Jamiyat
“Faqat ovqat emas, emotsiya va nohaqliklarni ham ko‘tarishga majburmiz”: ofitsiantlar hayotida bir kun
Girgittonlik – ko‘plab yoshlar uchun vaqtinchalik daromad manbai. Bu ish tashqi tomondan oson ko‘rinadi, biroq ofitsiantlar hayotining parda ortidagi og‘riqli jihatlari ko‘pchilikka noma’lum. Taomlarni tez va sifatli yetkazish, kun bo‘yi tik oyoqda ishlash ularning kundalik mas’uliyati hisoblanadi. Ammo girgittonlar kezi kelganda sabrsiz mijozlarning qo‘polligini ko‘tarish, buyurtmalar ko‘payganda tushlik qilmay och qolish, mijozlar hisobni to‘lamay qochganda xarajatni qoplashga ham majbur. Ushbu ko‘rsatuvda “Qaldirg‘och” milliy taomlari restoranida faoliyat yuritayotgan yoshlar misolida ofitsiantlik kasbining haqiqatlari, sohadagi qiyinchiliklar va xo‘randalarning taomlanish madaniyati hikoya qilinadi.
{Yii::t(}
O’tkazib yuborish 6s
O’tkazib yuborish
O‘zbekistonda girgittonlik vaqtinchalik ish bo‘lib, 17-35 yosh atrofidagi yoshlar va talabalar orasida keng tarqalgan. Aksar universitet talabalari darsdan tashqari paytda kafe va restoranlarda ishlaydi, shu tariqa o‘qish bilan birga o‘z xarajatlarini qoplashga harakat qiladi.
Ko‘rsatuv qahramonlaridan biri – 20 yoshli Rimma Killer ham poytaxtdagi xususiy universitetlardan birida moliya yo‘nalishida tahsil oladi. Maktabda katta sinfga o‘tgan vaqtidan restoran sohasiga doir turli kasblarda ishlab ko‘rgan. Ota-onasi uning bolalik paytidayoq ajrashib ketgan va boshqa-boshqa oila qurgan. O‘smir qiz esa buvisining qaramog‘ida qolgan. Buvisi olamdan o‘tganidan so‘ng qiz xolasining uyida yashay boshlagan. Shundan keyin, oilaga “og‘irligim tushmasin” degan maqsadda turli ishlarni bajarib, daromad topgan.
“Aslida 16 yoshlilarni ishga olishmaydi. Qo‘shnilarimiz, tanish xolalar bilan birga borib ish o‘rganardim. Kafe va restoran boshliqlariga vaziyatim og‘irligini, ishlamasam bo‘lmasligini tushuntirib, opalarim ish topishimga yordam berishardi. 2 yildan buyon mustaqil pul topaman. “Qaldirg‘och” milliy taomlarida faoliyat yuritayotganimga esa 7 oy bo‘ldi”, – deydi Rimma Killer.
Ayni paytda abituriyent sifatida oliy ta’lim muassasiga o‘qishga kirish uchun tayyorgarlik ko‘rayotgan va bir vaqtning o‘zida girgittonlik faoliyatini olib borayotgan Elomon Saydullayev 18 yoshda. Uning ofitsiant sifatida ish boshlaganiga 2 yil bo‘lgan. Hozirda tungi smenada girgittonlik qiladi.
“Asosan kechqurun ishlayman, kunduzi darslarga borib, testga tayyorlanaman. Ba’zan uyga ertalab charchab qaytaman, kitob o‘qib, mashq qilishga energiya tugab qoladi. Ayrim paytlarda stress va charchoqdan miyamga dars umuman kirmaydi. Shu sabab, bu yil ham talabalikka erisha olmadim. Ishga endi chiqqan vaqtlarimda, ya’ni 2 yil avval otam katta yuk mashinasi haydovchisi, onam esa maktabda farrosh bo‘lib ishlardi. Oiladagi moddiy ahvol og‘ir bo‘lgani sababli kattalarga yordamlashish uchun pul olib keladigan mehnat bilan shug‘ullanishga majbur bo‘lganman. Vaziyatim yaxshilanganda, bor diqqatimni o‘qishga qaratib, testlarga kuchliroq tayyorlanar edim”, – deydi Elomon Saydullayev.
Restorandagi yoshi eng katta girgittonlaridan biri Naima To‘rayeva (ism-familiya shaxsning iltimosiga binoan o‘zgartirildi) 2 nafar farzandning onasi. U qishloqdagi yumushlar sog‘ligiga to‘g‘ri kelmagani uchun poytaxtga kelgan.
“Jigarimni operatsiya qildirganim sababli o‘zimiz yashaydigan hududdagi pul to‘lanadigan ishlarni bajarish sog‘ligimga to‘g‘ri kelmadi. Shu tufayli Surxondaryodan Toshkentga keldim. Operatsiya xarajatlarimni qoplashga akalarim yordam berdi. Biroq davolanish va sog‘ligimni qayta tiklashga ham qo‘shimcha mablag‘ kerak edi. Pul topish uchun “Qaldirg‘och” restoraniga ishga kirdim. Ungacha hech qanday faoliyat bilan shug‘ullanmaganman. Uy bekasi bo‘lganman. Avvaliga uyimdan uzoqda yashash, notanish shaharda turli xarakterdagi odamlarga xizmat ko‘rsatish oson bo‘lmadi. Ba’zida mijozlarning gaplariga chidash, og‘ir laganlarni ko‘tarish, kun bo‘yi tik oyoqda turishga to‘g‘ri keldi. Lekin boshqa ilojim yo‘q edi — farzandlarimning ehtiyoji, uyimdagi xarajatlar, dori-darmonimning pulini to‘lash uchun mehnat qilishga majbur edim”, – deydi Naima To‘rayeva.
Ayrim ayollar oilaviy sharoit sababli yoki qo‘shimcha daromad izlab bu sohaga kirib keladi. Ular ko‘proq fast-fud tarmoqlari yoki oilaviy kafelarda ishlaydi. Bunday joylarda ish uncha murakkab emasdek ko‘rinsa-da, aslida mas’uliyati katta: ovqatni tez va toza holda eltib berish, mijozning kayfiyatiga e’tibor qaratish, xizmat jarayonida muloyimlikni saqlash talab etiladi.
“Ba’zi mijozlarning noo‘rin gaplari yoki haddan tashqari e’tibori meni noqulay ahvolga soladi. Ish vaqtida samimiy va muloyim bo‘lishimiz kerak. Odatda, barcha xo‘randalarga tabassum bilan xizmat ko‘rsatamiz. Buni ayrim odamlar noto‘g‘ri tushunib, yengiltaklikka yo‘yadi: “raqamingizni bering”, “ishdan keyin nima qilasiz?” degan gaplarni gapirib, bizni xijolat qiladi. Ba’zan ish bizga bog‘liq bo‘lmagan holda cho‘ziladi, uyga qaytishga kechikamiz. Shunday paytlarda poylab turib, yo‘lda ham gap otib ketadiganlar topiladi. Qiz bola girgittonlar uchun shaxsiy chegarani himoya qilish oson emas. Ishimiz halol, og‘ir mehnat qilib pul topyapmiz, odamlarning bizga bunday ko‘z bilan qarashlarini istamas edik”, – deydi Rimma Killer.
“Qaldirg‘och” milliy taomlari bosh menejeri, 15 yillik tajribaga ega girgitton Firdavs Rashidovning aytishicha, mahalliy doirada odamlarda xo‘randalik madaniyatini shakllantirish kerak. U mijozlar orasida taom kutishda sabrsizlik, ofitsiantlarni mensimay, qo‘pol gapirish hamda hisobni to‘lamay ketish kabi holatlar uchrashini ta’kidlaydi.
“Restoranimizda ko‘p taomlar, masalan, salatlar har bir buyurtmadan keyin o‘sha vaqtning o‘zidayoq yangi (svejiy) tayyorlanadi, birinchi va ikkinchi ovqatlar esa yarim tayyor holatda bo‘ladi. Faqatgina karam sho‘rva (borsh)ni yanada yaxshiroq ta’m kirishi uchun bir kun avval pishirib qo‘yamiz. Qolgan hamma taomlar xo‘randalardan buyurtmani qabul qilgandan keyingina yangi tayyorlab beriladi. Bu esa ovqatlarning tez yoki uzoq pishishi, oson yo murakkab tayyorlanishiga qarab turlicha vaqtni oladi.
Salatlarga o‘rtacha 8-15 daqiqa, birinchi ovqatlarga 15-20 daqiqa, ikkinchi taomlarga esa 25-30 daqiqaga yaqin vaqt sarflanishi mumkin. Menyuda har bir taomning tayyor bo‘lish vaqti qancha minutni tashkil etishini ham yozib qo‘yganmiz. Biroq xo‘randalar bunga e’tibor qilmay, sabrsizlik ko‘rsatib, ba’zan baqirib ketadi. Aynan shu masala ortidan janjalli holatlar yuzaga kelib turadi. Eski taomni olib chiqib bera olmaysiz, hech kim bir kun avval pishirilgan ovqatni yegisi kelmaydi. Yangi tayyorlanadigan taomni kutishga esa odamlarning gohida sabri chidamaydi”, – deydi Firdavs Rashidov.
Uning so‘zlariga ko‘ra, xo‘randalar orasida taomlarni iste’mol qilib, porsiya tugay deganda ovqat yoqmaganini aytib, boshqa ovqat so‘raydiganlar va hatto dasturxon pulini to‘lamay ketadiganlari ham topiladi.
“Odam yegan narsasi uchun to‘lovni amalga oshirishni unutishini hech xayolimga sig‘dira olmayman. Ayrimlar o‘zini parishonxotir ko‘rsatib, taomlanib bo‘lganidan so‘ng atrofga qarab indamay chiqib ketadi. Ba’zilarni kameradan kuzatib ushlab qolamiz. Sababini so‘rasak, “yodimdan ko‘tarilibdi”, “shoshib, esdan chiqaribman” degan vajlarni ko‘rsatadi. Ovqat puli to‘lanmay qolgan hollarda jarima girgittonga yuklanadi. O‘zi ularning ishi og‘ir bo‘lsa, bir noinsof xo‘randani deb 2-3 kunlik mehnati ayrim hollarda kuyib ketadi”, – deydi restoran menejeri.
Restoranda ishlashning ham o‘ziga xos qiyinchiliklari mavjud, ularning aksariyati ko‘rinmas, ammo og‘riqli. Xodimlar kun bo‘yi tik oyoqda yurib, ovqat tashiydi, o‘zi tushlik qilishga ulgurmasa-da xo‘randalarni uzoq vaqt och qoldirmaslik uchun harakat qiladi, har bir mijozning injiqliklarini ko‘tarib, talabini qondirishga urinadi, lekin ba’zan buning qiymati e’tiborsiz qoladi.
“Fikrimcha, girgittonlik O‘zbekistonda eng qadrlanmaydigan kasblardan biri. Ishimiz odamlarga oson ko‘rinadi: ovqatni olib kelish, idish-tovoqni yig‘ish. Lekin aslida bu kasb katta sabr, chaqqonlik, xotira va har bir shaxs bilan individual yondashib muomala qilishni talab etadi. Mijozning kayfiyatini buzmaslik, xafa qilmaslik, hatto charchoqni bildirmasdan kulib turish ham kerak. O‘zimizni ba’zan bir stoldan ikkinchisiga yugurayotgan poygachi, ba’zan og‘ir patnos ko‘tarib mashq qilayotgan sportchi, gohida esa “bu ovqat yoqmadi” degan mijoz bilan murosa qilayotgan diplomatga o‘xshataman. Restoranga kelgan odamlar ayrim paytlarda bizni mensimay, qo‘pol gapiradi. Ayrim vaziyatlarda jirkanib muomala qiladi. Menimcha, bunday qarashni o‘zgartirishimiz kerak. Biz ham boshqalar singari halol mehnat qilib, yashash uchun kurashayotgan oddiy odamlarmiz”, – deydi Elomon Saydullayev.
Intervyuni to‘liq holda Kun,uz’ning YouTube’dagi sahifasida tomosha qilishingiz mumkin.
Muallif Diyoraxon Nabijonova
postanovka ishtirokchilari Ibrohim Samadov, Fazliddin Rahmonaliyev
operatorlar Ziyaddin Mammatjonov, Abdulloh Hasanov, Bobur Anvarov
montaj ustasi Abdulloh Hasanov
Bizning ajdodlar ilgari zamonlardan Zarautda yashashgan. 45 yillik umrini shu yerda o‘tkazgan otam usta Rahmonberdi o‘tgan asrning 30-yillarida Zarautni eng so‘ng tark etganlardan biri bo‘ldi. Qayerda bo‘lmasin, Zaraut haqida gap ketar ekan, u o‘zgacha ruh olar va bir-biridan qiziq hikoyat-rivoyatlarni zavq-shavq ila aytib berardi: Zarautsoyning tillarang do‘ngliklarida sayr etuvchi zar kokilli parilar, Boburxon (otam tasvirida Movurxon) tilsimlab ketgan qirq xachirga yuklangan boylik, mazkur xazina tilsimini ocholmay, quruq qo‘l bilan qaytib ketgan hindiy, xazinani haqiqiy sohibi uchun avloddan-avlodga saqlagan zarautliklar…
Oradan ko‘p yillar o‘tganda tushundimki, Zarautsoyda ilgaridan tosh qizil suratlarining mavjudligi odamlar xayolini o‘g‘irlab tilsimlangan xazina haqidagi afsonalar to‘qilishiga olib kelgan.
Ibtidoiy ajdodlar mezolit (o‘rta tosh), neolit (yangi tosh) va bronza davrlarida – bir necha o‘n mingyilliklar mobaynida – Zarautsoy tasvirlarini yaratganlar, ushbu g‘aroyib maskanga odamlar tashrifi haqidagi keyingi bir necha yuz yilliklarning xabarlari ham bugun bizning ixtiyorimizda. X–XIII asrlarga oid arab yozuvlari, XV asrda hazrat Alisher Navoiy shu yerlardan o‘tib, o‘z taassurotlarini «Sab’ai sayyor» dostonida aks ettirgani, XVI asrga oid Mirzo Bobur Zarautsoyda qoldirgan izlar, 1912-yilda harbiy topograf Fyodorov Zarautkamar suratlaridan nusxalar olgani va boshqalar…
Ammo, Zarautsoyning ilmiy o‘rganila boshlangani va uning dunyoga mashhur bo‘lishi haqli ravishda Gavriil Vasilevich Parfyonovning nomi bilan bog‘lanadi.
Parfyonov birinchi bo‘lib Zarautsoy rangtasvirining bebaho ekanini aniqladi, ilmiy jamoatchilik e’tiborini unga qaratdi, o‘rganilishi, muhofazasi va saqlab qolinishi uchun zarur ishlarni amalga oshirdi. O‘sha payt mutaxassis olimlarning umumiy fikriga ko‘ra: «Bu O‘rta Osiyoda eng qadimiy qizil qoya rasmlarining birinchi bor topilishi edi».
Parfyonovning tashabbusi va tashkilotchiligi bilan Zarautsoyga 1940, 1943 va 1945-yillarda ekspeditsiya uyushtirildi va u jahonda mashhur bo‘ldi. Mazkur qoya suratlari bugungi kunda ham mamlakatimizning eng qadimiy tarix va san’at yodgorligi hisoblanib turibdi. U ma’naviyatimizning ilk beshigi, fan uchun tabiiy-tarixiy manba, ijodkorlarga ilhom chashmasi, yosh avlodlarga ta’lim-tarbiya o‘chog‘i…
Parfyonov 1944-yili viloyat o‘lkashunoslik muzeyida maxsus Zarautsoy zalini jihozladi, viloyat ijroiya qo‘mitasining qarori bilan Zarautsoy kompleks qo‘riqxonasi tashkil etilishiga erishdi, 1946-yil 8-iyulda Zarautsoy Davlat kompleks qo‘riqxonasi chegaralarini tasdiqlash to‘g‘risida Sherobod rayoni ijroiya qo‘mitasining qarorini chiqartirdi…
Afsus, G.V.Parfyonovning «Zarautsoy qoya rangtasviri» deb nomlangan asosiy ilmiy ishi nashr etilmay qoldi.
Xullas, Zarautsoy Parfyonovning asosiy xizmati bo‘lgan edi.
Shu bilan birga, Parfyonov o‘tgan asrning 30–50 yillarida yurtimiz moddiy madaniyat yodgorliklarini o‘rganish, ularni saqlash va kelgusi avlodlarga yetkazish, Surxondaryo viloyat o‘lkashunoslik muzeyi va hayvonot bog‘ini tashkil etish, xalqimiz, ayniqsa yosh avlodni o‘tmish merosiga muhabbat ruhida tarbiyalash va boshqa shu kabi ishlarda matonat, fidoyilik, kerak bo‘lsa jasorat ko‘rsatib, ilm-fan, madaniyatni rivojlantirish yo‘lida beminnat, beg‘araz xizmat qilib, zahmat chekib faoliyat yuritgan insondir. Shuningdek, bu inson tashabbusi bilan tuzilgan Sheroboddaryo kompleks arxeologik ekspeditsiyasi Boysun tog‘larida 25 ta g‘or va kamar (shularning ichida Teshiktosh va Amir Temur g‘orlari ham bor edi) topdi, Ko‘hitangda 7 ta g‘orni aniqladi. Zarautsoy ulardan biri. Uning kuch-g‘ayrati bilan viloyat muzeyi qoshida boy ilmiy kutubxona tashkil topdi. Jasoratli va fidoyi insonning qat’iyligi tufayli viloyat hududidagi ko‘pgina yodgorliklar buzib yuborilishdan saqlab qolindi. Masalan, Sulton Saodat me’moriy majmuasi Parfyonov bo‘lmaganida yo‘q bo‘lib ketishi shubhasiz edi.
Gavriil Vasilevich Parfyonov yagona tabiat, tarix, madaniyat va san’at kompleks yodgorligi sifatida qaragan Zarautsoy va uning yon-atrofidagi hudud o‘sha paytlardanoq insonning yovuzlarcha aralashuvidan ozor chekardi. Masalan, Ko‘hitang tog‘larida brakonerlarning yovvoyi burama shoxli echki va arxarlar hamda jayronlarga qiron keltiruvchi harakatlariga tegishli idoralarning e’tiborini jalb etdi, jalb etdigina emas, balki bong urdi. U matbuotda suvni tejash, yerlarni buzilishdan saqlash masalalarida ko‘plab chiqishlar qilgan…
Parfyonov viloyatimizda ommaviy-o‘lkashunoslik harakatini avj oldirdi. Uning eng yaqin yordamchilari maktab o‘quvchilari edi. To‘garaklardan birining ishini shaxsan Parfyonov olib borardi. Termiz shahridagi ana shunday to‘garak a’zolaridan biri jahonga taniqli rassom bo‘lib yetishdi. Bu Ro‘zi Choriyev edi va uning ijodkor rassom sifatidagi birinchi qadami Parfyonov boshchiligida chiqib borishgan Zarautsoy suratlarini chizishdan boshlangandi.
Familiyasi qadimda o‘ggan davlat Parfiyaga kelishib ketishi, turgan-turishi g‘ayrioddiy insonning beqiyos ishlarini afsonadek hayratomuz eshitib, ulug‘dan ulug‘ sarhadlarga yondashgan kabi anglab, shunday odamlar ham bo‘lib o‘tganini ajib bir tug‘yonlar aro sezib yurganmiz. Ammo ming eshitgandan ko‘ra bir ko‘rgan afzal, deydilar. Shu ma’noda «Zarautsoy tilsimlari» kitobi uchun material yig‘ib kutubxona, muzey fondlari, eski davriy nashrlar taxlamlarini varaqlaganda, Parfyonov nomiga shunchalar ko‘p duch keldimki, bunday xizmatlarni bajo etishga har kim ham qodir emasligini anglaganman.
Parfyonovning hayoti hazrati inson har qanday sharoit, har qanday holatda ham ma’naviy kamolot yo‘lida charchamasligini anglatuvchi o‘rnak-namuna bo‘lib tuyuladi mening nazarimda.
Ushbu satrlar muallifi ancha vaqtlardan beri Zarautsoy bo‘yicha izlanishlar olib boraman, mavzuga oid o‘nlab maqolalar yozdim, maxsus kitob chiqardim, tarix va san’at yodgorligini targ‘ib etish, muhofaza qilish maqsadida tashkil etilgan «Zarautsoy» jamoatchilik markazini boshqaryapman, O‘Zbekiston Respublikasi Oliy Majlisi huzuridagi jamoat Fondining Zarautsoyga oid davlat grantini amalga oshirgan odam o‘z tajribamda bunga iymon keltiraman.
Yurtimiz madaniyati va ma’naviyati uchun eng bebaho xizmatlar qilgan, olamshumul kashfiyotlarning boshida turgan, osori atiqalarimizning qo‘riqchisi bo‘lgan, Sulton Saodatdek muqaddas ziyoratgohni saqlab qolgan, zamon sarhadlariga sig‘magan orzular sohibi Gavriil Vasilevich Parfyonovning tarjimai holini tuzukroq bilmadik, u haqdagi ma’lumotlarni uzoq yillar izladik.
Toshkentlik yozuvchi Yuriy Fliginning qo‘limizga tushgan kitobi orqali Gavriil Vasilevich Parfyonov 1897-yil 23-mart kuni Rossiyaning Smolensk shahrida tug‘ilgani, gimnaziyada o‘qigani, armiyada xizmat qilgani, 1927-yildan Smolensk o‘lkashunoslik muzeyida ishlagani, yoshlik orzusini amalga oshirib, 1930-yilda Samarqandga va keyin esa Surxondaryoga kelganini bildik. Surxondaryodagina uning chin tadqiqotchilik va tashkilotchilik qobiliyatlari ochiladi, pedagogik mahorati namoyon bo‘ladi, faqat shu yerdagi xizmatlari uchun G.V.Parfyonovga «O‘zbekistonda xizmat ko‘rsatgan o‘qituvchi» faxriy unvoni beriladi, «Shavkatli mehnati uchun» medali bilan ham mukofotlanadi.
Parfyonov 1967-yili og‘ir xastalikdan so‘ng vafot etadi.
Gavriil Vasilevich Parfyonovdek insonning xotirasi biz uchun ta’zim bajo keltirishga arzigulikdir.
Abdulla Xolmirzayev.
Ko‘p miqdordagi kuchli ta’sir qiluvchi dori vositalari egalariga yetib bormadi.
Davlat xavfsizlik xizmatining Sirdaryo viloyati bo‘yicha boshqarmasi hamda Bojxona qo‘mitasi hamkorligida Andijon viloyatida tezkor tadbir o‘tkazilgan. Unda dorifurushlar tomonidan Qirg‘izistondan kontrabanda yo‘li bilan olib o‘tilgan katta miqdordagi kuchli ta’sir qiluvchi dori vositasining noqonuniy muomilasi oldi olindi.
Xususan, Andijon shahri hududida avtohalokatga uchragan «Changan CL03» rusumli avtomashina xolislar ishtirokida ko‘zdan kechirilganida, avtomashina salon qismida 5071 dona «Regapen» nomli kuchli ta’sir qiluvchi vositasi borligi aniqlanib, prosessual tarzda rasmiylashtirib olindi.
Hozirda holat yuzasidan Jinoyat Kodeksining 251 prim 1-moddasi 5-qismi bilan jinoyat ishi qo‘zg‘atilib, 2 nafar O‘zbekiston fuqarolari gumonlanuvchi tariqasida jinoyat ishiga jalb qilindi.
Tergov harakatlari davom ettirilmoqda.
Bugun kunduzi Qoraqalpog‘iston Respublikasida ba’zi joylarda qor yog‘adi. Toshkent viloyatida ba’zi joylarda yomg‘ir yog‘adi.
Respublikaning qolgan hududlarida yog‘ingarchilik kutilmaydi. Shamol 7-12 m/s tezlikda esadi. Harorat 10-15° iliq, shimolda 3-8° iliq bo‘ladi.
Poytaxtimizda kunning birinchi yarmida yomg‘ir yog‘ishi mumkin. Shamol 3-8 m/s tezlikda esadi. Harorat 11-13° iliq bo‘ladi.
Tog‘ oldi va tog‘li hududlarda ba’zi joylarda yog‘ingarchilik (yomg‘ir, qor) bo‘ladi. Toshkent, Namangan viloyatlarining tog‘li hududlarida qor ko‘chishi xavfi bor. Tuman tushishi mumkin Shamol 7-12 m/s tezlikda esadi. Harorat 2-7° iliq bo‘ladi.
Ijtimoiy tarmoqda Real Sanjik taxallusi bilan tanilgan Sanjar Karimov atrofidagi mojaro yangi bosqichga ko‘tarildi. Hashamatli hayotini ko‘z-ko‘z qilib, o‘zini juda boy inson sifatida ko‘rsatuvchi Karimovga nisbatan jiddiy ayblovlar qo‘yilib, qamoqqa olindi. Ayrimlar hibsni “toshkentlik bir qizning oilasidan uyi olib qo‘yilishi voqeasi” bilan bog‘lashyapti. Xo‘sh, Real Sanjik kim va nima ish bilan shug‘ullangan?
{Yii::t(}
O’tkazib yuborish 6s
O’tkazib yuborish
Real Sanjik kim?
Xalq orasida Real Sanjik nomi bilan tanilgan tadbirkorning asl ismi – Sanjar Karimov. U 1990 yilda Namangan viloyatida tug‘ilgan. Intervyularidan birida yoshligida professional karate bilan shug‘ullangani, hatto O‘zbekiston o‘smirlar terma jamoasi tarkibiga ham jalb qilingani haqida aytib o‘tgan. Talabalik yillarida bir muddat AQShda yashagan.
Uning omma e’tiboriga tushishi bo‘lajak turmush o‘rtog‘iga “Bunyodkor” stadionida baxosi taxminan 300 ming dollar turadigan Bentley Continental avtomobilini sovg‘a qilishidan boshlanadi. O‘sha voqeadan so‘ng uning shaxsi bilan qiziquvchilar ko‘payadi.
Karimov, shuningdek, bir muddat Bektemir tumani deputati ham bo‘lgan.
4 mln dollarlik villa va 35 ta mashinali “garaj”
2024 yilda bloger Jahongir Latipovga bergan intervyusida Real Sanjik 4 million dollarlik villa va 35 ta mashinadan iborat avtoparki borligini aytgan.
Shov-shuvli suhbat davomida 35 yoshli Karimov asosan avtomobillari, qimmatbaho saotlar, ko‘chmas mulk ta’miri, hashamatli hayot tarzi va shunga o‘xshash narsalar haqida gapirgan.
Jahongir Latipov uni “O‘zbekistonning eng boy fermeri” deya ta’riflagan.
Ko‘rsatuvda boylik va xashamatga yo‘g‘rilgan hayot tarzini ko‘z-ko‘z qilarkan, hikoyamiz qahramoni aynan nima ish qilishi va asosiy daromadi qayerdan kelishi haqida aniq ma’lumot bermagan.
Sanjar Karimov qanday boyigan?
Ochiq manbalarga ko‘ra, Karimov Sanjar Baxrom o‘g‘li O‘zbekistonda tashkil etilgan bir qancha korxona va tashkilotlarning ta’sischisi va rahbari hisoblanadi.
Xususan, u g‘alla, urug‘lar va hayvonlar uchun ozuqalarning ulgurji savdosi bilan shug‘ullanuvchi “Agro Export Group Incorporation” MChJda 99,9 foiz, “Agro Martis” MChJda 100 foiz, yog‘och, qurilish materiallari va sanitariya-texnik uskunalar ulgurji savdosi bilan shug‘ullanuvchi “Property Clouds” MChJda 50 foiz ulushga egalik qiladi.
Bundan tashqari, Karimov Agro Export Group orqali Trade&Production International’da 24 foiz, PetroGroup NRG’da 52,5 foiz, shuningdek, Agro Export Group va Agro Martis’lar orqali O‘zbekiston Urug‘chilar assotsiatsiyasida 33,3 foiz ulushni nazorat qilib keladi.
Tadbirkor asosan qishloq xo‘jaligi mahsulotlari uchun ozuqalar, qurilish mahsulotlari hamda yoqilg‘i ulgurji savdosi bilan shug‘ullanuvchi tashkilotlarda ta’sischi yoki ulushdor sifatida keltirilgan.
Nizoli uy voqeasi
Shu yilning oktyabr oyida Toshkentda yashovchi Jamila Olimboyeva o‘zi va oilasi firibgarlik qurboni bo‘lganini ma’lum qilib, ijtimoiy tarmoqlarda videomurojaat qoldirdi. Qizning so‘zlariga ko‘ra, yigiti Shahzod Rismatov qariyb 70 yoshga kirgan ota-onasini uyni 12 kunga vaqtincha “garovga qo‘yishga” ko‘ndirgan, shundan so‘ng turar joy oldi-sotdi sifatida rasmiylashtirilib, Sanjar Karimov nomiga o‘tkaziladi.
Oradan ko‘p o‘tmay Shahzod Rismatov yo‘qolib qolgan. Keyinchalik uning qochib ketgani ma’lum bo‘ladi. Olimboyevaning ushbu da’vosidan so‘ng Sanjar Karimov uyni egalaridan 240 ming dollar naqd to‘lov evaziga sotib olganini aytib chiqdi.
Rismatovga nisbatan firibgarlikning bir nechta epizodlari bo‘yicha jinoyat ishi qo‘zg‘atildi va qochoq “kuyov” 21 noyabr kuni 9 yilga ozodlikdan mahrum etildi. Nizoli uy masalasi fuqarolik ish yuritish tartibida hal etilishi belgilandi.
Gazeta’ning yozishicha, jabrlanuvchi Aliboyevlar oilasi advokatlari ish doirasida Sanjar Karimovning harakatlariga ham huquqiy baho berishni talab qiladi. Sudya iltimosnomani qanoatlantirib, prokurorni xabardor qilishga qaror qilgan.
Sud hukmidan keyin Jamila Olimboyeva barcha bosimlarga qaramay, uni qo‘llab-quvvatlagani va adolat uchun kurashgani uchun Diyora Usmonovaga minnatdorchilik bildirib, post joyladi
Real Sanjik’ning qamoqqa olinishi
Shahzod Rismatovning qamalishidan bir necha kun o‘tgach, jinoyat ishlari bo‘yicha Mirobod tuman sudining 28 noyabrdagi ajrimi bilan Sanjar Karimovga nisbatan qamoqqa olish tarzidagi ehtiyot chorasi qo‘llandi. U o‘ldirish yoki zo‘rlik ishlatish bilan qo‘rqitish hamda giyohvandlik vositalari tayyorlash yoki saqlashda gumonlanyapti.
Uni qamoqqa olish haqidagi iltimosnomani Mirobod tuman sudiga Toshkent shahar prokurorining birinchi o‘rinbosari kiritgan. Sudning 2025 yil 28 noyabrdagi ajrimi bilan, iltimosnoma qanoatlantirilib, ayblanuvchi Karimovga nisbatan qamoqqa olish tarzidagi ehtiyot chorasi qo‘llanishi va tergov hibsxonasiga joylashtirilishi belgilangan.
Jamiyat
Buxoroda dorixona mudirining uyidan qariyb 335 mln so‘mlik kuchli ta’sir qiluvchi dori vositalari topildi
Olot tumanidagi ijtimoiy dorixona mudiri 17 dona kuchli ta’sir qiluvchi dori vositalarini fuqaro A.J.ga sotgan vaqtida ushlangan.
Foto: Bosh prokuratura huzuridagi departament
Bosh prokuratura huzuridagi Departamentning Olot tumani bo‘limi xodimlari tomonidan o‘tkazilgan tezkor tadbir o‘tkazildi.
Tadbir davomida tumandagi ijtimoiy dorixona mudiri S.B. chakana realizatsiya uchun litsenziyaga ega bo‘lmasa-da 17 dona kuchli ta’sir qiluvchi dori vositalarini fuqaro A.J.ga sotgan vaqtida ushlangan.
S.B.ning yashash xonadoni ko‘zdan kechirilganda, 73 turdagi umumiy bahosi 334,6 mln so‘mlik dori vositalarini saqlab kelayotganligi aniqlanib, ushbu dori vositalari ashyoviy dalil sifatida olingan.
Mazkur holat yuzasidan Jinoyat kodeksining 251-1-moddasi (giyohvandlik vositalari, ularning analoglari yoki psixotrop moddalar hisoblanmaydigan kuchli ta’sir qiluvchi moddalarni targ‘ib qiluvchi mahsulotni tayyorlash, tarqatish, reklama qilish, namoyish etish yoki bunday moddalarni yoxud zaharli moddalarni qonunga xilof ravishda muomalaga kiritish) bilan jinoyat ishi qo‘zg‘atilib, tergov harakatlari o‘tkazilmoqda.
Zamon sarhadlariga sig‘magan Parfyonov
Avtohalokatga uchragan mashinadan katta miqdordagi dori topildi
«Arsenal»da alamli mag‘lubiyat, «Barsa» o‘yinida gollar shousi. Kun o‘yinlari
-
Jamiyat4 days agoСаида Мирзиёева атмосфера ҳавосининг ифлосланиши бўйича йиғилиш ўтказмоқда
-
Iqtisodiyot3 days agoO‘zbekistondan Daniyaga ilk bor oziq-ovqat va quruq meva eksport qilindi
-
Iqtisodiyot3 days agoPrezidentning Sirdaryoga tashrifi «River Med Pharm» korxonasidan boshlandi
-
Iqtisodiyot5 days agoO‘zbekistonga eng ko‘p dengiz mahsulotlarini yetkazib bergan davlatlar ma’lum qilindi
-
Jamiyat4 days agoYunusobodda YTH oqibatida avtomobil yonib ketdi
-
Dunyodan4 days agoIndoneziyada bir necha kun ichida 700 dan ortiq kishi halok bo’ldi.
-
Siyosat3 days agoMarkaziy Osiyo mamlakatlari 2026 yilda suvdan foydalanish va suv havzalari tizimiga kelishib olishdi
-
Sport3 days ago«Real» ta’qibni davom ettirdi, «Liverpul» yana ochko yo‘qotdi. Kun o‘yinlari