Iqtisodiyot
Markaziy Yevropa agrar habida o‘zbek meva-sabzavotlari premium segmentga chiqmoqda
Mamlakatning Polshadagi elchixonasi diplomatlari Mazoviya voyevodaligida joylashgan Bronisze qishloq xo‘jaligi va oziq-ovqat ulgurji bozoriga tashrif buyurib, O‘zbekiston va Polsha o‘rtasida agrar va oziq-ovqat mahsulotlari savdosini kengaytirish masalalarini muhokama qildi. Markaziy Yevropaning ushbu yirik agrar habida o‘zbek tarvuzi, qovuni va quruq meva mahsulotlari premium segmentda o‘z o‘rnini topayotgani qayd etildi.
“Dunyo” muxbiri xabariga ko‘ra, 1995 yilda tashkil etilgan Bronisze bozori Polshadagi eng yirik agrar savdo maydonlaridan biri hisoblanadi. Bozor Markaziy Yevropada meva-sabzavot, gullar va oziq-ovqat mahsulotlari savdosi bo‘yicha asosiy logistika nuqtasi sanaladi. 62 gektar maydonda joylashgan ushbu hududda 10 dan ortiq yirik savdo obektlari, zamonaviy logistika infratuzilmasi, saqlash va taqsimlash markazlari faoliyat yuritadi.
Elchixona vakillarining bozor direktori Kshishtof Karpa bilan uchrashuvi davomida O‘zbekiston va Polsha o‘rtasida agrosanoat va oziq-ovqat mahsulotlari savdosini kengaytirish imkoniyatlari muhokama etildi. Suhbatda jahon bozorida oziq-ovqat zanjiri, logistika yo‘nalishlari, shu jumladan, Markaziy Yevropaga yetkazib berilayotgan o‘zbek mahsulotlari ulushini oshirish masalalariga alohida to‘xtalib o‘tildi.
Bozor direktori Bronisze maydonida O‘zbekistondan import qilingan tarvuz, qovun va quruq mevalar muvaffaqiyatli sotilayotganini ta’kidladi.
— Bozorimizda Misr, Marokash, Italiya va Ispaniyadan keltirilgan tarvuz va qovunlar ham bor, — deydi Kshishtof Karpa. — Biroq O‘zbekistonda yetishtirilgan poliz va meva-sabzavot mahsulotlarining ta’mi va sifati yuqori bo‘lib, Polsha bozorida o‘z o‘rniga ega.
Muloqot chog‘ida tomonlar mahsulotlarni eksport-import qilishda Yevropa Ittifoqi sifat va xavfsizlik standartlariga to‘liq javob berish, yetkazib berish muddatiga rioya etish, logistika intizomiga amal qilish, bozor ehtiyojiga mos ravishda kerakli hajmda va belgilangan vaqtda taklif qilish bo‘yicha fikr almashdi.
Kshishtof Karpa bozor hududida bio mahsulotlar paviloni qurilishi boshlanganini ma’lum qilib, unda O‘zbekiston o‘z mahsulotlari bilan alohida ishtirok etishi mumkinligini qayd etdi. Bu esa o‘zbek meva-sabzavotlarini Markaziy Yevropa bio va premium segmentida ham faol targ‘ib etish uchun yangi imkoniyatlar eshigini ochadi.
Ma’lum qilinganidek, 2026 yilning birinchi yarimida O‘zbekiston O‘simliklar karantini va himoyasi agentligi direktori hamda Toshkent viloyati hokimi boshchiligidagi delegatsiyaning Polshaga tashrifi doirasida Bronisze bozori hududida O‘zbekiston qishloq xo‘jaligi va oziq-ovqat mahsulotlari degustatsiyasi, shuningdek, biznes-forum o‘tkazish rejalashtirilgan.
Uchrashuv yakunida Toshkent viloyatidagi ulgurji bozor hamda Bronisze o‘rtasida o‘zaro manfaatli hamkorlik o‘rnatish, 2026 yilda Kshishtof Karpa boshchiligida Polsha biznes-missiyasining O‘zbekistonga tashrifini tashkil etish, Bronisze bozori hududida o‘zbek meva-sabzavotlarini saqlash, saralash va qadoqlash imkoniyatlariga ega bo‘lgan maxsus logistika va savdo majmuasini barpo etish bo‘yicha kelishuvlarga erishildi.
Tomonlar bu kabi tashabbuslar o‘zbek meva-sabzavotlarini Markaziy Yevropa agrar bozorida yanada mustahkam pozitsiyaga olib chiqishi, mahsulotlarning premium segmentdagi mavqeini kuchaytirishga xizmat qilishini ta’kidladi.
Noyabr oyida zaxiralar 1,9 milliard dollarga o‘sdi, yil boshidan esa ular 20 milliard dollarga oshdi. Bu, avvalo, oltin narxi va hajmining ortishi bilan bog‘lanmoqda.
2025 yil 1 dekabr holatiga ko‘ra, O‘zbekistonning oltin-valuta zaxiralari 61,23 milliard dollarga yetdi. Bu haqda Markaziy bank ma’lum qildi.
Noyabr oyida zaxiralar 1,9 milliard dollarga o‘sdi, yil boshidan esa ular 20 milliard dollarga oshdi. Bu, avvalo, oltin narxi va hajmining ortishi bilan bog‘lanmoqda.
Oltinning fizik hajmi ketma-ket ikkinchi oy oshdi. Noyabrda u 310 ming troya unsiyaga (9,64 tonna) oshib, 12,23 million unsiyaga (380,4 tonna) yetdi.
Oltin zaxiralarining qiymati 3 milliard dollarga oshib, 50,86 milliard dollarga yetdi.
Zaxiralarning valuta qismi esa 1,1 milliard dollarga kamayib, 9,8 milliard dollarni tashkil etdi.
Qimmatli qog‘ozlar hajmi avvalgi oyga nisbatan 503,3 million dollarga ko‘payib, 1,53 milliard dollarni tashkil etdi.
O‘zbekistonliklar sog‘liqni saqlash sohasidagi xizmatlar uchun 10 oyda 16,5 trln so‘m sarflagan.
Milliy statistika qo‘mitasi ma’lumotlariga ko‘ra, 2025-yilning yanvar-oktyabr oylarida sog‘liqni saqlash sohasidagi bozor xizmatlari hajmi 16,5 trln so‘mga yetdi.
Bu ko‘rsatkich o‘tgan yilning mos davri bilan solishtirganda 15,4 % ga oshgan. Jami ko‘rsatilgan bozor xizmatlari hajmida ushbu xizmat turining ulushi 2 % ni tashkil etgan.
Hududlar kesimida sog‘liqni saqlash sohasidagi xizmatlar hajmi:
Toshkent shahri – 7,7 trln so‘m
Toshkent viloyati – 1,6 trln so‘m
Samarqand viloyati – 1,2 trln so‘m
Farg‘ona viloyati – 1,1 trln so‘m
Namangan viloyati – 747,7 mlrd so‘m
Andijon viloyati – 739 mlrd so‘m
Buxoro viloyati – 640,1 mlrd so‘m
Qashqadaryo viloyati – 612,8 mlrd so‘m
Xorazm viloyati – 557,8 mlrd so‘m
Surxondaryo viloyati – 416,8 mlrd so‘m
Jizzax viloyati – 398,8 mlrd so‘m
Sirdaryo viloyati – 293,1 mlrd so‘m
Qoraqalpog‘iston Resp. – 285,6 mlrd so‘m
Navoiy viloyati – 269 mlrd so‘m.
Qayd etilishicha, Nurota tog‘ tizmasining janubi-g‘arbiy qismida joylashgan ushbu kon O‘zbekiston tog‘-kon sanoatida strategik ahamiyatga ega bo‘lgan yirik obektlardan biri hisoblanadi.
Jizzax viloyatida 2,5 million tonna volfram zaxirasiga ega Qo‘ytosh koni ishga tushish arafasida, deb xabar berdi viloyat hokimligi matbuot xizmati.
Xabarga ko‘ra, xitoylik investorlar yil oxirigacha konni tozalash ishlarini tugallaydi. Kelasi yilda esa ruda qazib olish jarayonlari boshlanadi.
Kon hududida volframni ajratib olish bo‘yicha zamonaviy qayta ishlash zavodi barpo etiladi.
Qayd etilishicha, Nurota tog‘ tizmasining janubi-g‘arbiy qismida joylashgan ushbu kon O‘zbekiston tog‘-kon sanoatida strategik ahamiyatga ega bo‘lgan yirik obektlardan biri hisoblanadi.
Loyihaning birinchi bosqichida 100 nafarga yaqin fuqaro ish bilan ta’minlanadi va yiliga 150 ming tonna ruda qazib olinadi.
O‘zbekiston oltin-valyuta zaxiralari, 1-dekabr holatiga, 61,23 mlrd dollarga yetdi. Bu haqda Markaziy bank ma’lumot berdi.
Zaxiralar noyabrda 1,9 mlrd dollarga (+3,2 foiz) o‘sdi, yil boshidan esa 20 mlrd dollarga (+48,7 foiz) oshdi. Bu avvalo oltin narxi va hajmining ortishi bilan bog‘lanmoqda.
Qolaversa, Markaziy bank sotib olgan qimmatli qog‘ozlar qiymati ham sezilarli darajada oshgan — noyabrda 503 mln dollarga ko‘payib, $1,52 mlrdga yetgan.
Iqtisodiyot
O‘zbekistonliklarni Koreyaga ishga jo‘natishga tayyorlaydigan maxsus o‘quv ustaxonalari ochiladi
Uch oylik dasturda koreys tili va madaniyati, texnika xavfsizligi, Koreya metodikasi asosida amaliy avtomobil servisi o‘rgatiladi. O‘quvni muvaffaqiyatli tamomlaganlar Koreyaga ishga jo‘natiladi.
Foto: Migratsiya agentligi
Janubiy Koreyaning “KIA Auto” kompaniyasi rahbariyati Migratsiya agentligida bo‘ldi.
Uchrashuv yakunlariga ko‘ra, 2026 yil boshidan Migratsiya agentligi tomonidan KIA AUTO standartlariga mos maxsus o‘quv ustaxonalari ochiladi. Uch oylik dasturda koreys tili va madaniyati, texnika xavfsizligi, Koreya metodikasi asosida amaliy avtomobil servisi o‘rgatiladi.
O‘quvni muvaffaqiyatli tamomlaganlar E-7 vizasi (malakali ishchi) bilan Koreyaga ishga joylashtiriladi. E-7 vizasining asosiy talabi — koreys tilini TOPIK 1 darajasida bilish.
“Koreya Adliya vazirligi 2025 yildan boshlab avtomobil kuzovini bo‘yash yo‘nalishiga xorijlik mutaxassislarni jalb qilishga ruxsat berdi. Shu vaqtga qadar faqat mahalliy aholi ishlagan. O‘zbekiston ushbu loyihaga birinchi bo‘lib jalb etilmoqda”, deyiladi Migratsiya agentligi xabarida.
KIA Auto — Koreyaning yetakchi avtomobillarga xizmat ko‘rsatish tarmog‘i bo‘lib, mamlakat bo‘ylab 600 ga yaqin servis markazi bor. Yiliga 1 milliondan ortiq avtomobillarga texnik xizmat ko‘rsatadi va malakali kadrlarga ehtiyoj yuqori.
Hokimlik Nurafshonda prokuratura uchun 4,5 mlrd so‘mga avtoturargoh qurilayotgani haqidagi xabarlar bo‘yicha izoh berdi
20:47 O‘zbekistonliklar Yaponiyadagi qurilishlarga ishga yuboriladi
«Kimdir meni jamoada ko‘rishni istamayapti». Saloh shov-shuvli intervyu berdi
-
Jamiyat5 days agoСаида Мирзиёева атмосфера ҳавосининг ифлосланиши бўйича йиғилиш ўтказмоқда
-
Iqtisodiyot3 days agoO‘zbekistondan Daniyaga ilk bor oziq-ovqat va quruq meva eksport qilindi
-
Jamiyat4 days agoYunusobodda YTH oqibatida avtomobil yonib ketdi
-
Iqtisodiyot3 days agoPrezidentning Sirdaryoga tashrifi «River Med Pharm» korxonasidan boshlandi
-
Siyosat3 days agoMarkaziy Osiyo mamlakatlari 2026 yilda suvdan foydalanish va suv havzalari tizimiga kelishib olishdi
-
Dunyodan4 days agoIndoneziyada bir necha kun ichida 700 dan ortiq kishi halok bo’ldi.
-
Siyosat3 days agoPrezident Mirziyoyev Denis Manturov boshchiligidagi Rossiya delegatsiyasini qo’llab-quvvatlaydi
-
Sport3 days ago«Real» ta’qibni davom ettirdi, «Liverpul» yana ochko yo‘qotdi. Kun o‘yinlari