniq nishonga oldi, bir necha daqiqa o‘tib Gvardiol Foden burchakdan oshirgan to‘pni boshda darvozaga yo‘lladi. Lekin bu mavsumda «Siti» bir necha bor 2:0 hisobida oldinda borgan o‘yinlarida ustunlikni qo‘ldan boy bergandi va muxlislar hali xotirjamlikka berila olmasdi.
Oldingi dam olish kunlarida ham «Lids»ga qarshi o‘yinda ikki to‘p farqi yo‘qqa chiqqan, faqat qo‘shimcha daqiqalarda g‘alaba goli urib ketilgandi (3:2), hafta o‘rtasida esa «Siti» «Fulhem» bilan o‘yinda to‘rt gol farqini boy berishiga sal qolgandi (5:4). Shanba kuni ham ikkinchi bo‘lim boshida mehmonlar hujumkorlikni oshirganida, «shaharliklar» muxlislari hayajonda o‘tirishiga to‘g‘ri keldi. Donnarumma Izidor bilan yakkama-yakka vaziyatda qutqardi, Jakaning jarima zarbasidan keyin to‘p ustunga tegdi. Holand esa maydonni golsiz tark etishiga to‘g‘ri keldi, ikkinchi bo‘limda uning zarbasidan keyin Gertrayda to‘pni chiziq ustida to‘xtatib qoldi. Faqat 65-daqiqada Sherkining rabona uslubidagi uzatmasidan keyin Foden bosh bilan aniq zarba yo‘llab, o‘yindagi intrigaga barham berdi.
Bu g‘alabadan keyin «Manchester Siti» turnir jadvalida «Aston Villa»ni quvib o‘tib, ikkinchi o‘ringa ko‘tarildi va «Arsenal» bilan oradagi farqni ikki ochkogacha qisqartirdi. APLda chempionlik poygasida intriga qizimoqda.
«Bornmut» – «Chelsi» 0:0
«Bornmut»: Petrovich, Senesi (Hill, 62), Diakite, Tryuffer, Smit, Skott, Taverniye, Klyuyvert (Bruks, 74), Semenyo, Ximenes (Adli, 74), Evanilson (Enes Yunal, 87)
«Chelsi»: Sanches, Chaloba, Fofana, Kukurelya, Gyusto, Fernandes, Jyeyms, Palmer (Joao Pedro, 58), Garnacho (Estevao, 77), Pedru Netu, Delap (Giu, 32)
Ogohlantirishlar: Giu, 85. Pedru Netu, 90
Chempionlik poygasidagi yana bir jamoa «Chelsi» esa «Arsenal»ning qoqilishidan foydalana olmadi. Enso Mareska shogirdlari «Bornmut» maydonida golsiz durang qayd etishdi va endi yakshanba kuni «Kristal Pelas» «Fulhem»ni mag‘lub etadigan bo‘lsa, tur yakunlariga ko‘ra kuchli to‘rtlikdan chiqib ketishi ham mumkin.
«Nyukasl Yunayted» – «Byornli» 2:1
Gollar: Gimarayns, 31 (1:0). Gordon, 45+8 – penalti (2:0). Flemming, 90+4 – penalti (2:1)
«Nyukasl Yunayted»: Ramsdeyl, Sher, Tshau, Bern (Holl, 63), Livramento, Gimarayns, Uillok (Mayli, 63), Remsi (Tonali, 90+6), Gordon (Joelinton, 74), Elanga, Voltemade (Vissa, 74)
«Byornli»: Dubravka, Estev, Ekdal (Edvards, 90+5), Lukas Pires, Uoker, Kallen, Florentinu (Loran, 65), Ugochukvu, Brun Larsen (Entoni, 86), Broyya (Flemming, 86), Foster (Uorrall, 46)
Ogohlantirishlar: Livramento, 52. Remsi, 90 – Uoker, 35. Loran, 89
Chetlatish: Lukas Pires, 43
Nyukasldagi o‘yinda hisobni ochgan Brunu Gimaraesning goli nafaqat turning, balki mavsumning eng chiroyli goli bo‘lishga da’vogarlik qiladi. U korner ijro etishda to‘pni aylantirib, darvozaning olis burchagiga joyladi. Bu APL tarixidagi yigirmanchi shunday gol urilishi bo‘ldi, «qarg‘alar» uchun esa birinchisi. Birinchi bo‘lim oxirida «Byornli» bir kishi ozchilik bo‘lib qoldi va amalda o‘yin taqdiri hal bo‘ldi, Pires qizil kartochka olishdan tashqari, jamoasi darvozasiga penalti qo‘yilishiga sababchi bo‘ldi. Nuqtaga yaqinlashgan Gordon aniq zarba berdi. Ikkinchi bo‘limga qo‘shib berilgan daqiqalarda Flemming 11 metrdan urgan gol esa amalda hech narsani o‘zgartira olmadi.
«Tottenhem» – «Brentford» 2:0
Gollar: Risharlison, 25 (1:0). Simons, 43 (2:0)
«Tottenhem»: Vikario, Romero (Danso, 81), van de Ven, Spens, Porro, Grey, Bentankur (Palinya, 65), Simons, Risharlison, Quddus (Sarr, 80), Kolo Muani (Odober, 74)
«Brentford»: Kelleher, van der Berg, Kollinz, Ayyer (Henri, 46), Kayode (Hiki, 76), Henderson, Yarmolyuk (Yanelt, 76), Damsgor (Yyensen, 61), Uattara (Lyuis-Potter, 88), Shade, Tiago
Ogohlantirishlar: Romero, 31. Porro, 47. Grey, 77 – Kayode, 28. Ayyer, 45. Shade, 60. Yarmolyuk, 72
«Tottenhem» nihoyat chempionatda ilk bor uy o‘yinida g‘alaba qozonib, muxlislarini xursand qildi, «shporlar»ning birinchi bo‘limdagi asosiy dvigateli Simons bo‘ldi. Niderlandiyalik yarimhimoyachi avvaliga hisobni ochgan Risharlisonga assistentlik qildi, keyin esa o‘zi himoyachilardan qochib ketib, APLdagi ilk golini urdi. Agar hafta o‘rtasida Nyukaslda qayd etilgan irodali durang hisobga olinsa, aytish mumkinki, Tomas Frank shogirdlari inqirozdan chiqmoqda. Bu savolga aniq javobni yaqin turlarda bilib olish mumkin, hozircha esa londonliklar, xuddi «Nyukasl» kabi top-4 dan uch ochkolik masofada bormoqda.
«Lids» – «Liverpul» 3:3
Gollar: Ekitike, 48 (0:1). Ekitike, 50 (0:2). Kalvert-Lyuin, 73 – penalti (1:2). Shtah, 75 (2:2). Soboslai, 80 (2:3). Tanaka, 90+6 (3:3)
«Lids»: Perri, Biyol (Aaronson, 65), Streyk, Rodon, Ampadu (Piru, 87), Shtah, Gruyev (Tanaka, 65), Gudmundsson, Bogl (Bornau, 90+3), Kalvert-Lyuin, Okafor (Nionto, 65)
«Liverpul»: Alisson, van Deyk, Konate, Kerkez, Bredli (Gomes, 68), Jons, Gravenberh, Virs (Makallister, 68), Gakpo (Endo, 83), Soboslai, Ekitike (Isak, 84)
Ogohlantirishlar: Bogl, 20. Gudmundsson, 26. Streyk, 89 – Bredli, 45. van Deyk, 81. Gomes, 90
Saloh qatorasiga uchinchi bor zaxira o‘rindig‘ida qoldirildi. Arne Slot yana shunday yurishga qo‘l urdi va translatsiya rejissyori «Liverpul» yana birinchi bo‘limda gol ura olmaganidan keyin misrlik hujumchini yirik planda namoyish etdi. Ammo ikkinchi bo‘lim mehmonlarning gollari bilan boshlandi, Ekitike «Lids» himoyachilarining qo‘pol xatosidan foydalanib ketdi. Birinchi holatda fransuz hujumchisi raqib himoyachisining xato pasidan keyin to‘pga ega chiqib, darvozabon bilan yakkama-yakka vaziyatda hisobni ochdi. Ikkinchi holatda qanotda to‘pni olib qo‘ygan Bredlining uzatmasiga barchadan birinchi yetib bordi.
Ikki daqiqa – ikki gol. Mezbonlar bunday zarbadan o‘ziga kela olmaydigandek ko‘ringandi, ammo Daniel Farke o‘z shogirdlarini favoritlardan qo‘rqmasdan o‘ynashga o‘rgatgani yana bir bor o‘z isbotini topdi. Ushbu jamoa o‘tgan haftada «Manchaster Siti» bilan tengma-teng o‘yin ko‘rsatgan, hafta o‘rtasida «Chelsi»ni mag‘lub etgandi va shanba kuni ham iroda ko‘rsata oldi. Bu ko‘p jihatdan Konatening aybi bilan sodir bo‘ldi, fransiyalik himoyachi keraksiz vaziyatda Niontoga fol ishlatdi va VAR tekshiruvidan keyin mehmonlar darvozasiga penalti belgilandi.
Keyin esa ushbu himoyachi hisobni tenglashtirgan Shtahni qarshi olishga bormadi. Va bu hali hammasi emasdi. «Liverpul» ikkinchi golni o‘tkazib yuborganidan keyin to‘liq kuch bilan hujumga o‘tdi va Soboslai mehmonlarga hisobdagi ustunlikni qaytardi.
Ammo mersisaydliklar qo‘shimcha daqiqalarda g‘alabani saqlab qola olishmadi, o‘tgan turda «Chelsi» darvozasini ishg‘ol etgan Tanaka, bu safar «Liverpul» muxlislarini ranjitib, 90+6-daqiqada hisobni tenglashtirdi. Mavsum debyutantlariga qarshi qatorasiga ikki o‘yinda ochko yo‘qotgan «Liverpul» 8-o‘rinda qolmoqda.
Ispaniya: Ferranda het-trik
«Betis» – «Barselona» 3:5
Gollar: Antoni, 6 (1:0). Torres, 11 (1:1). Torres, 13 (1:2). Barji, 31 (1:3). Torres, 40 (1:4). Yamal, 59 – penalti (1:5). Liorente, 85 (2:5). Ernandes, 90 – penalti (3:5)
«Betis»: Vales, Natan (Liorente, 60), Bartra (Firpo, 60, Rodriges, 89), Gomes, Ruibal, Pablo Fornals, Roka, Altimira (Deossa, 46), Azzalzuliy, Antoni (P. Garsiya, 75), Ernandes
«Barselona»: X. Garsiya, Kubarsi, Martin (de Yong, 63), Balde (Kristensen, 46), Kunde, E. Garsiya (Torrens, 81), Pedri (Bernal, 63), Bardji (Fermin Lopes, 68), Reshford, Yamal, Torres
Ogohlantirishlar: Altimira, 21. Deossa, 59. Ruibal, 67. Gomes, 87 – Martin, 48. Kunde, 90
«Barselona» yana tezkor gol o‘tkazib yubordi. Bu golli kombinatsiyani kataloniyaliklar tarbiyalanuvchisi Azzalzuliy boshlab berdi, Antoni esa himoyachilarning sun’iy ofsayd hosil qilishdagi xatosidan foydalanib, hisobni ochdi. Lekin Hansi Flik shogirdlari nafaqat darhol hisobni tenglashtirishdi, balki ikki daqiqadagi ikki gol bilan hisobda oldinga ham chiqib olishdi. Asosiy tarkibdan Levandovskini siqib chiqargan Ferran Torres Kunde va Barjining uzatmalarini golga aylantirdi.
«Barsa» bu bilan to‘xtash haqida o‘ylamadi va bo‘lim o‘rtalaridan o‘tganda Barji ko‘k-anorranglilar safidagi ilk golini urdi. Shvetsiyalik futbolchi Pedridan to‘pni qabul qilib olib, yaqin burchakni aniq nishonga oldi. Shu yozda «Kopenhagen»dan olib kelgan vinger gol va pas bilan o‘yinning eng yaxshi futbolchisi bo‘lishi mumkin edi. Ammo bu maqomni undan bo‘lim oxirida het-trik qayd etgan Ferran qaytarib oldi. «Betis» uning uchun La Ligadagi eng sevimli raqibga aylandi (7+2), u o‘z faoliyatidagi ikki het-trikni ham ushbu jamoaga qarshi safar o‘yinlarida nishonlagan. Ikkinchi bo‘limda Yamal penaltidan hisobni o‘ta yirik ko‘rinishga keltirdi, o‘yin oxirida Liorente va Ernandes urgan javob gollari esa amalda hech narsani o‘zgartirmadi. Endi Flik shogirdlari yana turnir jadvalida «Real» bilan oradagi farqni to‘rttaga oshirdi, lekin madridliklar tur doirasidagi o‘yinni bugun «Selta»ga qarshi o‘tkazadi.
«Atletik» – «Atletiko» 1:0
Gollar: Berenger, 85 (1:0)
«Atletik»: Simon, Paredes, Lyaport (Vivian, 33), Berchiche, Areso (Gorosabel, 82), Ruis de Galarreta (Gomes, 66), Xauregisar, Sanset (Iseta, 82), Uilyams, Berenger, Guruseta (Rego, 66)
«Atletiko»: Oblak, Langle (Rudjyeri, 62), Pubil, Gansko, Molina, Gallaher (Koke, 46), Barrios, Gonsales (Raspadori, 72), Simeone, Almada (Serlot, 62), Alvares (Grizmann, 66)
Ogohlantirishlar: Xauregisar, 14. Ruis de Galarreta, 20. Lyaport, 28 – Gallaher, 12. Koke, 90
Kunning oxirgi o‘yinini Berengerning goli bezab berdi, u jarima maydoni tashqarisida turib, Niko Uilyamsning uzatmasiga bir teginishda darvozani ishg‘ol etdi. Hafta o‘rtasida «Real»ga yirik hisobda yutqazgan basklar nihoyat «San-Mames»da bayram qilishdi. «Atletiko»ga qarshi o‘yindagi g‘alaba jamoa uchun juda muhim edi, chunki bu o‘yinda ham muvaffaqiyatsizlikka uchralsa, jamoa yevrokuboklar uchun kurashda ancha ortda qolib ketishi mumkin edi. «Atletiko» uchun esa vaziyat nisbatan yaxshi – beshinchi o‘rinda kelayotgan «Betis» bilan oradagi yetti ochkolik farq saqlanib qolgan.
Leo eng yaxshi yillarini yodga solib, finalni hal qildi.
Foto: Rich Storry/Getty Images
MLS kubogi finali. 7 dekabr
«Inter Mayami» – «Vankuver» 3:1
Gollar: Okampo 8 avtogol, De Paul 71, Allende 90+6 – Ahmed 60
«Inter Mayami»: Rios Novo, Frey (Veygant, 90+1), Falkon, Buskets, Allen, Alba, Silvetti (Brayt, 78), De Paul, Rodriges (Segoviya, 57), Alende, Messi.
«Vankuver»: Takaoka, Okampo, Blekmon, Laborda, Ahmed (Gold, 68), Priso (Pupe, 68), Kubas (Kabrera, 82), Berxalter, Sabbi (Jyeydon Nelson, 90+1), Myuller, Uayt.
Ogohlantirishlar: Rodriges (13), Falkon (48), De Paul (86), Rios Novo (90+9) – Uayt (17), Okampo (45), Blakmon (66), Kubas (74), Laborda (86), Berxalter (90+4)
«Inter Mayami» Messi bilan birgalikda o‘z tarixida ilk bor MLS chempioniga aylandi – bu oltinchi urinishda ro‘y berdi. Pley-off finalida Tomas Myuller boshchiligidagi «Vankuver Uaytkeps» (3:1) mag‘lub etildi. Leo Messi ikkita golga uzatma berdi.
«Inter» darhol avtogol yordamida hisobni ochdi. O‘tkazib yuborilgan goldan keyin esa Messi katta sahnaga chiqdi
«Inter» avtogol evaziga hisobda oldinga chiqib oldi. «Mayami» yarimhimoyachisi Tadeo Alende o‘ng qanotdan to‘pni jarima maydoniga uzatdi, Ediyer Okampo esa to‘pga oyog‘ini qo‘yishda xato qildi va o‘z darvozasini ishg‘ol etib qo‘ydi. Messi ushbu golli hujumda ham ishtirok etdi.
Keyin esa «Inter» biroz ortga qaytdi, «Vankuver» esa bosimni kuchaytirdi. 8-daqiqadayoq hisob ochilishi «Inter»ning zarariga ishladi deyish ham mumkin. Shundan keyin floridaliklar biroz xotirjamoikka berildi va kanadaliklar tashabbusni qo‘lga olib, bir necha xavfli vaziyatlar yaratishdi, 60-daqiqada esa hisob tenglashdi. Ali Ahmed yaqin burchakka kuchli zarba yo‘lladi, «Inter» darvozaboni Rokko Rios to‘pni o‘tkazib yubordi.
Shundan keyin Messi o‘yinni o‘zgartirib yubordi. 71-daqiqada Leo to‘pni raqibdan olib qo‘ydi va uni himoyachilar ortiga ochilayotgan Rodrigo De Paulning yo‘liga tashlab berdi, argentinalik yarimhimoyachi olis burchakni aniq nishonga oldi. O‘yinga qo‘shib berilgan daqiqalarda esa Messi yana bir golli uzatma amalga oshirdi, Alende o‘yinga so‘nggi nuqtani qo‘ydi.
De Paul uchun bu MLS chempionatidagi ilk gol edi va shu gol finalda g‘alaba olib keldi. Messi ikki assist bilan o‘yin taqdirini hal qildi.
Messi mavsumni kuchli o‘tkazdi. Alba va Buskets faoliyatidagi so‘nggi o‘yinda sovrin qo‘lga kiritdi
Devid Bekhem va «Inter» nihoyat maqsadga erishdi.
● Messi MLS pley-off bosqichini ajoyib o‘tkazdi: olti o‘yinda olti gol va yetti assist muallifi bo‘ldi. Butun mavsum davomida esa 34 o‘yinda 58 ta golli harakat amalga oshirdi (35+23).
● Milliy jamoadagi o‘yinlar bilan qo‘shib hisoblaganda esa Messi 2025 yilda gol+pas tizimida 73 ochko jamg‘ardi. Bu uning faoliyatida to‘qqizinchi marta bir yilda 70+ ochko ishlashi bo‘ldi. Unda bunday ko‘rsatkich oxirgi bor 2017 yilda kuzatilgandi. Bu boradagi eng yuqori natijasi esa 2012 yilda qayd etilgan – 112 golli harakat.
● «Inter» Messi bilan ilk bor MLS pley-offida birinchi raunddan o‘ta olgandi va oxirigacha bordi. Bungacha «Mayami» pley-offda ikki marta o‘ynagandi. 2022 yilda birinchi raundda «Nyu York Siti»dan mag‘lub bo‘lgan (0:3), ikki yil o‘tib – xuddi shu bosqichda «Atlanta» to‘sig‘idan o‘ta olmagan (2:1, 1:2, 2:3).
● Holbuki bu mavsumda pley-off «Inter» uchun qiyin boshlangandi. «Neshvill»ga qarshi birinchi o‘yinda ishonchli g‘alabaga erishilgach (3:1), javob o‘yinida bu ustunlik boy berilishiga bir baxya qolgandi (1:2). Messi o‘shanda o‘yin oxirida chiroyli gol bilan hisobni qisqartirgandi, ammo MLS pley-offida gollar nisbati ahamiyatga ega emas. Shu tufayli, jamoalar o‘rtasida uchinchi o‘yinni o‘tkazishga to‘g‘ri kelgandi va bu o‘yinda yirik g‘alaba qayd etilgandi (4:0). Keyingi raqiblar bilan esa osonroq bo‘ldi: «Inter» avvaliga «Tsinsinnati» (4:0) va «Nyu York Siti» (5:1) klublariga imkon qoldirmadi, finalda «Vankuver» ham mag‘lub etildi.
● Serji Buskets va Jordi Alba faoliyatini yorqin g‘alaba bilan yakunlaydigan bo‘lishdi. Busketsda endi sovrinlar soni 38 taga yetdi, Albada bu ko‘rsatkich 25 taga teng.
● Messining sovrinlari soni esa allaqachon 50 ga yaqinlashgan (48) va u hali futboldan ketmoqchi emas. U «Inter» bilan 2023 yilgi liga kubogini qo‘lga kiritgan, 2024 yilda MLS muntazam chempionatida g‘olib chiqqan, endi esa Amerikadagi eng asosiy sovrinni ham boshi uzra ko‘tardi.
MLSda keyingi mavsum 2026 yil fevralida boshlanadi. «Inter» uchun oldindagi mavsum Buskets va Albasiz kechadi.
Бугун Туркия чемпионатининг 15-турида «Башакшеҳир» ўз майдонида «Фенербаҳче»га қарши тўп суради.
Ўйин бизнинг вақт билан соат 22:00 да бошланади.
«Башакшеҳир» бош мураббийси Элдор Шомуродов ва Аббосбек Файзуллаевни асосий таркибда майдонга туширишга қарор қилди.
Туркия Суперлигаси. 15-тур
Башакшеҳир — Фенербаҳче
Башакшеҳир: Шенгезер, Омер Али, Дуарте, Ба, Опери, Кемен, Умут, Файзуллаев, Ҳарит, Шомуродов.
Kecha JCh-2026ga qur’a tashlanganidan so‘ng, Opta statistik portali guruhlarni kuchli va kuchsizlarga taqsimladi.
Portal Argentina, Jazoir, Avstriya va Iordaniya o‘rin olgan J guruhini «o‘lim guruhi» (eng qiyin guruh) sifatida e’tirof etdi.
Shuningdek, I guruhi (Fransiya, Senegal, Norvegiya hamda qit’alararo pley-off g‘olibi — Iroq / Boliviya / Surinam) va F guruhi (Niderlandiya, Yaponiya, Tunis hamda UEFA pley-off g‘olibi — Ukraina / Polsha / Shvetsiya / Albaniya) eng qiyin guruhlar sifatida ko‘rsatildi.
O‘zbekiston joy olgan guruh qiyinligi bo‘yicha oltinchi o‘ringa joylashtirildi.
Opta talqiniga ko‘ra, guruhlarning qiyinlik darajasi bo‘yicha tartibi:
1. J guruhi — Argentina, Jazoir, Avstriya, Iordaniya;
2. I guruhi — Fransiya, Senegal, Norvegiya va qit’alararo pley-off g‘olibi (Iroq / Boliviya / Surinam);
3. F guruhi — Niderlandiya, Yaponiya, Tunis va UEFA pley-off g‘olibi (Ukraina / Polsha / Shvetsiya / Albaniya);
4. H guruhi — Ispaniya, Kabo-Verde, Saudiya Arabistoni, Urugvay;
5. L guruhi — Angliya, Xorvatiya, Gana, Panama;
6. K guruhi — Portugaliya, O‘zbekiston, Kolumbiya va qit’alararo pley-off g‘olibi (Kongo DR / Yamayka / Yangi Kaledoniya);
7. S guruhi — Braziliya, Marokash, Gaiti, Shotlandiya;
8. D guruhi — AQSh, Paragvay, Avstraliya va UEFA pley-off g‘olibi (Turkiya / Ruminiya / Slovakiya / Kosovo);
9. G guruhi — Belgiya, Misr, Eron, Yangi Zelandiya;
10. A guruhi — Meksika, JAR, Janubiy Koreya va UEFA pley-off g‘olibi (Daniya / Shimoliy Makedoniya / Chexiya, Irlandiya);
11. E guruhi — Germaniya, Kyurasao, Kot’d-Ivuar, Ekvador;
12. B guruhi — Kanada, Qatar, Shveysariya va UEFA pley-off g‘olibi (Italiya / Shimoliy Irlandiya / Uels / Bosniya va Gersegovina).
Futbol bo‘yicha 2026 yilgi Jahon chempionatiga qur’a tashlandi. Unga ko‘ra, O‘zbekistonning ilk mundialdagi birinchi raqiblari Kolumbiya va Portugaliya bo‘ladi. Qit’alararo saralashdan o‘tib, guruhimizdan joy egallashga Kongo DR, Yamayka va Yangi Kaledoniya da’vogarlik qilyapti. Xo‘sh, guruhimiz haqida dastlabki munosabatlar qanday?
O‘zbekiston milliy jamoasi bosh murabbiyi Fabio Kannavaroning so‘zlariga ko‘ra, JChga chiqqandan keyin u yerda raqib tanlash ma’nosiz, chunki u yerda kuchsiz jamoa bo‘lmaydi.
“Bu – jahon chempionati, bu yerda qur’ada kim tushishiga qarab shikoyat qilib bo‘lmaydi. Portugaliya ham, Kolumbiya ham juda jiddiy raqiblar. Futbolchilarimiz uchun bu bellashuvlar katta hayajon va qimmatli tajriba bo‘ladi”, – dedi Kannavaro.
Italiyalik mutaxassisning aytishicha, uning shogirdlari har bir o‘yinda bor kuch bilan maydonga tushadi. “Mundialda bo‘layotganimizdan juda mamnunmiz. Endi eng muhimi – tayyorgarlikni to‘g‘ri olib borish va oxirigacha kurashish”, – deydi u.
O‘FA birinchi vitse-prezidenti Ravshan Ermatov qur’a hayajonli bo‘lganini aytdi.
“Albatta, JCh – bu biz uchun birinchi tajriba. Ishonamizki, jamoamiz yaxshi tayyorgarlik ko‘rib, xalqimizni xursand qilib, chiroyli o‘yinlari bilan keyingi bosqichlarga chiqish vazifasini uddalaymiz. JChda o‘yinlar bir-biridan qiziq bo‘ladi, oson o‘yin bo‘lmaydi, shunga yarasha puxta tayyorgarlik ko‘ramiz. Eng muhimi, muxlislarimiz bilan mana shu JChdan zavqlanib… Bu – butun umrga esda qoladigan O‘zbekistonning birinchi jahon chempionati bo‘ladi”, – dedi u.
Milliy jamoa sardori Jaloliddin Masharipov qur’adan oldin Portugaliya tushishini taxmin qilganini aytdi.
“Qur’adan avval Portugaliya tushsa kerak, deb o‘ylagandim. Muxlislar ham Ronaldu yo Messining jamoasi duch kelishini xohlashayotgandi. Portugaliya bilan tushganimiz yaxshi bo‘ldi. Bunday tashqari, Kolumbiya ham yaxshi jamoa. Xudo xohlasa, zo‘r o‘yinlar o‘tkazamiz. Birinchi vazifamiz – guruhdan chiqish va umid qilamanki, buni uddalaymiz”, – dedi hujumchi
Guruh favoriti – Portugaliya bosh murabbiyi Roberto Martines guruhdoshlaridan jiddiy raqobat kutayotganini aytdi.
“Endi qur’a natijalariga qarab tayyorgarlikni boshlasak bo‘ladi. Guruhimizdan mamnunmiz, chunki birinchi o‘yinni 17 iyunda o‘tkazish imkoniga ega bo‘ldik, bu – tayyorgarligimizga aniq yo‘nalish beradi. Avvaliga pley-offdan o‘tgan jamoaga qarshi o‘ynaymiz, shuning uchun raqibimizni hozircha bilmaymiz. Lekin Kolumbiya va O‘zbekistonga nisbatan hurmatimiz yuqori. Ular jahon chempionatiga puxta tayyorlangan va jiddiy raqobat taklif qiladigan jamoalar”, – deya Roberto Martinesning so‘zlarini keltirmoqda FIFA matbuot xizmati.
O‘zbekiston – JCh-2026 yilda qatnashadigan sobiq sovet makonidagi yagona davlat bo‘ladi. Rossiyalik sport sharhlovchisi Denis Kazanskiy qur’a natijalariga munosabat bildirarkan, Abbos Fayzullayev Krishtianu Ronalduga qarshi o‘ynashiga e’tibor qaratdi.
“Intrigali guruh deyarli yo‘q. Hammasi bo‘linib ketgandek. Balki Marokash, Braziliya va Shotlandiyadan iborat guruhda nimadir yangilik bo‘lar. Angliya, Xorvatiya, Gana, Panama ham yomon emas.
O‘zbekiston uchun juda xursandman. Abbos Krishtianuga qarshi o‘ynaydi. O‘ylashimcha, ular sensatsiya qila olishadi”, – dedi Kazanskiy.
Eslatib o‘tamiz, O‘zbekistonning JChdagi ilk o‘yini 17 iyun kuni Kolumbiyaga qarshi, ikkinchi turda esa 23 iyun kuni Portugaliyaga qarshi bo‘lib o‘tadi. Bu ikkala o‘yin yo AQShning Texas shahrida, yoki Meksika poytaxtida o‘tadi. Uchinchi turda saralashdan o‘tgan raqib bilan to‘qnashamiz va bu uchrashuv AQShning yo Florida, yo Jorjiya shtatida o‘tadi. Qaysi o‘yin qayerda bo‘lishi keyinroq ma’lum bo‘ladi.
Zamon sarhadlariga sig‘magan Parfyonov
Avtohalokatga uchragan mashinadan katta miqdordagi dori topildi
«Arsenal»da alamli mag‘lubiyat, «Barsa» o‘yinida gollar shousi. Kun o‘yinlari
-
Jamiyat5 days agoСаида Мирзиёева атмосфера ҳавосининг ифлосланиши бўйича йиғилиш ўтказмоқда
-
Iqtisodiyot3 days agoO‘zbekistondan Daniyaga ilk bor oziq-ovqat va quruq meva eksport qilindi
-
Iqtisodiyot3 days agoPrezidentning Sirdaryoga tashrifi «River Med Pharm» korxonasidan boshlandi
-
Iqtisodiyot5 days agoO‘zbekistonga eng ko‘p dengiz mahsulotlarini yetkazib bergan davlatlar ma’lum qilindi
-
Jamiyat4 days agoYunusobodda YTH oqibatida avtomobil yonib ketdi
-
Dunyodan4 days agoIndoneziyada bir necha kun ichida 700 dan ortiq kishi halok bo’ldi.
-
Siyosat3 days agoMarkaziy Osiyo mamlakatlari 2026 yilda suvdan foydalanish va suv havzalari tizimiga kelishib olishdi
-
Sport3 days ago«Real» ta’qibni davom ettirdi, «Liverpul» yana ochko yo‘qotdi. Kun o‘yinlari