Sport
Mbappe gol urdi va jarohat oldi, Qozog‘istonda yirik g‘alaba. Kun o‘yinlari
Germaniya guruhida birinchi o‘ringa chiqib oldi, Shvetsiya o‘z guruhida oxirgi o‘rinda. JCh-2026 saralashi doirasida Yevropada payshanba oqshomida o‘tkazilgan o‘yinlar va guruhlardagi vaziyat.
A guruhi
Kimmih Bekkenbauer bilan tenglashib oldi
Germaniya – Lyuksemburg 4:0
Gollar: Raum, 12 (1:0). Kimmih, 21 – penalti (2:0). Gnabri, 48 (3:0). Kimmih, 51 (4:0)
Germaniya: Baumann, Ta, Shlotterbek (Anton, 46), Raum (Braun, 82), Kimmih, Pavlovich, Goretska, Virs, Adeyyemi (Baku, 61), Gnabri (Bayyer, 68), Voltemade (Burkardt, 61)
Lyuksemburg: Mori, Korats, Maxmutovich, Karlson, Yans, Martins (S. Till, 77), Olesen (Dzogovich, 87), Barreyru, Bonert (Veyga, 46), Moreyra (O. Till, 67), Dardari (Selimovich, 67)
Ogohlantirish: Martins, 60
Chetlatish: Karlson, 20
Bu o‘yindagi intriga atigi 12 daqiqa saqlanib turdi. Avvaliga arbitr Voltemadening golini hujum davomida to‘pga qo‘l bilan o‘ynalgani uchun bekor qilgandi, ammo ko‘p o‘tmay David Raum jarima zarbasidan to‘pni darvoza to‘riga yo‘lladi. Yetti daqiqa o‘tib Lyuksemburg o‘n kishi bo‘lib qoldi, Yozua Kimmih esa penaltini aniq ijro etdi. Tanaffusdan keyin mezbonlar kamtar raqibni uzil-kesil tor-mor etishdi. Serj Gnabri va Kimmih uch daqiqa oralig‘ida ikki gol urishdi. Shu kuni dubl qayd etgan bavariyalik futbolchi milliy jamoa safidagi o‘yinlari soni bo‘yicha afsonaviy Frans Bekkenbauer bilan tenglashib oldi (104). Saralash bosqichini mag‘lubiyat bilan boshlagan Germaniya esa allaqachon birinchi o‘ringa ko‘tarilib oldi.
Shimoliy Irlandiya – Slovakiya 2:0
Gollar: Groshovski, 18 – avtogol (1:0). Hyum, 81 (2:0)
Shimoliy Irlandiya: Pikok-Farrell, Makneyr, Hyum, Ballard, Gelbreyt (Spenser, 85), Makkann, Sh. Charlz, Devenni, Bredli (Magennis, 90+2), Prays, Rid (D. Charlz, 71)
Slovakiya: Dubravka, Shatka, Shkrinyar, Obert, Dember, Groshovski (Benesh, 89), Duda (Garaslin, 63), Bero, Sauer (Tupta, 82), Shrans (Rigo, 63), Strelets (Mraz, 89)
Ogohlantirishlar: Ballard, 60. Bredli, 76
Birinchi turda Germaniyani mag‘lub etgan Slovakiya esa nisbatan kuchsiz raqiblarga qarshi ishonchsiz harakat qilmoqda. Sentyabrdagi ikkinchi o‘yinda Franchesko Kalsona shogirdlari Lyuksemburg bilan o‘yinning so‘nggi daqiqalarida qiyinchilik bilan g‘alabani qo‘lga kiritgandi (1:0), endi esa Belfastda katta muammoga duch keldi. Shimoliy Irlandiya birinchi bo‘limda birgina gol bilan cheklangani mehmonlarning omadi kelgandi. Masalan, Rid bir necha metr masofadan turib to‘g‘ri zarba bera olmadi.
Ikkinchi bo‘limda o‘yin slovaklar jonlandi va vaziyatlar yarata boshladi. Ammo nemislar darvozasiga bir gol urgan va bir golga assistentlik qilgan David Strelets bu o‘yinda yakkama-yakka vaziyatni ko‘kka sovurdi. O‘yin oxirida esa tajribali Martin Dubravka to‘pga chiqishda muvaffaqiyatsiz harakatlandi, undan qaytgan to‘pga Tray Ham ega chiqdi va amalda bo‘sh darvozani ishg‘ol etdi.
Endilikda guruhdagi uchta jamoada bir xil – oltitadan ochko bor. Slovaklar to‘plar nisbatiga ko‘ra uchinchi o‘ringa quladi, keyingi turda Shimoliy Irlandiya va Germaniya guruh peshqadamligi uchun maydonga chiqadi.
13 oktyabr. Shimoliy Irlandiya – Germaniya, Slovakiya – Lyuksemburg.
D guruhi
Sardorning rekordi
Fransiya – Ozarboyjon 3:0
Gollar: Mbappe, 45+2 (1:0). Rabio, 69 (2:0). Toven, 84 (3:0)
Fransiya: Menyan, Upamekano, Saliba, Ernandez, Gyusto, Rabio (Kamavinga, 70), Tyuram, Olise (Akliush, 70), Ekitike (Nkunku, 79), Koman (Mateta, 79), Mbappe (Toven, 83)
Ozarboyjon: Magomedaliyev, Mustafozoda, Krivotsyuk, Badalov, Jafarguliyev, Aliyev (Mammadov, 70), Maxmudov, Xaybulayev (Dashdamirov, 78), Ahmadzoda (Gurbanli, 61), Bayramov (Xachayev, 78), Emreli (Oxunzoda, 70)
Ogohlantirishlar: Rabio, 63 – Bayramov, 26. Ahmadzoda, 52
Ko‘p sonli jarohatlar tufayli bu o‘yinda Fransiya hujum chizig‘i kutilmagan ko‘rinishda bo‘lishi mumkin edi, ammo Mbappe tibbiyot xodimlarining prognozlariga ters o‘laroq «Real»da olgan jarohatidan tez tuzaldi va maydonga tushishga tayyor bo‘ldi. Ozarboyjon nomdor raqibga qarshi bir bo‘lim turib berdi, ammo bo‘limga qo‘shib berilgan daqiqalarda aynan Mbappe raqib mudofaasidan teshik topa oldi. Aniqrog‘i uning o‘zi uch himoyachini aldab o‘tib, bu mudofaani yorib o‘tdi va Ekitike bilan devor uslubida o‘ynaganidan keyin ideal zarbasi bilan to‘pni olis burchakka yo‘naltirdi. Mbappe terma jamoada qatorasiga beshinchi o‘yinda gol urib, o‘z rekordini takrorladi, u shuningdek, klubdagi o‘yinlar ham hisobga olinganda qatorasiga o‘n rasmiy o‘yinda gol urish orqali faoliyatidagi eng yaxshi davrni o‘tkazmoqda.
U ikkinchi bo‘limda Rabioning goliga ham assistentlik qildi. Ammo u maydonga qaytishga shoshilib, xato qilgan bo‘lishi mumkin, hujumchi o‘yin oxirida kuchli og‘riq tufayli gazonga yotib olib, o‘zini almashtirishni so‘radi va Madriddagilarni qattiq xavotirga soldi. «Uchranglilar» Parijda autsayderga qarshi o‘yinda usiz ham g‘alaba qozongan bo‘lardi, ikki kun o‘tib Islandiyada bo‘ladigan o‘yinda esa uning xizmatiga ko‘proq ehtiyoj tug‘iladi.
Islandiya – Ukraina 3:5
Gollar: Malinovskiy, 14 (0:1). Ellersson, 35 (1:1). Gutsulyak, 45 (1:2). Malinovskiy, 45+5 (1:3). Gudmundsson, 59 (2:3). Gudmundsson, 75 (3:3). Kalyujniy, 85 (3:4). Ocheretko, 88 (3:5)
Islandiya: Oulafsson, Gretarsson, Ingason, Ellersson (Tordarson, 86), Palsson, Yoxannesson (Vidlyumsson, 86), Haraldsson, Gudmundsson, Torsteynsson (Tomasson, 70), Magnusson (Hlinsson, 70), Gudyonsen (Anderson, 86)
Ukraina: Trubin, Zabarniy, Matviyenko, Mikolenko, Konoplya, Kalyujniy, Malinovskiy (Bondarenko, 86), Shaparenko (Ocheretko, 70), Sudakov (Voloshin, 39), Gutsulyak (Veleten, 86), Vanat (Dovbik, 70)
Ogohlantirishlar: Gudyonsen, 41 – Matviyenko, 65. Konoplya, 68. Mikolenko, 83. Ocheretko, 90
Yevropa saralashi doirasida kunning eng gollarga boy uchrashuvi Islandiyada bo‘lib o‘tdi. Mezbonlar 0:1 va 1:3 hisoblaridan keyin kambek qilishgandi, ammo 85- va 88-daqiqalarda gollar o‘tkazib, baribir mag‘lubiyatga uchrashdi. Ruslan Malinovskiy dubl qayd etdi, g‘alaba golini Ivan Kalyujniy urdi. E’tiborli tomoni, 2022 yilda u Islandiyaning «Keblavik» klubida o‘ynagandi. Bu g‘alaba evaziga Ukraina guruh jadvalida Islandiyani quvib o‘tib, ikkinchi o‘ringa ko‘tarildi.
13 oktyabr. Islandiya – Fransiya, Ukraina – Ozarboyjon.
J guruhi
Qozog‘iston yangi murabbiy bilan g‘alaba qozondi
Qozog‘iston – Lixtenshteyn 4:0
Gollar: Kenjyebek, 26 (1:0). Zaynutdinov, 28 (2:0). Kenjyebek, 59 (3:0). Qosim, 81 (4:0)
Qozog‘iston: Seysen, Alip (Jumaxanov, 82), Qosim, Vorogovskiy (Jagorov, 75), Kairov, Kuat, Zaynutdinov (Sviridov, 62), Orazov (Jukov, 75), Kenjyebek (Karaman, 62), Samorodov, Chesnokov
Lixtenshteyn: Byuhel, Hofer, Geppel, Shlegel (Vayssenhofer, 70), Zele (Mayyer, 70), A. Hasler (Volfinger, 60), Lyuhinger, Tsyund, N. Hasler, Lyuk-Notaro (Salanovich, 90), Kindl (Saglam, 46)
Ogohlantirishlar: Samorodov, 31. Zaynutdinov, 41 – Hofer, 1. Tsyund, 72
Stanislav Cherchesov o‘rniga Qozog‘iston milliy jamoasi boshqaruviga tayinlangan Ali Aliyev sentabr oyidagi ikki mag‘lubiyatdan keyin iste’foga chiqarildi, ushbu mutaxassisning so‘nggi o‘yinida Belgiyadan o‘ta og‘riqli mag‘lubiyat qabul qilib olindi (0:6). Federatsiya hozirda yangi kouch qidirmoqda, hozircha jamoani Talgat Baysufinov v.b sifatida boshqarib turibdi. Bu 57 yoshli murabbiy oldin ham, JCh-2018 va JCh-2022 saralashlarida terma jamoa bilan ishlagan.
Lixtenshteyn bilan o‘yinda Kenjyebek o‘zini ko‘rsatdi, u Uels bilan o‘yinda ham o‘zining faolligi bilan ajralib turgandi. Ammo o‘shanda unga bir necha vaziyatda aniqlik yetishmagandi, juma oqshomida esa u ikki bor chiroyli zarbasi bilan to‘pni olis «to‘qqizlik»ka yo‘lladi, shuningdek, ikkinchi golni urgan Zaynutdinovga ideal pas berdi. O‘yin ozirida esa himoyachi Qosim hisobni yanada yiriklashtirdi, u Lixtenshteynga qarshi birinchi o‘yinda darvoza chizig‘i ustida to‘pni to‘xtatib qolgani bilan yodda qolgandi.
Endi ochkolari sonini oltitaga yetkazib olgan qozog‘istonliklar keyingi turda makedonlar maydonida bir bosh baland sakrab g‘alaba bilan qaytadigan bo‘lsa, yo‘llanma uchun kurashga qo‘shiladi.
Belgiya – Shimoliy Makedoniya 0:0
Belgiya: Kurtua, Debast, Teat, De Keyper (Mene, 89), Kastan (Seys, 89), Raskin, De Breyne, Vanaken (Onana, 74), Doku, Salemakers (Openda, 59), Trossar (Fofana, 74)
Shimoliy Makedoniya: Dimitriyevski, Stoychevski (Despotovski, 74), Musliu (Velkovski, 84), Alioski, Zaykov, Bardi, Atanasov (Alimi, 74), Kostadinov, Elmas, Ashkovski (Churlinov, 46), Miovski (Ristovski, 57)
Ogohlantirishlar: Salemakers, 6. Teat, 68. De Breyne, 79 – Ashkovski, 30. Kostadinov, 87
Belgiya makedonlarga qarshi o‘yinning 75 foiz qismida to‘pga egalik qildi, 25 bor zarba berdi, xG bo‘yicha 2,84 ko‘rsatkichini qayd etdi, ammo hisobni ocha olmadi. De Bryuynening uzoq masofadan yo‘llagan zarbalaridan ham naf bo‘lmadi, Openda esa yakkama-yakka vaziyatdan foydalana olmadi. Mezbonlarda aniqlik pand berdi, shuncha zarbadan faqat uchtasi darvoza sohasiga to‘g‘ri bordi. Shimoliy Makedoniya Gentga bir maqsadda tashrif buyurgandi – gol o‘tkazmaslik. Jamoa bu maqsadiga erishdi va birinchi o‘rinda qoldi (Belgiyaga qaraganda bitta ko‘p o‘yin o‘tkazgan).
Keyingi turda Rudi Garsiya shogirdlarini Uels maydoniga qiyin safar kutmoqda, Shimoliy Makedoniya esa Qozog‘istonni qabul qiladi.
13 oktyabr. Shimoliy Makedoniya – Qozog‘iston, Uels – Belgiya.
V guruhi
Shveytsariya ilgarilab ketdi, Shvetsiya so‘nggi o‘rinda
Shvetsiya – Shveytsariya 0:2
Gollar: Jaka, 65 – penalti (0:1). Manzambi, 90+4 (0:2)
Shvetsiya: Yohansson, Hin, Gudmundsson, Lagerbilke, Bergvall (Barji, 85), Chelstrem (Saletros, 65), Ayyari, Sema (Holm, 72), Bernhardsson (Svensson, 72), Isak, Yokeresh
Shveytsariya: Kobel, Elvedi, Akanji, Rodriges, Vidmer (Hakes, 74), Jaka, Rider (Sou, 59), Froyler, Vargas (Manzambi, 84), Ndoy, Embolo
Ogohlantirishlar: Lagerbilke, 90 – Akanji, 49
Sentyabrdagi ikki o‘yinda atigi bir ochko olgan Shvetsiya halokat yoqasiga kelib qolgan. Darvozabonning seyvlari hamda Embolo vaziyatlarni yo‘qqa chiqarishda davom etishi bo‘lmaganida, skandinavlar dastlabki yigirma daqiqalikdayoq taslim bo‘lib ulgurgan bo‘lardi.
Mezbonlar raqibning shiddatli hujumlaridan omon chiqib oldi, ammo o‘z vaziyatlaridan ham foydalana olmadi. Isakning zarbasidan keyin to‘p ustunga bordi, shvedlarning yana bir hujumi esa ancha vaqtgacha eslab yuriladigan epik ko‘rinishni yuzaga keltirdi. Maydon markazida to‘pni egallab olgan Yokeresh va himoyachilardan qochib ketgan Isak Bergval gol urishi uchun barcha ishni qilishgandi. Ammo «Tottenhem» futbolchisi bo‘sh darvoza qarshisida turib to‘pga zarba bera olmadi.
Ikkinchi bo‘limda esa Sou jarima maydonida yiqitildi va Jaka belgilangan penaltini aniq ijro etdi. Hakamning o‘yin yakunlangani to‘g‘risidagi hushtagi chalinishi arafasida Shveytsariya rikoshet orqali hisobdagi ustunligini oshirdi.
Kosovo – Sloveniya 0:0
Kosovo: Murich, Aliti, Xaydari, Gallapeni (Sadriu, 88), Krasnichi, Avdullaxu, Redjbechay (Berisha, 50), Voyvoda, Rraxmani (Rashitsa, 77), Musliya (Jyegrova, 88), Murichi (Asllani, 77)
Sloveniya: Oblak, Biyol, Drkushich, Karnichnik, Brekalo, Elshnik, Gnezda Cherin, Stoyanovich (Yanja, 71), Seshlar (Xorvat, 71), Gradishar (Vipotnik, 63), Sheshko
Ogohlantirishlar: Aliti, 48. Avdullaxu, 79 – Seshlar, 21. Elshnik, 46
Bu o‘yin natijasini Shvetsiya uchun ham, Shveytsariya uchun ham qoniqarli deyish mumkin. Butun o‘yin davomida ikki jamoa jami ikki marta darvoza sohasiga to‘g‘ri borgan zarba yo‘lladi – shuning o‘zi o‘yin haqida ko‘p narsani aytadi. Kosovo birinchi davrani guruh jadvalining ikkinchi pog‘onasida yakunlamoqda, Sloveniya – uchinchi o‘rinda. Shveytsarlar tez orada JCh yo‘llanmasini kafolatlaydi, qolgan uch jamoa ikkinchi o‘rin orqali pley-offga chiqishga harakat qiladi.
13 oktyabr. Sloveniya – Shveytsariya, Shvetsiya – Kosovo.
«Siti» «Arsenal»ga yetib olmoqda, «Liverpul» ikki gol ustunligini saqlab qololmadi. Shanba oqshomida Yevropa futbolida ro‘y bergan asosiy voqealar, o‘yinlardagi gollar va turnir jadvallaridagi vaziyat.
Angliya: «Arsenal» yana «Villa»ga yutqazdi
«Aston Villa» – «Arsenal» 2:1
Gollar: Kesh, 36 (1:0). Trossar, 52 (1:1). Buendiya, 90+5 (2:1)
«Aston Villa»: Martines, Konsa, Pau Torres (Lindelef, 87), Matsen, Kesh (Buendiya, 87), Onana (Bogard, 75), Kamara, Tilemans, Rodjyers, Makginn (Sancho, 75), Uotkins (Malen, 66)
«Arsenal»: Rayya, Inkapiye, Timber, Kalafiori (Lyuis-Skelli, 86), Uayt, Subimendi, Rays, Edegor, Eze (Yokeresh, 46), Saka (Madueke, 79), Merino (Trossar, 46, Martinelli, 86)
Ogohlantirishlar: Kalafiori, 72. Saka, 74
«Arsenal» yozdan beri yutqazmay kelayotgandi, ammo bu turda jamoani Birminghemga qiyin safar kutatgandi. «Aston Villa» hozirda yuqori sport formasida, jamoa bosh murabbiyi Unai Emerining esa sobiq jamoasi «kanonirlar» bilan o‘z hisob-kitobi bor. Mehmonlar o‘yinni birinchi raqamda boshladi va xavfli vaziyatlar yaratdi, epizodlardan birida Emiliano Martines bor mahoratini ishga solishiga to‘g‘ri keldi, yana bir vaziyatda esa londonliklarning goli ofsayd tufayli bekor qildi. Ammo bu vaziyatlardan chiqib olgan mezbonlar hisobni ochishdi. Chap qanot himoyachisi qarama-qarshi qanotga uzatma berdi, o‘ng qanotda bo‘sh qoldirilgan himoyachi Kesh to‘pni Rayyaning oyoqlari orasidan o‘tkazdi.
Ikkinchi bo‘lim «Arsenal»dagi o‘zgarishlar bilan boshlandi. Merino va Eze o‘rniga Yokeresh hamda Trossar maydonga tushishdi. Bu mehmonlar hujumiga impuls qo‘shdi. Ikki futbolchida ham ketma-ket vaziyatlar yuzaga keldi va aynan belgiyalik vinger 59-daqiqada hisobni tenglashtirdi. Bu Trossar uchun APLdagi 50-golga aylandi, u joriy mavsumda «gol+pas» bo‘yicha 6+5 ko‘rsatkichini qayd etmoqda – bu esa rotatsiya futbolchisi uchun yomon natija emas.
«Arsenal» yana tashabbusni qo‘lga oldi va raqibni uzil-kesil taslim qilishga harakat qildi, ammo «Villa» yana raqib bosimidan chiqib keta oldi. Avvaliga Malen qulay vaziyatda aniq zarba bera olmadi, o‘yinga qo‘shib berilgan daqiqalar tugayotganida esa mehmonlar himoyachilari to‘pni jarima maydonidan uzoqlashtira olmadi va zaxiradan tushganiga ko‘p bo‘lmagan Buendiya g‘alaba golini urib ketdi – 2:1.
Bu «kanonirlar» uchun Mikel Arteta davrida «Villa»dan oltinchi mag‘lubiyat bo‘ldi. Jamoa uchun APLda bundan qiyinroq raqib faqat «Manchester Siti» (7 mag‘lubiyat). Shunday ekan, shanba kungi o‘yin natijasini sensatsiya deb bo‘lmaydi. Mavsum startidagi muvaffaqiyatsizlikdan keyin (g‘alabasiz to‘rt o‘yin) «Villa» o‘z o‘yinini topib oldi va kuchli uchlikka mustahkam o‘rnashib oldi (birinchi o‘rin bilan farq atigi 3 ochko).
«Manchester Siti» – «Sanderlend» 3:0
Gollar: Ruben Diash, 31 (1:0). Gvardiol, 35 (2:0). Foden, 65 (3:0)
«Manchester Siti»: Donnarumma, Ruben Diash, Gvardiol (Ake, 70), O`Rayli, Mateus Nunes, Gonsales, Foden (Reynders, 69), Bernardu Silva (Lyuis, 82), Doku, Sherki (Savio, 82), Holand (Marmush, 69)
«Sanderlend»: Rufs, Ballard, Gertreyda, Alderete, Hyum (O`Nayyen, 88), Mukiyele, Sadiki (Mandl, 72), Jaka (Adingra, 72), Le Fe, Traore (Talbi, 56), Izidor (Brobbi, 56)
Ogohlantirish: Gvardiol, 37
Chetlatish: O`Nayyen, 90
«Arsenal»ning mag‘lubiyati esa «Siti»ga qo‘l keldi. «Etihad»da mehmon bo‘lgan «Sanderlend» o‘z darvozasiga to‘g‘ri borgan dastlabki ikki zarbadan ikki gol o‘tkazib yubordi. Avvaliga Ruben Diash jarima maydoni tashqarisidan olis burchakni aniq nishonga oldi, bir necha daqiqa o‘tib Gvardiol Foden burchakdan oshirgan to‘pni boshda darvozaga yo‘lladi. Lekin bu mavsumda «Siti» bir necha bor 2:0 hisobida oldinda borgan o‘yinlarida ustunlikni qo‘ldan boy bergandi va muxlislar hali xotirjamlikka berila olmasdi.
Oldingi dam olish kunlarida ham «Lids»ga qarshi o‘yinda ikki to‘p farqi yo‘qqa chiqqan, faqat qo‘shimcha daqiqalarda g‘alaba goli urib ketilgandi (3:2), hafta o‘rtasida esa «Siti» «Fulhem» bilan o‘yinda to‘rt gol farqini boy berishiga sal qolgandi (5:4). Shanba kuni ham ikkinchi bo‘lim boshida mehmonlar hujumkorlikni oshirganida, «shaharliklar» muxlislari hayajonda o‘tirishiga to‘g‘ri keldi. Donnarumma Izidor bilan yakkama-yakka vaziyatda qutqardi, Jakaning jarima zarbasidan keyin to‘p ustunga tegdi. Holand esa maydonni golsiz tark etishiga to‘g‘ri keldi, ikkinchi bo‘limda uning zarbasidan keyin Gertrayda to‘pni chiziq ustida to‘xtatib qoldi. Faqat 65-daqiqada Sherkining rabona uslubidagi uzatmasidan keyin Foden bosh bilan aniq zarba yo‘llab, o‘yindagi intrigaga barham berdi.
Bu g‘alabadan keyin «Manchester Siti» turnir jadvalida «Aston Villa»ni quvib o‘tib, ikkinchi o‘ringa ko‘tarildi va «Arsenal» bilan oradagi farqni ikki ochkogacha qisqartirdi. APLda chempionlik poygasida intriga qizimoqda.
«Bornmut» – «Chelsi» 0:0
«Bornmut»: Petrovich, Senesi (Hill, 62), Diakite, Tryuffer, Smit, Skott, Taverniye, Klyuyvert (Bruks, 74), Semenyo, Ximenes (Adli, 74), Evanilson (Enes Yunal, 87)
«Chelsi»: Sanches, Chaloba, Fofana, Kukurelya, Gyusto, Fernandes, Jyeyms, Palmer (Joao Pedro, 58), Garnacho (Estevao, 77), Pedru Netu, Delap (Giu, 32)
Ogohlantirishlar: Giu, 85. Pedru Netu, 90
Chempionlik poygasidagi yana bir jamoa «Chelsi» esa «Arsenal»ning qoqilishidan foydalana olmadi. Enso Mareska shogirdlari «Bornmut» maydonida golsiz durang qayd etishdi va endi yakshanba kuni «Kristal Pelas» «Fulhem»ni mag‘lub etadigan bo‘lsa, tur yakunlariga ko‘ra kuchli to‘rtlikdan chiqib ketishi ham mumkin.
«Nyukasl Yunayted» – «Byornli» 2:1
Gollar: Gimarayns, 31 (1:0). Gordon, 45+8 – penalti (2:0). Flemming, 90+4 – penalti (2:1)
«Nyukasl Yunayted»: Ramsdeyl, Sher, Tshau, Bern (Holl, 63), Livramento, Gimarayns, Uillok (Mayli, 63), Remsi (Tonali, 90+6), Gordon (Joelinton, 74), Elanga, Voltemade (Vissa, 74)
«Byornli»: Dubravka, Estev, Ekdal (Edvards, 90+5), Lukas Pires, Uoker, Kallen, Florentinu (Loran, 65), Ugochukvu, Brun Larsen (Entoni, 86), Broyya (Flemming, 86), Foster (Uorrall, 46)
Ogohlantirishlar: Livramento, 52. Remsi, 90 – Uoker, 35. Loran, 89
Chetlatish: Lukas Pires, 43
Nyukasldagi o‘yinda hisobni ochgan Brunu Gimaraesning goli nafaqat turning, balki mavsumning eng chiroyli goli bo‘lishga da’vogarlik qiladi. U korner ijro etishda to‘pni aylantirib, darvozaning olis burchagiga joyladi. Bu APL tarixidagi yigirmanchi shunday gol urilishi bo‘ldi, «qarg‘alar» uchun esa birinchisi. Birinchi bo‘lim oxirida «Byornli» bir kishi ozchilik bo‘lib qoldi va amalda o‘yin taqdiri hal bo‘ldi, Pires qizil kartochka olishdan tashqari, jamoasi darvozasiga penalti qo‘yilishiga sababchi bo‘ldi. Nuqtaga yaqinlashgan Gordon aniq zarba berdi. Ikkinchi bo‘limga qo‘shib berilgan daqiqalarda Flemming 11 metrdan urgan gol esa amalda hech narsani o‘zgartira olmadi.
«Tottenhem» – «Brentford» 2:0
Gollar: Risharlison, 25 (1:0). Simons, 43 (2:0)
«Tottenhem»: Vikario, Romero (Danso, 81), van de Ven, Spens, Porro, Grey, Bentankur (Palinya, 65), Simons, Risharlison, Quddus (Sarr, 80), Kolo Muani (Odober, 74)
«Brentford»: Kelleher, van der Berg, Kollinz, Ayyer (Henri, 46), Kayode (Hiki, 76), Henderson, Yarmolyuk (Yanelt, 76), Damsgor (Yyensen, 61), Uattara (Lyuis-Potter, 88), Shade, Tiago
Ogohlantirishlar: Romero, 31. Porro, 47. Grey, 77 – Kayode, 28. Ayyer, 45. Shade, 60. Yarmolyuk, 72
«Tottenhem» nihoyat chempionatda ilk bor uy o‘yinida g‘alaba qozonib, muxlislarini xursand qildi, «shporlar»ning birinchi bo‘limdagi asosiy dvigateli Simons bo‘ldi. Niderlandiyalik yarimhimoyachi avvaliga hisobni ochgan Risharlisonga assistentlik qildi, keyin esa o‘zi himoyachilardan qochib ketib, APLdagi ilk golini urdi. Agar hafta o‘rtasida Nyukaslda qayd etilgan irodali durang hisobga olinsa, aytish mumkinki, Tomas Frank shogirdlari inqirozdan chiqmoqda. Bu savolga aniq javobni yaqin turlarda bilib olish mumkin, hozircha esa londonliklar, xuddi «Nyukasl» kabi top-4 dan uch ochkolik masofada bormoqda.
«Lids» – «Liverpul» 3:3
Gollar: Ekitike, 48 (0:1). Ekitike, 50 (0:2). Kalvert-Lyuin, 73 – penalti (1:2). Shtah, 75 (2:2). Soboslai, 80 (2:3). Tanaka, 90+6 (3:3)
«Lids»: Perri, Biyol (Aaronson, 65), Streyk, Rodon, Ampadu (Piru, 87), Shtah, Gruyev (Tanaka, 65), Gudmundsson, Bogl (Bornau, 90+3), Kalvert-Lyuin, Okafor (Nionto, 65)
«Liverpul»: Alisson, van Deyk, Konate, Kerkez, Bredli (Gomes, 68), Jons, Gravenberh, Virs (Makallister, 68), Gakpo (Endo, 83), Soboslai, Ekitike (Isak, 84)
Ogohlantirishlar: Bogl, 20. Gudmundsson, 26. Streyk, 89 – Bredli, 45. van Deyk, 81. Gomes, 90
Saloh qatorasiga uchinchi bor zaxira o‘rindig‘ida qoldirildi. Arne Slot yana shunday yurishga qo‘l urdi va translatsiya rejissyori «Liverpul» yana birinchi bo‘limda gol ura olmaganidan keyin misrlik hujumchini yirik planda namoyish etdi. Ammo ikkinchi bo‘lim mehmonlarning gollari bilan boshlandi, Ekitike «Lids» himoyachilarining qo‘pol xatosidan foydalanib ketdi. Birinchi holatda fransuz hujumchisi raqib himoyachisining xato pasidan keyin to‘pga ega chiqib, darvozabon bilan yakkama-yakka vaziyatda hisobni ochdi. Ikkinchi holatda qanotda to‘pni olib qo‘ygan Bredlining uzatmasiga barchadan birinchi yetib bordi.
Ikki daqiqa – ikki gol. Mezbonlar bunday zarbadan o‘ziga kela olmaydigandek ko‘ringandi, ammo Daniel Farke o‘z shogirdlarini favoritlardan qo‘rqmasdan o‘ynashga o‘rgatgani yana bir bor o‘z isbotini topdi. Ushbu jamoa o‘tgan haftada «Manchaster Siti» bilan tengma-teng o‘yin ko‘rsatgan, hafta o‘rtasida «Chelsi»ni mag‘lub etgandi va shanba kuni ham iroda ko‘rsata oldi. Bu ko‘p jihatdan Konatening aybi bilan sodir bo‘ldi, fransiyalik himoyachi keraksiz vaziyatda Niontoga fol ishlatdi va VAR tekshiruvidan keyin mehmonlar darvozasiga penalti belgilandi.
Keyin esa ushbu himoyachi hisobni tenglashtirgan Shtahni qarshi olishga bormadi. Va bu hali hammasi emasdi. «Liverpul» ikkinchi golni o‘tkazib yuborganidan keyin to‘liq kuch bilan hujumga o‘tdi va Soboslai mehmonlarga hisobdagi ustunlikni qaytardi.
Ammo mersisaydliklar qo‘shimcha daqiqalarda g‘alabani saqlab qola olishmadi, o‘tgan turda «Chelsi» darvozasini ishg‘ol etgan Tanaka, bu safar «Liverpul» muxlislarini ranjitib, 90+6-daqiqada hisobni tenglashtirdi. Mavsum debyutantlariga qarshi qatorasiga ikki o‘yinda ochko yo‘qotgan «Liverpul» 8-o‘rinda qolmoqda.
Ispaniya: Ferranda het-trik
«Betis» – «Barselona» 3:5
Gollar: Antoni, 6 (1:0). Torres, 11 (1:1). Torres, 13 (1:2). Barji, 31 (1:3). Torres, 40 (1:4). Yamal, 59 – penalti (1:5). Liorente, 85 (2:5). Ernandes, 90 – penalti (3:5)
«Betis»: Vales, Natan (Liorente, 60), Bartra (Firpo, 60, Rodriges, 89), Gomes, Ruibal, Pablo Fornals, Roka, Altimira (Deossa, 46), Azzalzuliy, Antoni (P. Garsiya, 75), Ernandes
«Barselona»: X. Garsiya, Kubarsi, Martin (de Yong, 63), Balde (Kristensen, 46), Kunde, E. Garsiya (Torrens, 81), Pedri (Bernal, 63), Bardji (Fermin Lopes, 68), Reshford, Yamal, Torres
Ogohlantirishlar: Altimira, 21. Deossa, 59. Ruibal, 67. Gomes, 87 – Martin, 48. Kunde, 90
«Barselona» yana tezkor gol o‘tkazib yubordi. Bu golli kombinatsiyani kataloniyaliklar tarbiyalanuvchisi Azzalzuliy boshlab berdi, Antoni esa himoyachilarning sun’iy ofsayd hosil qilishdagi xatosidan foydalanib, hisobni ochdi. Lekin Hansi Flik shogirdlari nafaqat darhol hisobni tenglashtirishdi, balki ikki daqiqadagi ikki gol bilan hisobda oldinga ham chiqib olishdi. Asosiy tarkibdan Levandovskini siqib chiqargan Ferran Torres Kunde va Barjining uzatmalarini golga aylantirdi.
«Barsa» bu bilan to‘xtash haqida o‘ylamadi va bo‘lim o‘rtalaridan o‘tganda Barji ko‘k-anorranglilar safidagi ilk golini urdi. Shvetsiyalik futbolchi Pedridan to‘pni qabul qilib olib, yaqin burchakni aniq nishonga oldi. Shu yozda «Kopenhagen»dan olib kelgan vinger gol va pas bilan o‘yinning eng yaxshi futbolchisi bo‘lishi mumkin edi. Ammo bu maqomni undan bo‘lim oxirida het-trik qayd etgan Ferran qaytarib oldi. «Betis» uning uchun La Ligadagi eng sevimli raqibga aylandi (7+2), u o‘z faoliyatidagi ikki het-trikni ham ushbu jamoaga qarshi safar o‘yinlarida nishonlagan. Ikkinchi bo‘limda Yamal penaltidan hisobni o‘ta yirik ko‘rinishga keltirdi, o‘yin oxirida Liorente va Ernandes urgan javob gollari esa amalda hech narsani o‘zgartirmadi. Endi Flik shogirdlari yana turnir jadvalida «Real» bilan oradagi farqni to‘rttaga oshirdi, lekin madridliklar tur doirasidagi o‘yinni bugun «Selta»ga qarshi o‘tkazadi.
«Atletik» – «Atletiko» 1:0
Gollar: Berenger, 85 (1:0)
«Atletik»: Simon, Paredes, Lyaport (Vivian, 33), Berchiche, Areso (Gorosabel, 82), Ruis de Galarreta (Gomes, 66), Xauregisar, Sanset (Iseta, 82), Uilyams, Berenger, Guruseta (Rego, 66)
«Atletiko»: Oblak, Langle (Rudjyeri, 62), Pubil, Gansko, Molina, Gallaher (Koke, 46), Barrios, Gonsales (Raspadori, 72), Simeone, Almada (Serlot, 62), Alvares (Grizmann, 66)
Ogohlantirishlar: Xauregisar, 14. Ruis de Galarreta, 20. Lyaport, 28 – Gallaher, 12. Koke, 90
Kunning oxirgi o‘yinini Berengerning goli bezab berdi, u jarima maydoni tashqarisida turib, Niko Uilyamsning uzatmasiga bir teginishda darvozani ishg‘ol etdi. Hafta o‘rtasida «Real»ga yirik hisobda yutqazgan basklar nihoyat «San-Mames»da bayram qilishdi. «Atletiko»ga qarshi o‘yindagi g‘alaba jamoa uchun juda muhim edi, chunki bu o‘yinda ham muvaffaqiyatsizlikka uchralsa, jamoa yevrokuboklar uchun kurashda ancha ortda qolib ketishi mumkin edi. «Atletiko» uchun esa vaziyat nisbatan yaxshi – beshinchi o‘rinda kelayotgan «Betis» bilan oradagi yetti ochkolik farq saqlanib qolgan.
Leo eng yaxshi yillarini yodga solib, finalni hal qildi.
Foto: Rich Storry/Getty Images
MLS kubogi finali. 7 dekabr
«Inter Mayami» – «Vankuver» 3:1
Gollar: Okampo 8 avtogol, De Paul 71, Allende 90+6 – Ahmed 60
«Inter Mayami»: Rios Novo, Frey (Veygant, 90+1), Falkon, Buskets, Allen, Alba, Silvetti (Brayt, 78), De Paul, Rodriges (Segoviya, 57), Alende, Messi.
«Vankuver»: Takaoka, Okampo, Blekmon, Laborda, Ahmed (Gold, 68), Priso (Pupe, 68), Kubas (Kabrera, 82), Berxalter, Sabbi (Jyeydon Nelson, 90+1), Myuller, Uayt.
Ogohlantirishlar: Rodriges (13), Falkon (48), De Paul (86), Rios Novo (90+9) – Uayt (17), Okampo (45), Blakmon (66), Kubas (74), Laborda (86), Berxalter (90+4)
«Inter Mayami» Messi bilan birgalikda o‘z tarixida ilk bor MLS chempioniga aylandi – bu oltinchi urinishda ro‘y berdi. Pley-off finalida Tomas Myuller boshchiligidagi «Vankuver Uaytkeps» (3:1) mag‘lub etildi. Leo Messi ikkita golga uzatma berdi.
«Inter» darhol avtogol yordamida hisobni ochdi. O‘tkazib yuborilgan goldan keyin esa Messi katta sahnaga chiqdi
«Inter» avtogol evaziga hisobda oldinga chiqib oldi. «Mayami» yarimhimoyachisi Tadeo Alende o‘ng qanotdan to‘pni jarima maydoniga uzatdi, Ediyer Okampo esa to‘pga oyog‘ini qo‘yishda xato qildi va o‘z darvozasini ishg‘ol etib qo‘ydi. Messi ushbu golli hujumda ham ishtirok etdi.
Keyin esa «Inter» biroz ortga qaytdi, «Vankuver» esa bosimni kuchaytirdi. 8-daqiqadayoq hisob ochilishi «Inter»ning zarariga ishladi deyish ham mumkin. Shundan keyin floridaliklar biroz xotirjamoikka berildi va kanadaliklar tashabbusni qo‘lga olib, bir necha xavfli vaziyatlar yaratishdi, 60-daqiqada esa hisob tenglashdi. Ali Ahmed yaqin burchakka kuchli zarba yo‘lladi, «Inter» darvozaboni Rokko Rios to‘pni o‘tkazib yubordi.
Shundan keyin Messi o‘yinni o‘zgartirib yubordi. 71-daqiqada Leo to‘pni raqibdan olib qo‘ydi va uni himoyachilar ortiga ochilayotgan Rodrigo De Paulning yo‘liga tashlab berdi, argentinalik yarimhimoyachi olis burchakni aniq nishonga oldi. O‘yinga qo‘shib berilgan daqiqalarda esa Messi yana bir golli uzatma amalga oshirdi, Alende o‘yinga so‘nggi nuqtani qo‘ydi.
De Paul uchun bu MLS chempionatidagi ilk gol edi va shu gol finalda g‘alaba olib keldi. Messi ikki assist bilan o‘yin taqdirini hal qildi.
Messi mavsumni kuchli o‘tkazdi. Alba va Buskets faoliyatidagi so‘nggi o‘yinda sovrin qo‘lga kiritdi
Devid Bekhem va «Inter» nihoyat maqsadga erishdi.
● Messi MLS pley-off bosqichini ajoyib o‘tkazdi: olti o‘yinda olti gol va yetti assist muallifi bo‘ldi. Butun mavsum davomida esa 34 o‘yinda 58 ta golli harakat amalga oshirdi (35+23).
● Milliy jamoadagi o‘yinlar bilan qo‘shib hisoblaganda esa Messi 2025 yilda gol+pas tizimida 73 ochko jamg‘ardi. Bu uning faoliyatida to‘qqizinchi marta bir yilda 70+ ochko ishlashi bo‘ldi. Unda bunday ko‘rsatkich oxirgi bor 2017 yilda kuzatilgandi. Bu boradagi eng yuqori natijasi esa 2012 yilda qayd etilgan – 112 golli harakat.
● «Inter» Messi bilan ilk bor MLS pley-offida birinchi raunddan o‘ta olgandi va oxirigacha bordi. Bungacha «Mayami» pley-offda ikki marta o‘ynagandi. 2022 yilda birinchi raundda «Nyu York Siti»dan mag‘lub bo‘lgan (0:3), ikki yil o‘tib – xuddi shu bosqichda «Atlanta» to‘sig‘idan o‘ta olmagan (2:1, 1:2, 2:3).
● Holbuki bu mavsumda pley-off «Inter» uchun qiyin boshlangandi. «Neshvill»ga qarshi birinchi o‘yinda ishonchli g‘alabaga erishilgach (3:1), javob o‘yinida bu ustunlik boy berilishiga bir baxya qolgandi (1:2). Messi o‘shanda o‘yin oxirida chiroyli gol bilan hisobni qisqartirgandi, ammo MLS pley-offida gollar nisbati ahamiyatga ega emas. Shu tufayli, jamoalar o‘rtasida uchinchi o‘yinni o‘tkazishga to‘g‘ri kelgandi va bu o‘yinda yirik g‘alaba qayd etilgandi (4:0). Keyingi raqiblar bilan esa osonroq bo‘ldi: «Inter» avvaliga «Tsinsinnati» (4:0) va «Nyu York Siti» (5:1) klublariga imkon qoldirmadi, finalda «Vankuver» ham mag‘lub etildi.
● Serji Buskets va Jordi Alba faoliyatini yorqin g‘alaba bilan yakunlaydigan bo‘lishdi. Busketsda endi sovrinlar soni 38 taga yetdi, Albada bu ko‘rsatkich 25 taga teng.
● Messining sovrinlari soni esa allaqachon 50 ga yaqinlashgan (48) va u hali futboldan ketmoqchi emas. U «Inter» bilan 2023 yilgi liga kubogini qo‘lga kiritgan, 2024 yilda MLS muntazam chempionatida g‘olib chiqqan, endi esa Amerikadagi eng asosiy sovrinni ham boshi uzra ko‘tardi.
MLSda keyingi mavsum 2026 yil fevralida boshlanadi. «Inter» uchun oldindagi mavsum Buskets va Albasiz kechadi.
Бугун Туркия чемпионатининг 15-турида «Башакшеҳир» ўз майдонида «Фенербаҳче»га қарши тўп суради.
Ўйин бизнинг вақт билан соат 22:00 да бошланади.
«Башакшеҳир» бош мураббийси Элдор Шомуродов ва Аббосбек Файзуллаевни асосий таркибда майдонга туширишга қарор қилди.
Туркия Суперлигаси. 15-тур
Башакшеҳир — Фенербаҳче
Башакшеҳир: Шенгезер, Омер Али, Дуарте, Ба, Опери, Кемен, Умут, Файзуллаев, Ҳарит, Шомуродов.
Kecha JCh-2026ga qur’a tashlanganidan so‘ng, Opta statistik portali guruhlarni kuchli va kuchsizlarga taqsimladi.
Portal Argentina, Jazoir, Avstriya va Iordaniya o‘rin olgan J guruhini «o‘lim guruhi» (eng qiyin guruh) sifatida e’tirof etdi.
Shuningdek, I guruhi (Fransiya, Senegal, Norvegiya hamda qit’alararo pley-off g‘olibi — Iroq / Boliviya / Surinam) va F guruhi (Niderlandiya, Yaponiya, Tunis hamda UEFA pley-off g‘olibi — Ukraina / Polsha / Shvetsiya / Albaniya) eng qiyin guruhlar sifatida ko‘rsatildi.
O‘zbekiston joy olgan guruh qiyinligi bo‘yicha oltinchi o‘ringa joylashtirildi.
Opta talqiniga ko‘ra, guruhlarning qiyinlik darajasi bo‘yicha tartibi:
1. J guruhi — Argentina, Jazoir, Avstriya, Iordaniya;
2. I guruhi — Fransiya, Senegal, Norvegiya va qit’alararo pley-off g‘olibi (Iroq / Boliviya / Surinam);
3. F guruhi — Niderlandiya, Yaponiya, Tunis va UEFA pley-off g‘olibi (Ukraina / Polsha / Shvetsiya / Albaniya);
4. H guruhi — Ispaniya, Kabo-Verde, Saudiya Arabistoni, Urugvay;
5. L guruhi — Angliya, Xorvatiya, Gana, Panama;
6. K guruhi — Portugaliya, O‘zbekiston, Kolumbiya va qit’alararo pley-off g‘olibi (Kongo DR / Yamayka / Yangi Kaledoniya);
7. S guruhi — Braziliya, Marokash, Gaiti, Shotlandiya;
8. D guruhi — AQSh, Paragvay, Avstraliya va UEFA pley-off g‘olibi (Turkiya / Ruminiya / Slovakiya / Kosovo);
9. G guruhi — Belgiya, Misr, Eron, Yangi Zelandiya;
10. A guruhi — Meksika, JAR, Janubiy Koreya va UEFA pley-off g‘olibi (Daniya / Shimoliy Makedoniya / Chexiya, Irlandiya);
11. E guruhi — Germaniya, Kyurasao, Kot’d-Ivuar, Ekvador;
12. B guruhi — Kanada, Qatar, Shveysariya va UEFA pley-off g‘olibi (Italiya / Shimoliy Irlandiya / Uels / Bosniya va Gersegovina).
Futbol bo‘yicha 2026 yilgi Jahon chempionatiga qur’a tashlandi. Unga ko‘ra, O‘zbekistonning ilk mundialdagi birinchi raqiblari Kolumbiya va Portugaliya bo‘ladi. Qit’alararo saralashdan o‘tib, guruhimizdan joy egallashga Kongo DR, Yamayka va Yangi Kaledoniya da’vogarlik qilyapti. Xo‘sh, guruhimiz haqida dastlabki munosabatlar qanday?
O‘zbekiston milliy jamoasi bosh murabbiyi Fabio Kannavaroning so‘zlariga ko‘ra, JChga chiqqandan keyin u yerda raqib tanlash ma’nosiz, chunki u yerda kuchsiz jamoa bo‘lmaydi.
“Bu – jahon chempionati, bu yerda qur’ada kim tushishiga qarab shikoyat qilib bo‘lmaydi. Portugaliya ham, Kolumbiya ham juda jiddiy raqiblar. Futbolchilarimiz uchun bu bellashuvlar katta hayajon va qimmatli tajriba bo‘ladi”, – dedi Kannavaro.
Italiyalik mutaxassisning aytishicha, uning shogirdlari har bir o‘yinda bor kuch bilan maydonga tushadi. “Mundialda bo‘layotganimizdan juda mamnunmiz. Endi eng muhimi – tayyorgarlikni to‘g‘ri olib borish va oxirigacha kurashish”, – deydi u.
O‘FA birinchi vitse-prezidenti Ravshan Ermatov qur’a hayajonli bo‘lganini aytdi.
“Albatta, JCh – bu biz uchun birinchi tajriba. Ishonamizki, jamoamiz yaxshi tayyorgarlik ko‘rib, xalqimizni xursand qilib, chiroyli o‘yinlari bilan keyingi bosqichlarga chiqish vazifasini uddalaymiz. JChda o‘yinlar bir-biridan qiziq bo‘ladi, oson o‘yin bo‘lmaydi, shunga yarasha puxta tayyorgarlik ko‘ramiz. Eng muhimi, muxlislarimiz bilan mana shu JChdan zavqlanib… Bu – butun umrga esda qoladigan O‘zbekistonning birinchi jahon chempionati bo‘ladi”, – dedi u.
Milliy jamoa sardori Jaloliddin Masharipov qur’adan oldin Portugaliya tushishini taxmin qilganini aytdi.
“Qur’adan avval Portugaliya tushsa kerak, deb o‘ylagandim. Muxlislar ham Ronaldu yo Messining jamoasi duch kelishini xohlashayotgandi. Portugaliya bilan tushganimiz yaxshi bo‘ldi. Bunday tashqari, Kolumbiya ham yaxshi jamoa. Xudo xohlasa, zo‘r o‘yinlar o‘tkazamiz. Birinchi vazifamiz – guruhdan chiqish va umid qilamanki, buni uddalaymiz”, – dedi hujumchi
Guruh favoriti – Portugaliya bosh murabbiyi Roberto Martines guruhdoshlaridan jiddiy raqobat kutayotganini aytdi.
“Endi qur’a natijalariga qarab tayyorgarlikni boshlasak bo‘ladi. Guruhimizdan mamnunmiz, chunki birinchi o‘yinni 17 iyunda o‘tkazish imkoniga ega bo‘ldik, bu – tayyorgarligimizga aniq yo‘nalish beradi. Avvaliga pley-offdan o‘tgan jamoaga qarshi o‘ynaymiz, shuning uchun raqibimizni hozircha bilmaymiz. Lekin Kolumbiya va O‘zbekistonga nisbatan hurmatimiz yuqori. Ular jahon chempionatiga puxta tayyorlangan va jiddiy raqobat taklif qiladigan jamoalar”, – deya Roberto Martinesning so‘zlarini keltirmoqda FIFA matbuot xizmati.
O‘zbekiston – JCh-2026 yilda qatnashadigan sobiq sovet makonidagi yagona davlat bo‘ladi. Rossiyalik sport sharhlovchisi Denis Kazanskiy qur’a natijalariga munosabat bildirarkan, Abbos Fayzullayev Krishtianu Ronalduga qarshi o‘ynashiga e’tibor qaratdi.
“Intrigali guruh deyarli yo‘q. Hammasi bo‘linib ketgandek. Balki Marokash, Braziliya va Shotlandiyadan iborat guruhda nimadir yangilik bo‘lar. Angliya, Xorvatiya, Gana, Panama ham yomon emas.
O‘zbekiston uchun juda xursandman. Abbos Krishtianuga qarshi o‘ynaydi. O‘ylashimcha, ular sensatsiya qila olishadi”, – dedi Kazanskiy.
Eslatib o‘tamiz, O‘zbekistonning JChdagi ilk o‘yini 17 iyun kuni Kolumbiyaga qarshi, ikkinchi turda esa 23 iyun kuni Portugaliyaga qarshi bo‘lib o‘tadi. Bu ikkala o‘yin yo AQShning Texas shahrida, yoki Meksika poytaxtida o‘tadi. Uchinchi turda saralashdan o‘tgan raqib bilan to‘qnashamiz va bu uchrashuv AQShning yo Florida, yo Jorjiya shtatida o‘tadi. Qaysi o‘yin qayerda bo‘lishi keyinroq ma’lum bo‘ladi.
O‘zbekistonliklar sog‘liqni saqlashga qariyb 17 trln so‘m sarfladi
Zamon sarhadlariga sig‘magan Parfyonov
Avtohalokatga uchragan mashinadan katta miqdordagi dori topildi
-
Jamiyat5 days agoСаида Мирзиёева атмосфера ҳавосининг ифлосланиши бўйича йиғилиш ўтказмоқда
-
Iqtisodiyot3 days agoO‘zbekistondan Daniyaga ilk bor oziq-ovqat va quruq meva eksport qilindi
-
Iqtisodiyot3 days agoPrezidentning Sirdaryoga tashrifi «River Med Pharm» korxonasidan boshlandi
-
Jamiyat4 days agoYunusobodda YTH oqibatida avtomobil yonib ketdi
-
Dunyodan4 days agoIndoneziyada bir necha kun ichida 700 dan ortiq kishi halok bo’ldi.
-
Siyosat3 days agoMarkaziy Osiyo mamlakatlari 2026 yilda suvdan foydalanish va suv havzalari tizimiga kelishib olishdi
-
Sport3 days ago«Real» ta’qibni davom ettirdi, «Liverpul» yana ochko yo‘qotdi. Kun o‘yinlari
-
Sport4 days agoShavkat Mirziyoyev Prezident Olimpiadasi ishtirokchilarini tabrikladi