Jamiyat
Navoiydagi qattiq tartibli koloniyada jazo muddatini o‘tayotgan mahkum shifoxonada vafot etdi
Mahkum Shuhrat Sotvoldiyev 23 noyabr kuni koloniya mas’ul xodimlari kuzatuvi ostida RShTYoIM Navoiy viloyat filialiga olib kelingan. Oradan 4 kun o‘tib, u vafot etdi. Marhumning yaqinlari Sotvoldiyev koloniyada kaltaklanganini aytmoqda. Navoiy maxsus prokuraturasi holat yuzasidan tergovga qadar tekshiruv o‘tkazyapti.
Navoiydagi 11-son JIEKda jazo muddatini o‘tayotgan mahkum Shuhrat Sotvoldiyev shifoxonada vafot etdi. Bu haqda Kun.uz’ga marhumning yaqinlari xabar berdi.
Ijtimoiy tarmoqlarda Navoiydagi jazoni ijro etish muassasasida jazo muddatini o‘tayotgan mahkum Shuhrat Sotvoldiyev sog‘lig‘i yomonlashgani sababli kasalxonaga olib kelingani, uning oila a’zolari ichkariga kiritilmayotgani, mahkumga tan jarohati yetkazilgani bo‘yicha xabarlar tarqaldi. Holat yuzasidan Oliy Majlisning Inson huquqlari bo‘yicha vakili axborot xizmati rasmiy munosabat berdi.
Unga ko‘ra, mahkum Shuhrat Sotvoldiyev sog‘lig‘i yomonlashgani sababli 23 noyabr kuni koloniya mas’ul xodimlari kuzatuvi ostida RShTYoIM Navoiy viloyat filialiga olib kelingan. Sog‘lig‘i yomonligi sababli mahkumning oila a’zolariga ham xabar berilgan. Unga “ikki tomonlama bronxopnevmoniya og‘ir kechishi” tashxisi qo‘yilgan.
Mahkum jazoni o‘tashga to‘sqinlik qiladigan og‘ir kasallikka chalinganligi sababli 11-son JIEKning taqdimnomasiga asosan JIB Navoiy shahar sudi 26 noyabr kuni Shuhrat Sotvoldiyevni Jinoyat kodeksining 75-moddasi 1-qismi tartibida jazodan ozod etish haqida ajrim chiqargan.
“27 noyabr kuni sobiq mahkumning ukasi Ombudsmanning Navoiy viloyatidagi mintaqaviy vakiliga murojaat qildi. Mintaqaviy vakil shu kunning o‘zida shifoxonaga borib, fuqarodan xabar oldi va vaziyatni o‘rgandi”, deyiladi Ombudsman rasmiy munosabatida.
Shuningdek, holat yuzasidan Navoiy maxsus prokuraturasi tomonidan tergovga qadar tekshiruv harakatlari olib borilayotgani ma’lum qilingan.
Navoiy viloyati prokuraturasi ham holat bo‘yicha rasmiy bayonot bergandi. Unda tergovga qadar tekshiruv harakatlari har tomonlama to‘liq va xolisona o‘tkazilishi va natijasi bo‘yicha qonuniy qaror qabul qilinishi ta’minlanishi bildirilgan.
Shuhrat Sotvoldiyev ko‘rsatilgan tibbiy yordamga qaramay 27 noyabr kuni vafot etgan.
“Dadamning oldiga 24 noyabr kuni kirdim. Bo‘yin shishi va holatiga qarab, shifokorlarga dadamni urishganini, qovurg‘alari singanini aytdim. Lekin ular yashirishdi. Tahlil javoblarini beringlar, boshqa shifokorlarga ham ko‘rsatay, deya iltimos qildim, yalinib-yolvordim. Ammo aldashdi. Kaltaklashgan bo‘lsa ham vaqtida olib kelishganida, shifokorlar ulardan emas, ichgan qasamidan ko‘proq qo‘rqishganida balki dadam tuzalib ketardi”, deydi marhumning qizi.
Ma’lumot uchun, Shuhrat Sotvoldiyevga JIB Quvasoy shahar sudining 2025 yil 15 apreldagi hukmi bilan 9,5 yil ozodlikdan mahrum qilish jazosi tayinlangan. U firibgarlik hamda hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish jinoyatini sodir qilishda aybli deb topilgan. Jazoni qattiq tartibli koloniyada o‘tash belgilangan. Farg‘ona viloyati sudi jinoyat ishlari bo‘yicha sudlov hay’ati apellyatsiya instansiyasining 2025 yil 17 iyuldagi ajrimi bilan dastlabki sud hukmi o‘zgartirilgan.
Shuhrat Sotvoldiyev 5 yil oldin 9 mlrd so‘m haqini ololmayotgani ortidan Yoshlar ittifoqi (hozirgi Yoshlar ishlari agentligi) Markaziy kengashi binosi oldida ochlik e’lon qilmoqchi bo‘lgandi.
“Davlat xizmatida boshqaruv samaradorligini yanada oshirish chora-tadbirlari to‘g‘risida”gi Prezident farmoni qabul qilindi.
Ma’lumot uchun: Boshqaruv samaradorligi agentligi (Agentlik) Davlat xizmatini rivojlantirish agentligi negizida tashkil etilgan.
Farmonga ko‘ra, 2026-yil 1-yanvardan “Yangi O‘zbekiston qiyofasidagi tuman (shahar)” maqomidagi 33 ta tuman (shahar) hokimliklarida tajriba-sinov tariqasida quyidagilarni nazarda tutuvchi natijaga asoslangan boshqaruv tizimi joriy etiladi:
davlat organlari faoliyatining maqsadli ko‘rsatkichlari va indikatorlari ularga qo‘yilgan vazifalar asosida Agentlik tomonidan shakllantiriladi hamda Vazirlar Mahkamasi tomonidan tasdiqlanadi;
Agentlik:
– natijaga asoslangan boshqaruv modelini ishlab chiqadi hamda uning joriy etilishini uslubiy jihatdan muvofiqlashtiradi;
– maqsadli ko‘rsatkichlarga erishilganligini “samaradorlik.gov.uz” elektron platformasi orqali baholashni tashkil etadi;
– tegishli vazifalarni bajarish va maqsadli ko‘rsatkichlarga erishishda kadrlar salohiyatini rivojlantirishga ko‘maklashadi;
– davlat fuqarolik xizmati lavozimlarini egallash uchun tanlovlarda zamonaviy yondashuv, zarur hollarda, qo‘shimcha bosqichlarni joriy etadi.
O‘zbekiston prezidentining “Davlat xizmatida boshqaruv samaradorligini yanada oshirish chora-tadbirlari to‘g‘risida”gi farmoniga muvofiq, davlat organlarining vazifa va funksiyalari quyidagi 5 ta darajaga ajratiladi:
konstitutsiyaviy va milliy daraja;
respublika ijro etuvchi hokimiyat organlari darajasi;
hududiy daraja;
tuman (shahar) darajasi;
mahalla (qishloq, ovul) fuqarolar yig‘ini darajasi.
2026-yil 1-yanvardan “Yangi O‘zbekiston qiyofasidagi tuman (shahar)” maqomidagi 33 ta tuman (shahar)da faoliyat yurituvchi davlat organlarida kadrlar rotatsiyasi tizimi joriy etiladi. Bunda:
respublika ijro etuvchi hokimiyat organlarining tuman (shahar) bo‘linma rahbari hamda tuman (shahar) hokimi va uning o‘rinbosarlari har 5 yilda, qoida tariqasida, Qoraqalpog‘iston Respublikasi, viloyatlar hamda Toshkent shahri doirasida boshqa tuman (shahar)ga rotatsiya qilinadi;
rotatsiya qilinadigan rahbarlar Agentlikning “hrm.gov.uz” elektron platformasi orqali aniqlanadi;
rahbar yangi hududga o‘tishdan oldin hududning iqtisodiy va ijtimoiy holati bo‘yicha intensiv kursda o‘qitiladi;
rotatsiya qilingan rahbar faoliyati Agentlik tomonidan elektron platforma orqali onlayn tarzda monitoring qilinadi.
Jamiyat
Toshkentda katta miqdorda psixotrop dori biologik qo‘shimcha idishlariga solingan holda topildi
DXX Toshkent viloyati bo‘yicha boshqarmasi va bojxona organlari hamkorligida o‘tkazilgan tezkor tadbir natijasida biologik faol qo‘shimcha idishlariga solib, yashirin tarzda sotishga mo‘ljallangan katta miqdorda psixotrop dori vositalari aniqlandi.
Davlat xavfsizlik xizmati Toshkent viloyati bo‘yicha boshqarmasi hamda bojxona idoralari tomonidan o‘tkazilgan tezkor tadbir doirasida avvaldan kuzatuvda bo‘lgan, poytaxtda yashovchi 1970 yilda tug‘ilgan shaxsning Uchtepa tumanida joylashgan yashash xonadoni xolislar ishtirokida ko‘zdan kechirildi.
Ko‘rik vaqtida unga tegishli uydan 1 835 dona “Regapen” nomli kuchli ta’sir qiluvchi dori vositalari topilib, belgilangan tartibda daliliy ashyo sifatida rasmiylashtirib olindi.
Tarkibida katta miqdorda pregabalin moddasi bo‘lgan ushbu psixotrop dorilar biologik faol qo‘shimchalar idishlariga solingan holda saqlangani va kelgusida ularni dorixonalarda yashirin tarzda sotish rejalashtirilgani aniqlandi.
Hozirda mazkur shaxsga nisbatan Jinoyat kodeksining 251¹-moddasi 5-qismi bilan jinoyat ishi qo‘zg‘atilgan hamda unga nisbatan “qamoq” ehtiyot chorasi qo‘llangan.
Tergov harakatlari davom etmoqda.
Taniqli pulmonolog olim, O‘zbekiston Fanlar akademiyasi akademigi, O‘zbekistonda xizmat ko‘rsatgan tibbiyot xodimi Abdulla Muharramovich Ubaydullayev 91 yoshida olamdan o‘tdi.
«Xabar.uz» jamoasi marhumning oila a’zolari va yaqinlariga hamdardlik bildiradi.
Raqobat qo‘mitasi qimor va tavakkalchilikka asoslangan o‘yinlarni targ‘ib qilishga qaratilgan veb-saytlar yuzasidan navbatdagi o‘rganish va tahlillari natijasini e’lon qildi.
Qayd etilishicha, reklamaga oid qonunbuzilishlarga nisbatan tezkor choralar ko‘rish maqsadida Tegishli tashkilotlar bilan o‘zaro hamkorlik yo‘lga qo‘yilgan.
Bunda, bukmekerlik xizmatlariga oid reklamani targ‘ib qiluvchi veb-saytlarga kirishni cheklash (bloklash) choralari ko‘rilmoqda.
Xususan, joriy yilning o‘tgan vaqtida amalga oshirilgan ishlar natijasida bukmekerlik xizmatlarni targ‘ib qiluvchi 86 ta veb-saytni bloklash bo‘yicha Tegishli nazorat organiga ma’lumotlar kiritilib, shundan 70 ga yaqin saytlar belgilangan tartibda bloklangan.
Eslatib o‘tamiz, «Reklama to‘g‘risida»gi qonunining 46-moddasiga muvofiq, qimor o‘yinlari va tavakkalchilikka asoslangan boshqa o‘yinlar reklamasi taqiqlanadi.
Bashar Asadning Suriyadagi ag’darilganligining 1 yilligi
33 ta hokimlikda tajriba tariqasida yangicha boshqaruv yo‘lga qo‘yiladi
Xodim juda erta ishlash uchun ishdan bo’shatildi – Ispaniya
-
Sport3 days agoТуркия Суперлигаси. «Башакшеҳир» – «Фенербаҳче». Шомуродов ва Файзуллаев — асосий таркибда
-
Jamiyat5 days agoSirdaryoda 100 million kub metrlik yangi suv ombori quriladi
-
Iqtisodiyot5 days agoO‘zbekiston oktyabrda oltinning eng yirik xaridorlaridan biri bo‘ldi
-
Iqtisodiyot5 days agoSirdaryodagi 9 ta tuman-shahar hokimlari Xitoyga yo‘l oladi
-
Jamiyat5 days agoPrezident Gulistonga keltirilgan zamonaviy avtobuslarni borib ko‘rdi
-
Jamiyat5 days agoSirdaryoda 122 mln dollarlik avtomobil ishlab chiqarish loyihasi yo‘lga qo‘yiladi
-
Turk dunyosi4 days agoTurkiya qimor o’yini-onaviy tergovning bir qismi sifatida futbolchilar va sheriklar hibsga olingan
-
Turk dunyosi4 days agoTurkiya Rossiya quvur liniyali gaz ta’minotini bir yil davomida kengaytirmoqda